أحس طيفك حنين أيغازل طيوفي

أحس طيفك حنين أيغازل طيوفي
وردت أبكل ترافه أتلاعب الروح
وترد الأمان الوحشتي وخوفي
يلمسهرني الليالي لتعيشني بأوهام
أريدك من تواعد كون توفي
أنه أهواك تدري وبيك ذايب حيل
واجفوفك اريد اتنام بجفوفي
يا اجمل قصيدة بدفتر العشاك
من تنطق اشفافك تكمل احروفي
ياروحي بحلم بس مري بلمحبوب
وشوفي اشلون حاله وحالتي شوفي
ما اكدر اعوف الحزن من فركاه
واكل لخيوط حزني الجرحي روفي
الك سهران ذبلت هاي العيون
واكل لعيوني بس من السهر عوفي
اضل احسب نجم بجفاك طول الليل
وتبجيني صفنتي وارجف الخوفي
يعاندني الفرح والدنيا ضد وياي
واكل الروحي احرمي وبالحزن طوفي

عماااااار
انت رائع يا غالي
و الاروع قلمك المبهر
ربي يعطيك العافيه
و لا يحرمنا من جديدك
ابدااااااااااااا
لك خالص ودي
العاشق