أصعب سؤال ؟؟؟ للسهلي

السلام عليكم ورحمة الله وبركاته



- قصيدة اصعب سؤال
للشاعر: محمد جار الله السهلي

( اصعب سؤال ) اللي جوابه للأسف مثله ( سؤال )

ماهو تفلسف ! الا موقف صار واسمع " ثاني بيت" :

البارحه يومه سأل : ( وش ذكرك ذيـك الليـال ؟ )

كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شـي محـال

لكنها صارت كذا ! واللي (( اهـم )) انـي دريـت

ان الحيـاه فبعـد احبابـك اذا جــف الـوصـال

اتعيشها لو تقتنع انك خـلااص اصبحـت ( ميـت )

ياصاحبـي لـو كـل شـي يمـر بالخاطـر يقـال

مـا كانـت العبـره تولجنـي اليـا منـك طريـت

شفني قدرت احبس دموعي بس ( دمع القاف ) سال

ويا كبرهـا ساكـت ولكـن داخـل اوراقـي بكيـت

عمر الحكي ما كـان دافـي لاابتـدى بقولـة تعـال

لجـل اتجاهـل رجفـة حروفـي اليامنـي حكيـت

الحـال فـي بعـدك قسـم بالله مـا اسميـه حـال

انوي على الضحكه واحس كلي خطـا لأنـي نويـت

اتصور انك مـن رحلـت اشوفـك لجسمـي ظـلال

لا شفته امشي ببتعد واثـره معـي مهمـا مشيـت

مـدام يعنـي فـي بحـرك لفرحتـي مليـون جـال

وش فيه موجك ما ركد ؟ قربت اموووت وما رسيت

يرضيك ما عـادت معـي تفـرق اذا جالـك مجـال

لاني اقتنعت انك نهايـه وانـي ببطـي مـا بديـت

صرت ( اعقد حجاجي ) اذا جابوك باطراف الجـدال

وانا قبل لاقالوا اسمـك كنـي : ميـت ثـم حييـت

تعبـت اعيـش الـدور وافتـح للمعاذيـر الخيـال

واتخيل انـي جيـت فـي بالـك وبانـك استحيـت

وتردلي كلك (( وله )) وتقول : ( كن البعد طال ؟ )

ومن الفرح ما عاتبك واقول : ( ياخـي مابغيـت )

حتى وانا اتخيـل حشمتـك ! لـن قلبـي لا يـزال

يكرر اسمـك داخـل اعماقـي بنبضـه لا سهيـت

قلي شسوي فيك ؟ وانـت بداخلـي اصـدق مثـال

للحب واحساس القصيد ان عانـق الليـل وسريـت

ربـي يصبرنـي علـى الفرقـا مـدام الحـظ مـال

وانت بيجيلك يوم تعرف ليـه فـي بعـدك شكيـت

واذا بلاك الله وعذبك اشتياقـك (( بـس تعـال ))

واقرى القصايد في غيابك كلبوهـا بيـت ... بيـت

بتدرى ان ( اصعب سؤال ) اللي يجي رده ( سؤال )

لا قلتلي ( وش ذكرك ؟ ) ثم قلتلك ( متى نسيت ؟ )

ياصاحبـي لـو كـل شـي يمـر بالخاطـر يقـال
مـا كانـت العبـره تولجنـي اليـا منـك طريـت

يعطيك العافيه

خــــــــارج

على الكلمات الرائعه

والله روعه تسلم يمينك

دمت بوووووووووود

تقبل مرووووور

الـــــــــــــــروح

كلمات رائعة
يعطيك العافية اخ خارج
سلمت يمناك
دمت بود
تقبل مروري
امير الاحساس