صاحبي كيف بنسى؟..وانت تدري بغلاك
وتدري اني احبك..وتدري انـي ابيـك
الزعل في عيونك مـا يناسـب حـلاك
والابتسامه فشفاتك..بالحسـن تكتسيـك
عيـش دنيـا تهنـا لا تكـدر سمـاك
وابتهج في حياتك..صاحبي مـا عليـك
خاطري يوم حبـك مـا يبـدل سـواك
اول الحب انته..ومـا لغيـرك شريـك
ما اساوم فحبي مطمعـي هـو رضـاك
وخل حبـل المـوده دام قلبـي فيديـك
فالملا لـو بناظر..مـا بلاقـي شـرواك
غير حسنك وزينك دين ربـي معطيـك
بالحسن فقت غيـرك والمعانـي معـاك
بعت لاجلك قديمي وجيت لـك مشتريـك
ذبت في حسن زينك ذايب ن في هـواك
واحتظنّـي بحنانـك خلنـي مهتـويـك
المحبه مشاعر..وجـل منهـو عطـاك
كل وصف ن تميّز ..عـاد منـك اليـك
فيض نبع الموده مـن نقـاوة صفـاك
نبع دافق ويهمـل شهـد منـك وفيـك
انت تزعل وانا ازعل والرضا من رضاك
لا حشى ما نسيتك..يعل ربـي يهديـك
صاحبي كيف تزعل؟..وانت تدري بغلاك
وتدري اني احبك..وتدري انـي ابيـك
سلمت يمينك يالغالي ملك الرومنسيه
عسى لا يحرمني شوفتك وطلتك ومحبتك
واحب اشكر الأخ ريان وأقول له هذا من طيب اصلك
تحيتي لك
كلاس