كل اصبع بجفك يضوي شمعه بليل
وكل خصلة شعر من كذلتك عفه
يا جمار عالي وما ظن تنلاح
لان عثكك هدل ماشالته السعفه
اذا بميزان ناته وكل حواري العين
ماظنن لغيرك تنزل الكفه
احلى من العسل بالشفه من تنظاك
ومرح مثل النسيم ودمك شخفه
حدر زيجك نهر مضموم ما ينشاف
لان الله طبكها الضفه علضفه
يا اول نده ينكط شعر للروح
ويلمشذر محبه وضحكتك زفه
شمس الله واكبر نزلت اعله الكاع
اجت يمك حبيبي تريد تدفه
حرف (الهاء)