اذا كان الهوى بايع وشـاري
هوى قلبي انا قـررت ابيعـه
على اول زبونه من ديـاري
تشوف العشق بعيون الطبيعه
هويتك والهوى يبقى خيـاري
احبك حيـث انتـي فالطليعـه
ستبقي مابقي هـذا قـراري
ضليعه في وجع قلبي ظليعـه
اصيل الحب مايرجع تجـاري
وقلبي فيه من يصنع صنيعـه
به المفعول بين الدم سـاري
ودقاتـه اذا شفتـك سريعـه
وهذا عهد ماغيـر مسـاري
ولا دور بديـلـك يابديـعـه
لأجلك يمكن اصبح انتحـاري
واتفجر علـى ادنـى ذريعـه
وكيماوي اسابـق بانتشـاري
تقاريـر المراسـل والمذيعـه
حذاري من تعب قلبي حذاري
انـا بلغـت مافيهـا وجيعـه
اذا {التي إن تي}كان اختياري
فأنتـي غالبـاً اول صريعـه
انا في الحب اسلوبي حضاري
اراعي فيه احكـام الشريعـه
وبعض احيان احكام الصحاري
نبها باتدخلـي قلبـي منيعـه
خذي مني هنا تصريح نـاري
خذيه اليوم يـالاذن السميعـه
لعلمك بس ماعندي مصـاري
ولالـي فالجنيهـات اللميعـه
ولا بي ام عندي او فـراري
ولا ذيك الصوالين الوسيعـه
ولا لكزس ولا حتى سفـاري
ولا دتسن بهيئتهـا المريعـه
اذاًلوتسألي ماهـو ضمـاري
جوابي من هنا ودي اشيعـه
اقول اللي معي باقي حمـاري
وخالة عمتـه ذيـك الوقيعـه
به اتخطى الاشاره والكبـاري
ولفـات الملفـات الشنيـعـه
لطلعات الجبـل والبرضـاري
وانكر صوت عندي ما يذيعـه
فيا نجمـه توطنتـي مـداري
تحري ان تكوني لي مطيعـه
او اني افتعل عازل حـراري
يفـرق دون ماقلـك قليـعـه
انا ماظن لـي قـدره ابـاري
جمال عيونك السود الوسيعـه
قمر ليلي وشمسي في نهاري
منازل حضرتك عندي رفيعـه
اذا ضابط هواي احكم حصاري
الاقي من سواك انتي شفيعـه
احبك حيل ياجبـر انكسـاري
احبك فـي لقانـا والقطيعـه
يمين الله لو تمشي جـواري
اودع وحدتـي ياذالوديـعـه
نصيراثنين في ذات الاطـاري
نشكل فرد في لوحـه بديعـه
ونستدعي تدخل اضطـراري
من الدكتور عبدالله الربيعـه