((( بحر العيووون)))
ما أروع تفجير ذرة الوصف في أدق نقاط الجمال ، ومن أفضل من مهندس الكلمة بدر بن عبدالمحسن في هذا الحيّـز الصعب ..




تقول اللي طرف عينك أنا مدري هدب أو عود

أحس أني من اللي صابها ماشوف قدامي

همست وقلت : لاتخافي على بحر العيون السود

على شط الكحل مريت ، وهذا موضع أقدامي

أدوّر عن ذهب عمري ، بقايا كنزي المفقود

وأشوف الموج يطوي الموج ويبحر مركب أيامي

عيوني بسمة اعيونك ، ولو صارت مطر ورعود

أبشرب من ظما دمعك ، وابغسل جرحي الدامي

عطيني عيونك الليلة وباكر ياعساه صدود

أمانه لا مسحتي الكحل خلي طيف أحلامي

أحبك كان يكفي الحب ، وجروحي في هواك شهود

أنا اللي راس مالي حلم ، وهم الدنيا قدامي