2 - خاتمه سيئه ...

حصلت في واحده الواحده دي تبقى للأسف اخت ابويا
متأسفه مابقدرش اقول عليها عمتي او واحده تقربلي

ميته وهيى عندها حوالي 60 سنه
تخيلوا واحده عاشت في الدنيا 60 سنه
من غير ما تركع ركعه واحده لله
ولا كانت اصلا بتعرفه
لحظه موتها طلبوا منها تقول الشهاده رفضت
رفضت على اساس انها عندها امل ترجع لحياتها تاني
كانت بتقول لاء مش هقول انا كويسه وهعيش
بصراحه عمري ماشفت كفر اكبر من كده
ماتت وهيى رافضه حتى تذكر ربنا في وقت موتها
اخدوها بقى علشان يدفنوها تصدقوا
مافيش قبر كان راضي بيها
اعوذ بالله
والله مافي قبر كان راضي تدخل فيه
بعد ماغلبوا راحوا لمكان تاني يعني مقابر تانيه
وادفنت بالعافيه

دي بقى اختارت الدنيا عن الآخره

كل يوم بنسمع قصص مختلفه
وكتير مابيعرفوش ربنا ،، اي قصه ماتفرقش معاهم
وفي بتأثر فيهم ويتوبوا

وفي النهايه بدعي ربنا
يجعل كل عمل صالح في ميزان حسناتنا
ويجعل اخر حاجه ليا في الدنيا اكون ساجده لي
ويثبتنا على دين الإسلام وعلى طاعته ورضاه


اللهم انت ربي لا اله الا انت
خلقتني وانا عبدك وانا على عهدك ووعدك ما استطعت
اعوذ بك من شر ما صنعت وابوء لك بنعمتك علي
وابوء بذنبي فأغفر لي فإنه لا يغفر الذنوب الا انت