السلام عليكم ورحمة الله وبركاته
لمين الحكي مين اللي عم يسمعنا ومين منون عاد يخاف الله
لك طمعو وعبو خزايون على حساب دم الاطفال والنساء والعجزة والشيوخ
و الله والله ( اسرائيل ) قائمة على معونات دول عربية اسلامية
ومو بس معونات كمان حماية وعاملين حواليها درع لرد اي هجوم عنها
والسبب الاول والرئيسي اللي خلّى الحكومات تتمادى وينتشر الظلم وتموت كلمة الحئ
هوة الشعب وخوفو على حالو
لسى كل واحد خايف من الموت ونسيان انو كل يوم في شهادء بفلسطين والعراق و كل مكان بالعالم
ميتين والله ميتين ومميت الاحساس عندون اللي متهاونين بهالشي
الشعب المصري اكتر من 70 مليون ما ئدروا يجبروا رئيسون يفتح المعبر معبر الحياة والاكسجين
الشعب السعودي بعمري ما بتزكر انو طلعو مظاهرة استنكار او مساندة وتأييد لفلسطين وللعراق
ولا حتى بيفكروا يعملوها واكيد لانو مميتين وانا عايش بيناتون وشايف هالشي ما بدي مين يحكيلي
الاكل اكبر همّون المصاري الاكسجين عندون والصرف والبحترة شي بيبكي
لك شعب ميت من كتر الفسق والمعاصي ماتت ئلوبون ومات الاحساس فيهون (مع انو بالوراثة مافي احساس)
شعوب المغرب العربي والخليج والسودان وبلاد الشام شعب الوطن العربي كللو نايم
يا اما راكدين ورا لئمتون ومو ملحئين يا اما كتر الاكل سدلّون حلئون وماعاد طلع الحكي معاهون
ليكو الضرب شغال على غزة واكتر من 155 شهيد لهللا غير مئات الجرحى
لنشوف مين رح يعمل شي غير كتر الحكي اللي بلا طعمة طبعا
مناظر بتبكي الحجر وهوة حجر مو بشر
ونحنا رح نعمل اللي علينا و رح نسعى لأكتر من اللي منئدر عليه بإزن الله
فضل الدعاء كبير ادعوا ادعوا ولا تبخلوا لانو في ناس ما عم تبخل بروحها ولا بولادها
اللّهم لا أسألك رد القضاء ولكن أسألك اللطف فيه
حسبنا الله حسبنا الله حسبنا الله
الله اكبر على كل من طغى وظلم وتجبّر الله اكبر الله اكبر
والله ضايج وطار النوم من عيوني وما لي عرفان شو بدي احكي
الكلام كتير كتير بس ما بيفش الألب الا الفعل
الله يكون بعون اهلنا اخواتنا وامهاتنا وآبائنا بغزة
مكشور أخت دمـ ـ حـزن عـ ــة