قوارب الجبنة البيضاء الشهيه بالصور

موضوع اعجبني

قوارب الجبنة البيضاء الشهيه بالصور



" قوارب الجبنة البيضا "



قبل لا نبدا بأي شي نحط شوي زيت زيتون + 2 فص ثوم مدقوق ونتركهم على جنب .



نبدا نسوي العجينة .. مقاديرها :-
3 ك طحين
3 ملاعق كبيرة حليب نيدو + 1 ملعقة كبيرة سكر + رشة ملح + بيالة شاهي زيت زيتون
1 ك مويه دافيه و نذوب فيها ملعقة كبيرة خميرة فورية
" نعجنها بالعجانه والافضل تنعجن كويس بعد كذا باليد على سطح نظيف وتتخبط باليد "
نغطيها بفوطه نظيفة مبلولة شوي و نتركها تخمر 1/2 ساعة



الحشوة :-
علبة كبيرة جبنة البقرات الثلاث تقريبا بنحتاج ثلاث ارباعها
نحط معها حبة فلفل احمر بارد مفروم فرم ناااعم زي الصورة
+ ملعقة صغيره نعناع ناشف انا اخذته من المهباج اللي في السيفوي
+شوي بقدونس مفروم مثل اللي بالصورة




نهرسهم مع بعض كويس بالشوكه




بعد ماتخمر العجينة نبدا نشتغل فيها
لا تنسون تشغلون الفرن اول ما تبدون تفردون عشان يصير جاهز



نفردها كويس على سطح نظيف و مرشوش عليه شوي دقيق .. لا تكثرون بعدين ما ترضى تلزق
نقطعها دوائر الحجم اللي تبون .. شفتوا القطاعات اللي 3 مع بعض ؟ انا استخدمت الوسط
ونحط تقريبا ملعقة اكل صغيرة في كل قطعة


نسكرهم على شكل قوراب بعدين ندهن جوانبها بالفرشة بزيت الزيتون اللي نقعنا فيه الثوم
انتبهوا بس حطوا زيت لا تاخذون من الثوم اللي تحت



نجيب صينية التشيز كيك وندهنها برضو بزيت الزيتون اللي نقعنا فيه الثوم وندهن الجوانب بعد
ونبدا ناخذ كل حبة ونرش على جوانبها شوي أوريقانو "زعتر بري" شوي لا تكثرون تصير مرّه


نصفها بهذا الشكل كذا مايلات و لاصقات ببعض
ندخلها الفرن 350 درجه و تكون النار من تحت لما تتحمر نقلب الحراره من فوق الين ما تاخذ لون




هنا و هي توها فرش طالعة من الفرن و ريحتها



جربوها تجنن مع شاهي حبق
وبلهناء والعاااااافيه على قلوبكم



المصدر: منتدى منتديات الحب الرومانسية

r,hvf hg[fkm hgfdqhx hgaidi fhgw,v

الموضوع منقول