والله حاله كل مارحنآ لمكآن كرشونا
اذا دخلنآ مجلس البنات قالو لنآ يالله هناك
قلنا ميخالف ذولا بكيفهم ماحنب داخلين




سوينا مجلس لنى طلع المستأجر دمعــه
وكرشتنا حنا وعفشنا طلعنا تقل هنود مضيعين الدرب
عآد أنآ اليوم جمعت كم قرش يمين ويسآر
<< مع تسلف جوال خــآرج نطـآق الخدمـه
وقلت بسوي لى مجلس وبحط شروطي بكيفي


1- ممنوع دخول ذولي
بلونا بكل مكآن نلآقيهم حتى إذآ طلعنآ للبر طلع لنآ سحليه قالت عوآيل
قسم بالله حاله

2- ممنوع البلوت ,, ممنوع التلفزيون ,, ممنوع المسجل ,, ممنوع التدخين
كيفي مجلسي وانا حرر

<< حشى ماصار مجلس صار حلقة تحفيظ

3- اللجه والصجه والرجه مانبيهآ الى براسه هالامور يروح يكبهن بمجلس البنات ويجي مانبي وجع راس


هذي الشروط والى مايتقيد بهن شوفو العواقب ..


1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه باقرب طعس ...همني قايلكم حنا ما نلعب


2- لما تبدا تسولف خل البقيه يجون ويتميلحون ويتهاوشون بس بحدود وخلهم يذبون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجرا وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجرا.....همني قايلكم حنا ما نلعب


3- اللي بيخربط بالدين ولا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وابجدعه على خوص نخله...علشان ما يتعود لها .. همني قايلكم حنا ما نلعب


4- السواليف عن الرياضيه لكم ثنتين...واللي ماهو هلالي لايوطوط فيذاك ....مجلس ابو جدي وانا حر فيه ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل <<< ما قلنا تنشرب

5- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعة هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش. ..ساحتنا وحنا حرين فيها


6- اللي بيدخل باسماء قبايل وعوايل...ولا يتكلم بقلة أدب....هذا بنوديه لا اقرب شيخ وبنكويه مع علباه...وبعدين بناخذه لا اقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان التفحيط ما هو بالشطاره ولا بالمصاله.....التفحيط فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....همني قايلكم ما نلعب...


7- قريتوا الشروط........هاه عجبتكم....فهمتوها... طيب ما عندنا مجلس هالايام....واللي يبي يدخل معنا يرسل لي اميله على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

8- هماني قايلكم حنا ما نلعب


بالنسبه للمحادثات....تسان ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال مشورب ويكتب باسماء اناثي...ولا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم - -


أختـــــارووووو


(موافق )

(غير موافق)