|
كل عآم وأخواني الأعضاء بألف خيـر ..]
بدون مقدمات بعد البطا جيت ازف لكم اخر قصايدي ...
من شفت للدنيا طرف حسيت في وجداني _ـ§ـ_شيٍ يقول ان الرحا من حيدها مكسوره
كسرٍ ولاهو ينجبر من وقت لين الثاني_ـ§ـ_كسرٍ يدلّك في القوي مع قوته لقصوره
وتدور دورة واحدٍ متظاهرٍ متعاني_ـ§ـ_متباهيه بان الجلد بجذورها المبتورة
تطحن هقواينا وكروتها بلا ميزاني_ـ§ـ_اللي بيطلع فضلها واللي كلته بكوره
عزم الرجال تكسره ويروح بالمجاني_ـ§ـ_كن العزوم طحين منثورٍ على منثورة
ويهب ريحٍ عاتيٍ شلشل ولا بقاني_ـ§ـ_ خلا العرب متناثرة وعزومها منشورة
قم يا صبي لف الفتات اللي بقا باركاني_ـ§ـ_واجمع فتات العالم اللي ما بدا لي نوره
يابن آخ لا تشره على دمعي وهو باجفاني_ـ§ـ_طبع الزمن جره وطبعه دايمٍ له دوره
في عيد ذي الحجة قُتل(مسلم)– ولو هو جاني - _ـ§ـ_يكفيك انّه مسلمٍ يُذبح قبل منحوره
يكفيك ان العالم تطالع وفيهم غاني_ـ§ـ_والناس مسرورة( ألا يا خيبة المسرورة)
أتلاتنا خرفان نُذبح بايد واحد (زآني)_ـ§ـ_أتلاتنا نفرح وننسى وجه ذيك الصورة
ويلاه لعقولٍ تسمّت بـ(العطيب الفاني) _ـ§ـ_أواه يا دمعه جرت في وجنتي مجبورة
هذي حدود إسلامنا وأعراضنا ياخواني ؟!! _ـ§ـ_ لا والله الا الدين عزْ وعزنـا بشعوره
أدري ان قولي ما وفا ولا وفت قيفاني_ـ§ـ_وأدري بحوري ما وفت لو هي غدت مسجورة
اللي قسى من قولي ألين شي به وصاني_ـ§ـ_واللي بقا لحجاجنا يا جعلها مبرورة
هو مرني طيفه وقال الناس لا تنساني_ـ§ـ_يمكن يجي من يرتكا له ثم ياجي دوره
ما في زماني واحدٍ يظهر على الأزماني_ـ§ـ_ويصيح هذا وقتنا لِعْن الكفر وظهوره
يوم أنولدت وجيت للدنيا وشفت الداني _ـ§ـ_قبل أعرف ان الشعر فيه بهالزمن محضورة
ما جيت باكي من عدم حسيت في وجداني _ـ§ـ_شيٍ يقول إني مقابل دنيةٍ مكسورة
^
^
^
والمعـذرة...
|