&&& يوميات طفل سعودي &&&

يوميات طفل سعودي

هذه كلماتٍ مسروقة من (دفتر) طفل.. كتبها بعامية اللغة.. ودهشة السؤال!

- السبت:

فتحت عيوني.. أدوّر عن نور.. أمروني: «غمّــض».. و... غمّضت.. بعدها ما شفت لا أبيض.. ولا أسود!

- الأحـد:

كنت أسمعهم يقولون: (ألعن أبوك!)، (يا حمار)، (يا حيوان)، (يا ثور)، (يا بقرة)، (يا كثر أرانبك!)، (يا لوح)

، (ياجــدار) ... فتوقعت أني في حديقة حيوانات.. فتحت عيوني أبغى أشوف هالــ (الحيوانــات).. قالوا لي: «ما

يصلح تشوف قلة أدب!»... سألتهم: «طيب.. فيه عصفور ؟».. صرخوا في وجهي: «أنطم وغمّض!»

- الاثنـين:

سمحوا لي أني أشوف التلفزيون.. كنت لحالي منسجم مع أفلام كرتون.. دخلت أمي.. وكان أبو عائلة آدمز

(يبوس) أمهم.. ركضت أمي.. غيّرت القناة.. وصرخت بأعلى صوتها: «عيب عليك.. قاعد تشوف قلة

أدب!»... ناظرتها بكل براءة وأنا متعجّب من اللي صار: «طيب وش فيها ؟ أبوهم يبوس أمهم!».. قالت لي

وهي معصبة مرررررررة: «التبويس.. قلة حياء!»

بعدها بأسبوع.. شفت أمي تسّلم على أم الجيران و (تبوسها) .. قلت لها وأنا كلي أسى: «يا ماما.. التبويس قلة حياء:!»

الباقي اكمله بعدين

تحياتي

&&&الرحال&&&