منتديات الحب - عرض مشاركة واحدة

12-27-2009, 06:22 PM

مالو فراقنا مترفقنا
دون خلق الله
واقف ديمة خلف الباب
نعمل إيه عشان يختانا جاي أو جاي
وبينا وبينو يبقى حجاب ...
وننسى الماضي ينشال من عيونا ضباب
ويهل سعدي
وأقول يا الله كل الناس يكونوا أحباب
*****
بكتب ليك وأطوّل في كتاباتي
يفيض إحساسي وأملأ الدنيا بكلمات خطاباتي
بجمع ليك لغات الدنيا وأكتب ليك
بلغة العجم مرات
بالعربي الشديد وفصيح
وبلغة الملايكة أحيان
والسرياني والتسبيح
وبي كل ذرة في دا الكون
بكتبا ليك وأرسلا فوق جناح الريح
*****
بكتب ليك في الأشجار
وفي الأنهار
محل ما تمشي قدامك
تلاقي حروف رسالاتي
لأنك إنت من ذاتي
ومهما كتبت ما بقدر أعبر ليك عن الجواي
ومهما طاوعت أقلامي كلماتي
*****
ليه ما أكتب وإنت الماضي
بي أحزانو ، بي أفراحو
والمستقبل الآتي
جواباتك شوية خلاص
وأنا الراجيك تكتبي لي كم دفتر وكم كراس
من كلماتا أسوي السبحة والبخرات
وكم حجبات
أداريبن عيون الناس
كمان تقروقة في محراب هواك
أجلس مع الجلاس
بخلي الباقي بتغطّابو لو بعدك غشاني نعاس
*******
أنا الراجيك تكتبي لي
كتاباتك تكون في الظلمة لي نبراس
أنا العايش فراقك لي
أشوفك في عيون الناس
وعاذرك لو كتبتي قليل
رضيان بيه ما دام فيه وفاء وإخلاص