السلام عليكم ورحمة الله وبركاته

اولا بحب اشكرك هدولة على اختياري كعروس في موضوعك..يا رب الموضوع يعجبك و يعجب الكل

كيفكم يا حلوين؟ بحب اخبركم انكم جميعا معزومين على حفلة زفافي
و ما رح تكون حفلة عادية..لانكم رح تشوفو العرس الاردني على اصوله
و يا رب تنبسطو معنا و اتأكدو انكم على العين و الراس..لا تنسو انكم في الاردن ...ارض الكرم و الشهامة و العز..


اول شي يا حلوين..العرس الاردني اللي على اصوله بتبلش مراسيمه قبل الزفاف ب 3 او 4 ايام..بكونو فيها اهل العريس مهيصين و نازلين احتفالات و هاتك يا قهوة و شاي و حلويات و رقص و دبكات شباب شي بجنن... هي بطاقات الدعوة



.و طبعا هدا كله انا ((العروس)) ما بدرى في شي..انا ما بعمل غير ليلة وحدة بس و هي ليلة الحنا...

فستان الحنا



و طبعا في هدي الليلة بيجو اهل العريس و برقصو للعروس و بحنوها و بيتحلو و برجعو لبيتهم

و هدي الحنا..شوفو..




و هلا اجى اليوم الخطييييير...يوم الزفاف..و العروس عادة بتصحى هدا اليوم زي المضروبة عراسها..مش مستوعبة..
و بتقضي اليوم طوله في الصالون عشان تكون النجمة اللامعة لهالليلة

شوفو كيف طلعت...

التسريحة


الميك اب





الفستان



الطرحة




الحذاء ؛؛؛؛اجلكم الله



طقم الالماس و الدبلة





التاج


المسكة


و هي المناكير كمان



طبعا حبايبي ما رح نخليكم جوعانين..احلى غدا اترتب لعيونكم
و هدا شي اساسي طبعا في العرس الاردني..مناسف اصلية كان بتحضرلها من الليل ..جابو الغنم و نعنشوه من كم يوم ..شوفو كيف الغنمة فرحانة هههههههه






و شوفو وين صارت المسكينة هي و اخواتها




اتفضلوا..الف صحة و هنا على قلوبكم..
و بعدين اتقهوو احلى قهوة عربية



و لما طل الليل..اجى موعد الزفة للصالة..طبعا انا صممت الا يزينو سيارتي و انزف فيها..بس هالمرة انا قاعدة ورا ههههههه




بلشت الزفة..و لفو فينا شوارع عمان ((طبعا انا و عريسي جنبي ))
وصلنا الصالة



نزلنا من هون و بسم الله..بلشت الالعاب النارية..



و مشينا لمدخل الصالة ..و بلشت فرقة الزفة الاردنية بالشغل المزبوط..
ممممم...حسيت اني ملكة فعلا..



خلصت الزفة و دخلنا و ايدينا في ايدين بعض للصالة..على نغمات اغنية ((الحلم الابيض)) لنجوى كرم..
مشينا لحد الكوشة



بدلنا الدبل من اليمين لليسار و قعدنا نلقط انفاسنا شوي..قبل ما نبلش رقص..طبعا..ولا مفكرين رح نركز و نقعد في الكوشة زي الهبايل..

قمنا و رقصنا و طبعا الكل شاركنا الرقص ..و بعدين اجى موعد تقطيع التورتة..



قطعناها بالسيف انا و حبيب قلبي..و اكلنا لقمة سوا..و شربنا العصير سوا في احلى كاسات





و رقصنا سلو انا و عريسي على اغنية (( right here waiting for you

يلا يا حلوين..اكيد جعتو بعد كل هالرقص..ههههه اتفضلو..البوفيه بستناكم..حياكم الله

و بعد العشا خلص..انتهت المراسيم..و هلا بننزف لبيتنا..يلا معنا

بس لا تنسو تاخدو ذكرى من عرسي




يتبع >>>>