منتديات الحب - عرض مشاركة واحدة

04-11-2009, 10:06 PM

شو هالإحراج يا بكبوك ؟

انا عارفة انك بتتدايق من كلمة (بمزح معك) و عشان هيك بتنتقدني فيها..

شوف يا سيدي..انا بصراحة بحب المزح ..يا انا امزح مع الناس يا اما هم يمزحو معي..

طبعا مو اي حد..المهم..انا بالنسبة الي لما بمزح براعي مشاعر اللي قدامي..و بحاول ما اتعدى حدودي..

يعني ما بكون مزحي دمه تقيل ولا مؤذي معنويا..بالعكس..ما بحب اجرح حد حتى لو بالمزح..ولو عملتها و اللي قدامي حس اني جرحته بكون فعلا مش قصدي و غصب عني..و وقتها بحس بالذنب و بعاتب نفسي كتير..
انت بتقول اني احيانا بستحمل المزح و احيانا لا...هدا شي اكيد عمرو..لما يكون مزح تقيل و فيه اهانة انا ما بقبل..بس بردو بتلاقيني بسرعة بنسى..حتى لو كنت بسرعة انفعلت..و بعدين بتوقع اني بعرف اميز بين المزح و الجد..لما يجيني واحد ما في بيني و بينه شي غير شكرا و يعطيك العافية..و فجأة فجأة ييجي يقللي انتي هبلة..ولا غبية..ولا ما بتفهمي..او اي لفظ من هدي الالفاظ فاكيد رح ازعل..شي طبيعي..لاني ما رح احسه مزح..لو كنت حسيت بانه مزح ما كنت رح ازعل..و انت اكتر واحد عارف..يعني معروف عني اني بستحمل المزح بس ما بستحمل اي حد يتعدى حدوده معي حتى لو كان اقرب الناس الي..

بتمنى يكون ردي واضح و مفهوم ..

شكرا عمورتي على انتقادك الهادف