خآيف عليهآ من الثرىـآ غطآهآ

قصيدة مؤثرة
عن رثاء الأم للشاعر /الحميدي الشهري
خآيف عليهآ من الثرىـآ غطآهآ
وربي اثرت فيني مررهـ
ربي يرحم اموات المسلمين اجمعين
وربي يحفظ امي ويخليها ويطول بعمرها
خايف عليها من الثرى غطاهـا
و الا الحصى حافيه أخاف اذاهـا
أكرم عليها بالكفـن يـا مطـوع
بالبيت ظل فراشهـا وغطاهـا
أكرم عليها بالكفـن هـذي أمـي
و أشهد عليها في ما عطت يمناها
هذي الضحى واليـل يتحرونهـا
هذي السماء و نجومـه تنعاهـا
هذي السوالـف مثلنـا تبكيهـا
والارض تنشد عن اثر لخطاهـا
هذي الكبيره كبر هـذي الدنيـا
هذي العظيمه جل مـن سواهـا
أبكي عليها مـو نهـار و ليلـه
و لا سنه تمشي وعـد قضاهـا
أبكي عليها كثـر مـا شالتنـي
و كثر الحنين الي اختلط بغناهـا
و كثر الاسامي و كثر من سموها
و كثرالنجوم و كثر من يرعاهـا
أبكي عليها من القهر يـا دنيـا
مـن لـي أنـا من لي عقـب فرقاهـا
من فتحت عينـي و لا خلتنـي
و شوفوا ولدها بالقبـر خلاهـا
هل التراب بوجهـا مـا قصـر
شفتوا ولدها كيف هـو جازاهـا
لو أنهـا مكانـي مـا سوتهـا
لاكـن أعـز عيالهـا سـواهـا
يا دود شفها ذابله جنبها
أنا ولدهـا و حاضـر وأفداهـا
قطعني هاك الي تبي من جسمـي
بس الكريمـه لا تجـي بحذاهـا
و وصيك أمانه قل لها تعذرنـي
و تكفى تروح تحب لي ماطاهـا
أبيها تغفر لي مثـل مـا كانـت
كل خمله مني بطيبهـا ترفاهـا
يالله عساهـا بالنعيـم الخـالـد
و عساها في جنة عدن سكناهـا
يا فضو هذا الكون يا هو خالـي
يا ضيق هذي الدنيا يا مقساهـا
يا مر طعـم فراقهـا يـا مـره
ماني مصـدق أرجـع ومالقاهـا
وشلون أجي غرفتها ما هي فيها
وش عذري لسبحتها ومصلاهـا
وش اقـول أنـا لدولابهـا وشنطتها
واذا سالني مشطها وحناها وعباتهـا
ومي زمزم ومصحفها والمبخـره
ورشـوشـهــا ود واهــــا
الكـل فـي غرفتهـا متفقدهـا
حتى الجدار متفطـر ويرجاهـا
الكـل يبكيهـا مهـو ناسيـهـا
يالله صبرني و شلـون انساهـا
ياليتهـا مـاراحـت وخلتـنـي
او وسعت لـي بالقبـر وياهـا

/

ماجد العزيزي
سلمت وسملت يمينك على النقل وصح السان الشاعر
قصيدة روعة تحمل معاناة كلنا نمر بها
يارب يرحم امهات المسلمين امين
ويارب يحفض اللي بعدها عايشه
يسعدني ان اكون اول من رد على الموضوع
تقبل مروري البسيط
دمت بود واحترام

الحر

تسلم على المرور الرائع

تحياتي

الله يخليهن لنآ يآرب ويرحم من مآتت ويصبر عيآلهآ
تسلم الايادي ع القصيده أخوي مآجد
وصح لسآن قائلهآ

تقديري

   

قطرة

اللهم امين

تحياتي

ماجد والله زتني هم



امي تعبانة حيل

الله يعطيك العافية ع ها النقلة

دموع

الله يشفي امك


والله ماكان القصد اني اسبب هم لاي احد


قصيدة جميلة واثرت فيني


وحبيت انقلها للجميع

تحياتي

ررررررائعه

دمعت عينى

صح لسان قايلها

الله يرحم امهات المسلمين والمومنين

ويحفظ الاحياء منهم

يارب اشفى امى وام دموع الشوق وكل مريض


مشكور ماجد العزيزى

دمت بخير