الحــب بين الأعضـاء (قبل أن ينتحـر الحـب)

.



.

السلام عليكم ورحمة الله وبركاته




..معاني كتير بنعرفها عن حاجة في حياتنا اسمها الحب


كل إنسان بتخلتف وجهة نظره أو رأيه في شكل الحب وطريقته


بس يظل الحب في الأخر هو إحساس بالود والألفة ناحية شيء معين


بس ازاي طريقته ومعناها جوانا كل واحد وتفكيره.


أنا بشوف الحب من نظرة



وأنت من نظرة


وغيرنا وغيرنا بيشوفه بنظرات مختلفة وكلنا بنعرف كده


حتى أنا نفسي وأنت.. نظرتنا بتختلف


من عمر لعمر في طريقة فهمنا للحب


وإحنا أطفال غير وإحنا شباب غير خالص لما نكبر ونعجز


واحتياجنا كمان يختلف للحب حسب المكان والتوقيت


...


كل واحد فينا بيعبر عن حبه بطريقته


فيه بيعبر بالكلام


فيه بيعبر بالنظرات


وفيه بالصمت أو بالخجل


وفيه الي بيحب وما بيعرفش يعبر خالص


المهم في الأخير إننا منقدرش نستغنى عن الحب


الحب مخلوق عشاني أنا وانت وانتي


مش مختص بناس عن ناس


مش بيميز بين فقير وغني أو بين ضعيف وقوي أو أو .. الخ



ربنا خلقه لينا واحنا بنهمله


ولو احنا اهملنا الحب حيموت


لأنه بيحتاج تربية ونمو


لازم نسقيه


بقلوبنا وما فيها نسقيه


بضحكه حلوه نسقيه


بكلمة حلوة نسقيه




لو كل منتديات الدنيا كان مفيهاش حب.. شيء عادي


لكن منتدى الحب؟ ده أساسه حب


مبادئه الأساسية حب


حب بين عضو وعضو


بين عضو قديم وجديد


حب يظهر في رد على موضوع


في نقد لصاحب موضوع


في ترحيب لعضو جديد


في استقبال عضو غايب


مبقولش أشعار ولا كلام بحثت عنه أنا شيء شايفه في المنتدى بتكلم عنه بطريقتي



ممكن أقولك يا فلان أنا بحبك أوي و وحشتني .. وأنا في الحقيقة من جوه مش بحبك.. إن شاء الله منشوفهاش بينّا



وممكن أقولك يا فلان أنت غلطان في دي كان لازم تعمل كده .. لاء غير دي .. الموضوع ده مش حلو.. ردك معجبنيش


.. لكن لو فكرنا كويس


ح نعرف إن ده هو الحب فعلاً


لأنه ده معناه إني خايف عليك ومش عايزك تغلط


أو على الأقل بنبهك

..


أنا الصراحة نفسي أقولك أنك غلط .. أنت يلي بتقرا الموضوع.. في حاجات كتير أنت غلط.. وبستنى تقولي وتعرفني غلطي


بس خوفنا من بعض بيخلينا نتراجع .. بس خوفنا ده حيوصلنا لأننا منتواصلش مع بعض ويكون كل واحد في جهة


متخبيش عليّ إني بغلط .. وكمان متطلعنيش وحش أوي.


يكون بالتفاهم وبالود واذا كان شيء كبير يكون بينّا


وان حسيت انك حتفيد أكتر لو حتقولّي بين الناس حاضر قولّي


.......


أغلب الي شاركو في المنتدى كانو بيبحثو في كلمة حب


..يمكن في قوقل كتب كلمة حب لقى نفسه هنا في المنتدى صح؟


مش ممكن هو يكون بيبحث عن الحب ويجي لحد هنا وينساه


دي تبئا كارثة



...


مش عايز أطول عليكم


بس أكيد كلنا عشنا ظروف وأيام حسينا فيها أننا بعيد عن بعض


كل واحد قال لنفسه محدش فاهمني


أنا قصدي كذا وهو فهمني غلط


والتاني يرد ويقول ده مبيفهمش دنا كنت بقصد كذا وكذا



...



ننسى أي شيء ونفتكر اننا بنحب بعض ونخاف على بعض


بنتنافس؟.. أه يمكن ولو إني مش بشوفها أوي بينا وده شيء من وجهة نظري مش حلو



نتنافس؟


يا ريت نتنافس


المنافسة ح تبني روح والروح ح تظهر في مواضيعنا وردودنا


بس مش ح يمنعنا نحب بعض ونخاف على بعض ونتمنى الخير لبعض



..بنشوف مثلاً مباريات في أوروبا.. حتى عندنا في منطقتنا العربية


الفريقين بيخرجو وبرغم إن فيه فائز وبياخد ملايين ومكافآت وهدايا عينيه


إلا إن الخسران بيروح يشجعه بروح رياضية وأوقات يكونوا أصدقاء يخلصوا مباراة تكون مليانة تنافس وبعدها يتعشوا سوا..



عايزين نحس بالروح دي موجودة بينا



نتنافس على تقديم شيء حلو الناس تفتكرنا بيه


بلاش نترك المنتدى هنا الا بذكرى حلوة طيبة


و مننساش أبداً أننا نحب بعض



يلا نلحئ نفسنا


نشجع بعضنا


قبل ما نلاقي الحب بيهرب مننا


وبدل ما إحنا نهمله


يتكبر علينا ويقول دي ناس متستاهلنيش وهو الي ينتحر


أيوة متستغربش


الحب ممكن ينتحر بسببنا


ما هو اتخلق عشانّا


ولو إحنا قلنا له بالسلامة مش عايزينك


ح يقولنا ولا أنا كمان عايزكم


ودي حاجة أكيد كلنا نكرهها لأننا منقدرش نعيش من غير حب


مهما اختلفنا.. مهما اتكلمنا


الحب سهل وبسيط وح يظهر في كل كلمة بنكتبها


وبرغم إني حذر وأنا بكتب بس واثق أنكم حتفهموني


لأني بكلمكم من قلبي .. ومن القلب بيوصل للقلب .


ويا رب بجد.. يكون اجتماعنا في الحب .. أساسه الحب




والسلام ختام





برعاية/