منتديات الحب - عرض مشاركة واحدة

05-22-2013, 05:02 PM

هـــــــــــلا بالخاطر اللي من عبيره عطّر الوجدان

سرى بالشوق لآخر ذوق. واعطى النبض ديمومه

هــــــــلا بالطاري اللي لا رمى طيفه على الأذهان

كسبه الانتباه.. وكـــــــــــــــل غفله منه محرومه

هـــــــلا باللحظه اللي ما طمع في عرضها النسيان

عليها تنحني الذكرى. وفــــــوق الصدر مضمومه

هــــــــــــلا بالدمعه اللي ما تشك بصدقها الاحزان

بعيد الشك عنها بعد جفن العين عن نــــــــــــومه

هـــــــلا بالضحكه اللي جت تشيل اللون والمرجان

هدية غبةٍ في خاتم سليمان مختـــــــــــــــــــومه

هــــــــــــلا بالبسمه اللي عيّدت بالورد والألوان

صباح الخير قل للطير لا غنَّى وش علـــــــــومه

هــــــــلا بالنسمه اللي عصر تكشف رقّة الأغصان

بظل الغيمه اللي في ضما الوديان معزومــــــــــــه

هــــــــــــــــلا بالخصله اللي غار منها ليلك الفتان

جرحنا الصبح. والا الليل أثر جرحه من انجـــــومه

هـــــــــــــلا بالنظره اللي كلها غربه وفيها أوطان

هدبها فيه منفا للشقي عن جملة اهمومـــــــــــــه

هــــــــــــلا بالنبره اللي بانكسارتها صدى الحرمان

وسبحتها الجروح اللي بسلك الحزن منظومــــــــــه

.. منقووول ..

اللي بعدي حرف الهاء