اعذروني بالمكاوي دي المرررة

السلام عليكم ورحمة الله وبركاته

( قوووووووول هيييي .. ياواد بلى رجه ) .. هذي المرة صوت الجار بيزعق على البزورة اللي بيلعبوا كورة ، وهذي المرة زي ما هوه نايم ، داخل من حلم ، وخارج من حلم ، لكن صوت البزورة قلق ، وما يخلوا الواحد ينام ، إيش هذا ؟ ما عندهم مدارس .. مدارس ؟؟ أوووه صح نحن في إجازة ..
وزي العادة قام من النوم ، ويطالع للفراش وهو مسوي زعلان : ( يسوي كأنه عنده حرمة ) ويروح للحمام - وانتم بكرامة - يطالع في وجهه ؟؟ ول تجاعيد .. من بدري دوبني 25 سنة يا هووه .. بس يا شيخ ( يكلم نفسه في المرايا ) هيا انقلع .
وزي العادة لبس التوب ، وطق الشماغ والعقال ، وبخ عطر ( دافنشي ) اللي شمه بسوق الضيافة ، مع انه عطر مو مظبوط المهم شال المفتاح ، وخرج من البيت ونازل من الدرج ( مسوي شخصية في النزول ) يكح ويطلع الجوال ويشغل نغمة الجرس مرة ثانية ، يمكن أحد يسمعه أو يسلم عليه ، أو يلاحظ من تحت الباب ظل واحد أو وحدة مسكين ما في أحد أصلاً كل اللي في العمارة خرجوا لرحلة .
نزل وركب السيارة ( طبعاً كرسيدا تمانين ) لا تحسب ..
وهاتك يا فرفرة .. من شارع لشارع .. ومن سوق لسوق .. ومن زقاق لحارة لا تحسب بيتجول ويسلم على أصحابه ؟ لا يبغا يتكس بس مو عارف .. وتعرف الليل كيف ؟ السوق مليان والناس رايحة وجايه .. والجيب طفران .. وااال :كيف يسوي دي المرة لازم يعبي الجيب .. يعني لازم يتكس .. مو مشكلة .. بس مين سعيد الحظ هذا اللي يبغا يركب معايه وأوديه مشوار .. مين .. مين .. بس .. لقيتها ..
لقيت مين ؟؟
هذيك الحرمة .. طيب .. يا طيب ..
بس كيف بالله
والله مو منك .. سواق رهييب .. بس هي ترضى تطلع توصلها .. وبعدين لازم تسد نفسنا إيش بك حاسدني انا أحاول وأشوف ..
ويقرب بالسيارة جنبها شوية .. شوية .. ويوقف جنبها ويطالع من الطاقة عليها .. ما شاء الله عليها قوام ممشوقة .. وعباية مخصرة .. وشنطة كتف .. و ..
لو سمحت ابغا العوالي
يا ولد العوالي .. الجو العالي .. حاضر
كم المشوار ؟؟
مو مشكلة 10 ريال .. ( 10 ريال مو خسارة ياواد .. ) يا شيخ بنتونس ..
وفي السيارة .. يحاول يطالع لها من المرايا .. يحاول يغمز بس ما عرف ؟ لأنه عينو الثانية فيها حكة ..
طلع الجوال .. ويسوي نفسه جاتو رسالة .. وفعلاً جات رسالة على جواله تيت تيت .. عزيزي العميل نأسف لفصل الإرسال .. بس على مين سوى نفسه بيضحك من نكتة .. كل هذا يبغا يشد انتباهها ..
.. بس هنا يا أخ ..
هنا .. لساع باقي على العوالي ..
لا خلاص انا بأنزل هنا ..
أففف راحت على العموم كسبنا 10 ريال .. بس فين تلاقي زيها ؟؟ ..
وصلحبنا حصل كافتيريا وجنب .. طفح سندوتش طعمية أبو ريالين وبيبسي وموية .. والريال سوى نفسه كريم وقال للعامل ( مهمد خلي ريال عندك .. ) والله مو منك علشان ريال ..
ورجع البيت .. ونام مثل أمس



منقووووله لروعتها


<<يقول فكنا يرحم اهلك ههههههههههههه






تقبلووو تحياتي

هههههههههههههههههههههههههههههههه

حلوووووووه مرره بس بجـد الله يعينه على روتينـه اليومـي مسكيـن

يعطيـك العافيـه خارج

استمتعـت جـدا بقرأت الموضوع الحلوووو

دمـت بحـب ...

بس ولد منظم

يسلموو خارج

تحيتي لك

المشاركة الأصلية كتبت بواسطة دلوعة قلبك

هههههههههههههههههههههههههههههههه

حلوووووووه مرره بس بجـد الله يعينه على روتينـه اليومـي مسكيـن

يعطيـك العافيـه خارج

استمتعـت جـدا بقرأت الموضوع الحلوووو

دمـت بحـب ...

هلأ وغلأ بدلوووعت قلبه






منوره يالغاليه








تقبلي تحياتي















دمتي بوووووووووووووووووود

المشاركة الأصلية كتبت بواسطة مهاجره بإحساس

بس ولد منظم

يسلموو خارج

تحيتي لك

حي الله مهاقرره





منوره يادبه







تقبلي تحياتي



















دمتي بووووووووووووووووووووووود