كلمن يكشف اسراره
ونكعد نكشف المستور
واسلط عالظلام النور
واحط بيدج عذاب وجور
واشوفج جرحج المسموم واثاره
واشوفج حركة المغدور لو يتخاطف اعلى العين غداره
واسولفلج عذاب سنين جنها غيوم مطاره
عذاب يبجي حتى الجان قاسي بقسوة احجاره
وهلبت بالدمع شاره
هلبت ذكرى مرت بيج مره وبيه فكرتي
لجن تبقين ذيج انتي
التعبت شكد اعدل بيج عوجه وما تعدلتي
وتغيرتي
وزهت بعيونج الدنيا وتغيرتي
وحلى بعينج رسم غيري ولا كلتي
الحرف (ي)