الشعب يريد اسقاط النظـام

ونموت نموت وتحيا مصـر



بورسعيد . محافظة صغيرة .. عدد سكانها حوالي نصف مليون

ححاول أحكيلكم ازاي عشنا الثورة < ثورة بورسعيد ضد النظام >





يوم الثلاثاء 25 يناير 40 الف متظاهر .. مصدقناش نفسنا واحنا بنقول بصوت عالي
.. عيش .. حرية كرامة انسانية



يوم الاربعاء 26 يناير 40 ألف متظاهر .. كنا خايفين من الي قلناه بس رجعنا قلناه وزودنا عليه يسقط مبارك...
يمكن الكثرة بتغلب الشجاعة


يوم الخميس 27 يناير 40 ألف متظاهر .. الشعب يريد اسقاط النظام ..
بدأت تتردد مابين الناس



يوم الجمعة 28 يناير 100 ألف متظاهر صرخنا كلنا .. بجد صرخنا وكأننا نفسنا نصرخ من زمان بس مكناش حاسين
.. الشعب يريد اسقاط النظام



اه قلناها .. والله قلناها .. الشعب يريد اسقاط النظام


قلتها بصووت عالي أووي .. كنت حطير من الفرحة وانا بقولها



ولأول مرة اكون عايز خطبة الجمعة تخلص بسرعة عشان حاجة نفسي اعملها


ومعرفش ايه الي نزل عليا .. كانت عينينا حتدمع وانا حاسس اني بقول حاجة
من اول ما شميت نفسي في الدنيا وانا نفسي أقولها

أخيرا قلتها

الشعب يريد اسقاط النظام




..

بس للأسف

النظام أبى بشدة أن تكتمل فرحتي وفرحة المصرين


فجأة سمعت .. قسم االبولييس اتحرق..



معقول ؟ مين حرقه؟ .. محدش عارف

بعد دقايق قليلة اقسام بوليس بورسعيد كلها اتحرقت ..

يا جماعة انتو بتهزرو ؟ مش معقول

طيب روح وشوف .. أروح وماله



وقبل ما أوصل حسيت باختناق واخويا مقدرش يكمل

الحكومة المصرية بتضرب قنابل على المصرين

الحكومة بتضرب نار على الي رايحين وجايين






.. كلوو يجري .. كلوو يروح بيته .. الأمن بيقتل في كل المواطنين



ليـــــه؟ عملنا ايه ؟ دة احنا يادوب بنقول بالصوت حاجة بنتمناها ..

وحتى منعرفش تتعمل ازاي
الشعب يريد اسقاط النظام
..


الشائعات بدأت تنتشر

مات ستة .. لا عشرة .. لا خمسة

المسجونين هربو .. البلطجية في البلد بيسرقو

واصوات في المساجد وفي كل مكان

احموا بيوتكم

احموا اعراضكم

احموا اموالكم



.. أجمل منظر رأيته بعيني في حياتي .. واعتقد اانني لن أرى مثيله

أولاد شارعنا .. والشارع الي جنبنا .. الحارة كلها اتجمعت

اتجمعوا بكلمة واحدة


.. احنا ايد واحدة

احنا ايد واحدة

احنا ايد واحدة..



...

ونموت نموت وتحيا مصـر




..

.. شارعنا للأسف يطل على جبتهين

شارع فيه سجن بورسعيد
وشارع فيه محلات الذهب


..
وبالرغم من أن اصحاب المحلات غير ساكنين بالحارة او الشارع .. اطمئنو

اطمئنو ليس لوجود أي فرد أمن

ولكن اطمئنو بوجود شباب شارعنا وحارتنا

..


ده كان الاسبوع الاول للثورة.. في بورسعيد



ان شاء الله أحاول اجمعلكم أحداث الاسبوع التاني مرة تانية

ولكن للأسف النت في مصر عنده ظروف .. محدش يفهمني صح هههه

..





اشوفكم بخيـر


ونموت نمووت .. وتحيا مصـر