بس انت حبيبي

كافي ارجع ولك ما هزك انت الشوك
لو كلبك صدك عن دربي وخرته
وكافي ارجع ولك وارحم دموع العين
وارحم كلب صار هواي سهرته
وكافي ارجع ولك موبيك اشوف الناس
وشوفي خلاف شوفك والله طلكته

وملتني العيون وملني دمع العين
حتى كليبي مل ذاك اليون سكته

وملتني السوالف جيف اسولف بيك
حتى اسمي امن اكوله اذكرك انته


واذكرك من اباوع وجهي كل يوم
اشوفن وجهك انت ووجهي ما شفته


وبس انت حبيبي خلاف هاي الناس
انت اصبحت اني واني العشكته


واسمعهه تصيح بأسمك النبضات
ياونسة فؤادي وياك كل وكته


كلي آنه غلط حبيتك انت هواي
موش آنه التحبني وليش عذبته


وآخرهه ارد اكلك ليش يبن الناس
كلبي الربى بعزك ليش يتمته

دايخ بيك اوصف والله محتار...
مااعرف شوصفك وانت عني بعيد...

انتظر جيتك علي مجبور والله ..
صايم ينتظر بس هلة العيد...

لاتكطع علية الوصل اترجاك ...
بس شوفة اعيونك كلشي ماريد...

وردة اني بجزيرة وتوني طكيت ..
وانت الماي بس تكطع بعد مافيد..

وارجع بيك دايخ هم ارد محتار...
لان انت بجمالك مدري جاي منين..

لو من طين انت انكول مثل الناس..
بس يمكن عسل خلة امكان الطين..

من تبتسم انت الناس كلهة اذوب...
وموسيقى ونغم لو تهمس الشفتين...

حتى الليل صاير منك يغار....
لان دومك تغلبة انت بسواد العين..

وسر الي بجمالك مو حلاة البيك...
اصيل انت ترة وروحك نقية..

الشجره الخضرت من ارض لبنان..
وحملتي الطيب لانج عراقيه ..

اذا حسنك جمع بغداد وي اربيل ...
مو انسانه تطلع والله حورية ..

وخيراا كلبي رادج رهم وياج...
وماريدك تحبني تموت بية..
شاعر العراق مالك الحزين الك ودي وحترامي
لازم ارد عليك بشعر ياحبيبي عمار

عمااااااار
بمنتهي الجمال و الروعة
تسلم الايادي
ابداااااااااع
ما نسجته لنا اناملك
ربي يعيطيك الف عافيه
بانتظاااار روعه جديدك


مالك
ما اروعها من رودود
رائعه ترد ع الشعر بشعر
ربي يعيطيك الف عافيه
و يحميك يا رب



لكم خالص ودي و حبي
مودي العاشق

تسلم على الشعر دومك مبدع ومميز

يسلمووووعلى رقي الطرح واختياره
ابداع لايضاهى بالطرح
سلمت يمناك وعساك علىالقوه
تحياتي لك