كل سنه وانتم طيبين

الحمدلله والصلاة والسلام على رسول الله وعلى آله وصحبه أجمعين

بسم الله الرحمن الرحيم

أنا اكتر يوم بخاف فيه في السنه كلها هو يوم عيد الفطر لدرجة اني بفكر فيه من أول يوم رمضان بفضل اتمنى ان رمضان يطوول يطوول عشان مشوفش اليوم ده...

طبعا مستغربين لأن المفروض ان كلنا بنحب اليوم ده وده يوم فرح للمسلمين وحتى أغلبنا بيحسو بعيد الفطر اكتر من عيد الأضحى....

طبعا عشان اليوم ده قرب وكل سنة وانتم طيبين كنت بفكر أشارك اخواتي في المنتدى ولو بشيء يخطر ببالي قلت حشترك بأول شيء يجي في بالي...

وحقيقه أول شي خطر ببالي الخوف من نهاية رمضان خفت ميعجبش حد بس صبركم علي وترحيبكم بي طمعني فيكم وخلاني أقول أكيد اخواني في المنتدى حيسمحولي اني أتمنى مشاركتهم ويفيدوني..

ولو اني مقصر في رمضان بس مهما عملت في باقي السنه مبحسش براحه مثل الي بحسها في الشهر الكريم!

حد منكم بيحس الاحساس ده؟

لو حد حس بخوف في العيد ممكن يتجنبه ازاي؟


لو فيه احد عنده اقتراح لي يريت مايبخلش علي لاني بجد انا بزعل من احساسي الي بعتبره احساس انسان دينه ضعيف!

بتمنى لي ولكم من كل قلبي يكون كل أيامكم افراح وسعاده وللمسلمين كلهم في مشارق الأرض ومغاربها

ومشكوورين على قراءة مشاركتي


شـكــ وبارك الله فيك ـــرا لك ... لك مني أجمل تحية .

اخي بوكا

حكلمك بنفس لهجتك عشان يكون التواصل احسن. انا مش عارفة ايه اللي ممكن يخوف انسان من قدوم العيد
حاجة غريبة فعلا. انت لوحدك اللي تعرف السبب و يمكن ذكرته لما قلت ان دينك ضعيف.
طب ليه متحاولش تقوي ايمانك بالله بالصوم و الصلاة و قراءة القرآن الكريم و صلة الرحم و و و....
الحاجات دي تخليك تحس بحلاوة الدين و قوته. ووتحس بفرحة العيد و بهاؤه و خصوصا لما تشوف
الفرحة في عيون الناس و هم بيسلمو على بعض و بقولو كل سنة و انتم طيبين. و لما تحس بلمة الاهل
و القرايب و الحبايب بتحس ان ده فعلا عيد و لازم نفرح و نبتهج فيه.
حاول انت تغير من نفسيتك شوية. حاول تفرح في العيد و تفرح اللي حواليك و اللي بحبوك
انا متأكدة انك المرة دي بالذات حتحس بفرحة العيد و ابقا طمني.
بتمنالك كل التوفيق و الفرح و السعادة في العيد و ما بعد العيد

تقبل مني خالص الود و الاحترام

كل سنة و انت طيب

انتي عندك حق في التقصير انا فعلا مقصر وبعترف
بس مش في الصلاه ولا الصوم
الحمد لله ربنا بيقدرني عليهم
لكن المشكله في صلة الرحم عندي
تعرفي انا مبحبش اروح أفراح ولو حتى أخواتي ماعرفش ليه
يمكن قليل لما بتفاعل مع قرايبي وأهلي
يمكن في البيت عندي ابوي واخواتي دول عندي بالدنيا لكن اعمامي وأولاد أعمامي مفيش يمكن دة السبب
ادعيلي انتي بس وربنا يوفقني ادعيلي في صلاتك ودعاكي مع دعائي ان شاء الله ربنا بيستجيب


مشكوووووووووووووووووووره جدا رد رووحي وانتي بتخليني أحس انك لك جميل علي ويا رب جمايلك تكثر

اياكي تفووتي مشاركه معايا بزعل منك وبقتلك

هههههههههههههههههه

لا يا خويا كله ولا القتل..في ناس بحبوني و عايشة عشانهم

ولا يهمك انا حدعيلك و ان شالله امورك كلها تتعدل و تفرج من عند ربنا

عليك و عليا و على الكل

انا بوعدك اشوف كل حاجة انت بتكتبها بس اوعدني انت كمان تشوف كتاباتي

يمكن تستفيد منهم

بوكا هذا موضوع جميل جدا بس مين ما يحب العيد والفرحة انا ما عمرو مر علي بس من وجهت نظري انو لازم ننظر الو بمنظور ثاني بحيث انو يكون يوم فرح للجميع انا بصراحة عمري ما حسيت برمضان الا هذه السنة يعني ما عمري صمت بحياتي يمكن كنت مقصر بس اسال الله يثبتني واحس بفرحت هذا العيد كشخص صام لاول مرة بحياتو

[glow=cccccc]
[glow=999999]

بوكا اولا برافوو على جرأه موضوعك

ثانيا الخوف من العيد مش شيء غريب ولا ضعف ايمان لكن الانسان مننا لما بيحس بأن رمضان شهر الرحمه والمغفره خلص بيكون حزين ومش قادر يستوعب انه بكره مش هيستنى المغرب عشان يفطر

مش هيكون ملهووف على ميه ولا اكل ولحظه فطاره ودعاه لربنا في الشهر الكريم من اجمل اللحظات الي ممكن يعيشها الانسان

وهو حاسس بمدى قربه من الله

تيب تعرف ان عيد الفطر جاا عشان المسلمين ما يحزنوش على ان رمضان خلص

اسفه على الاطاله وتاني مره بشكرك على الموضوع الجريء والجميل

تقبل تحياتي

أشـــــــــرقـــــــــتــــ

[/glow]
[/glow]

انتي وعديتيني ووعد الحر دين علي أنا لو ربنا كرمني وكتبت مواضيع تانية حيكون في بالي تقريها وانا بكتبها اوك؟


ان شاء الله بتواصل معاكي في مواضيعك كلها بس لما تكتبي مواضيع بس هههههههه

الصراحه انتي وباقي الأعضاء بتكتبو مواضيع حلوة والله انا بتكسف وانا بقراها من اعجابي بكتاباتكم
بس ان شاء الله بتواصل في مواضيعك بس مكنش ثقيل عليكي بس

تقبلي فائق احترامي وتقديري واعزازي بوجودك معي هنا وصداقتك لي
وبتمنى لك رمضان وعيد مبارك سعيد

ربنا يقوي ايمانك وتصوم وتصلي وتحج وتموت شهيد كمان
والله أمنية حياتي اموت شهيد وانت؟


سعدو انا يمكن زي ما قالت اشرقت حبي الشديد لرمضان بيخليني محبش العيد والله أعلم
بتمنى لك حياة سعيدة في رمضان والعيد وباقي أيام الله

تشكرات أفندم على وجودك في صفحتي المتواضعه