عشر أشياء {طارق المحياس} اهداء خااص

كنت اقول انك محال في يوم تتغير عليه .. لو يصير اللي يصير تبقى أوفى هالبشر
لكن العذال لا ماقصروا لا فيك و فيّه .. فرقونا عن بعضنا واقنعوك انه القدر
للأسف انك نويت تروح عني بدون جيّه .. حتى ماودعتني من بعد عشرة هالعمر
هانت العشره عليك الله وكبر يا الخطيّه .. والله حاولت أعذرك بس وين اطلع لك عذر
كم أنا ضحيت لأجلك كم تحملت الأسيّه .. كم أنا عانيت منك كم تحملت الهجر
كم توعدني تجيني وانتظر صبح وعشيّه .. وماتجيني وما تقول وكنت دايم انتظر
و كنت ما ازعل ابد رغم اللي فيني من أذيّه .. ماكنت أشيل بخاطري وماكنت حتى أفتكر
والسبب كنت أعتقد بس اني لك وانته اللي ليّه ..وماتصدق لو اقولك كنت انا فيك أفتخر
كنت اقول لناس هذا والله مافي حد زيّه .. طيب وافي عسى الله يحفظه من كل شر
هذا ربي جابه لي من بعد حرماني هديّه .. اللي في جيله نجوم وبينهم هو قمر
هذا أصلا ماهو ورد هو في عيني المزهريّه ..حاضن إحساسي بدينه وأجمل أنواع الزهر
هذا ماهو شعري لالا هو حروفي الأبجديّه .. يوم اشوفه كيف مدري فجأه يكتبني الشعر
هو حياتي وهو مماتي والليالي السرمديه .. أبسط احلامي اشوفه مره وحده بشهر
ومن كثر ماكنت اسولف حسو العذال فيّه .. تقربوا منك شويه شويه بأسلوب المكر
عني قالوا من ورايه أن انا فيّه وفيّه ..وأستغلوا بعدي عنك لما أشغلني السفر
قربوك وضحكوك وعاملوك بسؤ نيّه .. يظهرون الطيب لكن هم خفو عنك الغدر
درسوا الموضوع وحطو خطه يا هي نرجسيه .. وبالفعل نجحو في خطتهم ولا عندك خبر
وغلطتي إني معك ماكنت أعيش بواقعيه .. كنت تامرني والبي حتى لو صعب الامر
كنت تتغلى وتتدلع وتتمادى عليه .. وكنت انا دايم على شوفك ابد مالي صبر
من تقول ابغي اشوفك طار كل الكون فيّه .. انسى كل الناس واجي لشوفتك لو بالفجر
كم تكلم عني هذا وذاك وهذاك وذيه .. وكنت اطنش بس عشانك لو يقولون انتحر
في النهايه شوف غيري كيف اخذكم من إيديه .. صمت انا لأجلك غيري فيك يا الغالي فطر
ماكذب من قال والله إن هالدنيا دنيّه .. البشر انواع فيها وانته واحد من البشر
بس تدري هذه خيره لأن عندي حسن نيّه .. أستفدت أشيا كثيره واستفاداتي عشر
اولاً ما ارضى اني اقبل بدور الضحيه .. ثانياً ماسامح اللي بيوم صد عني وغدر
ثالثاً ماعاد تغريني انا اي جاذبيه .. رابعاً لو جيت أحب لازم أنا أحب بفكر
خامساً ماحب أبد انسان حبني لو شويه .. لو يبيني صدق احبه فيني لازم ينتحر
سادساَ ماسامح اللي زل وأهداني الخطيه .. سابعاً ما اسهر لأي حد لي وقت الفجر
ثامناً لازم عطايا بس على قد العطيه .. تاسعاً الحب اصلا بين خلق الله ندر
عاشراً ماحد يبقى غير نور الله وضيه .. هذا نذري ويشهد الله اني راح اوفي النذر
ومن قبل ما اروح ودي تسوي بس شيئين ليّه .. اذكر انه مافي حد غيري يحبك هالكثر
ودي لو أنك تقارنهم بعد ما أروح فيّه .. وانت شوف الفرق وقارن وانته حدد بسعر
منهو اغلى ياترى هم ولا انا ولا سويّه .. انته أحكم وانته فاهم وطبعاً انت كلك نظر
يا عسى هالبعد خيره وعيشتك دايم هنيه .. اما انا ماقول إلا الحمدلله والشكر
دام هالعذال ما قصروك لا فيك وفيّه .. فرقونا عن بعضنا وقنعوك ان القدر
ابتعد عني ولا اعتب ولا تعتب عليّه .. خلني مثلك اخدع احساسي واقول ان القدر
ابتعد عني يا محبوبي وانا ببقى هنيّه ..وهاك خذ ماضيك كله وذكرياتك والصور

للشاعر / طارق المحياس

والله مو العذال اللي قالولي القدر

إنتي اللي قلتي إنو قدرنا مو لبعض

حبيتك وبعيوني حطيتك

وما فكرت بيوم من الأيام بغيرك

بس الظاهر إنك نسيتي مين حبيبك

ونسيتي أيام كان فيها قرب انو يعبدك

استغفر الله على كلمة التقيلة

اني ما عبدت وما بعبد غير رب البرية

هو عالم بحالي وهو مقدر عيشتي

ان كانت تعيسة ولا إن كانت هنية

تكفى يرحم والديكي طلبتك

اتركيني وانسيني

وعيشي حياتك سعيدة وهنية

شكرا على المرور

الامورة
صح السان الشاعر
عاشت يمينك على النقل
نقلت فابدعت شكرا لحسن اختيارك الابيات الجميلة
تقبلي مروري البسيط
دمتي بود واحترام

كلمات رائعه من قلب اروع ..
فعلاً امتعتنا بهذه الاحاسيس الجميلة والمميزة ..
كلمات لا تمل لما تحمله من أحساس ومشاعر ..
اسجلِ اعجابي بطرحك ..
تقبل ودي وتحياتي لك

الرجل الحر مشكور على تواجدك الراقي
ودمت بود

تعبتني جروحي هلا بك غاليتي نورتي بإطلالتك
لكي تقديري ومودتي

صح لسان الشاعر

تسلم ايدك الامورة و يسلم قلبك

مشكورة يا قمر عالنقل الحلو و المميز

الله يسعد ايامك و يكتبلك الخير

مودتي و تقديري

رد روحي