المخلوق الارضي المزدهر...الجزر الاول...فوتووو

ما عندي نفس اكتب مقدمة ولا اشي .. بس من الزهق قررت اعصر دماغي .. وبرضو ما لقيت اشي .. قوليت بروح انام يمكن احلم باشي يفتح النفس مش مثل كل مرة احلم باشي فاضي ..


واحاول انام بس مش قادر وارجع افتح الكمبيوتر وافرك عيوني واسكرهن وارجع افتحن وانا قاعد على الكرسي , بس ما تغير الوضع وادخل على موقع بانيت حبيب قلبي , امرق على الاخبار بسرعة وارجع اطلع من بانيت وافحص الايميل واسكر الكمبيوتر بس الوضع يا جماعة بدو شوية تغييرات ( لازم اتكتك المسائل واسوي الهوايل نم نم .. فكر يا مخلوق فكر يا مسلوق .. نم نم وجدتها ..).

نزلت تحت والقى ستي(جدتي) قاعدة بتمشط بقرونها الذهبية وعاكسة نور الشمس وااااوو تخيلو روعة المنظر (انتو مش داريين انه الشيب مش عيب وانه اكل منها وشبع) .. المهم قالتلي هلا بشبوبي هلا (قصدها يعني هلا بابو الشباب) , وقعدت تقولي مالاك حزين .. انا استغربت لانه ستي وبعرفها ما بتسالني اسئلة من هالنوع الا اذا في وراء الشغلة مصلحة .. وارد عليها واقول " خير وين بدك تروحي ستي احكي يلا" ..

قالتلي سروالي مفروط وبدي توخذني على البلد عند الخياطة اخيطه او القى له رقعة تستر عليه .. قوليت لحالي وبصوت واطي " انا الي بدي حدى يستر علي " قامت قالت لي ستي شووووو بتقول يا مشحر ؟ قولتلها لا لا ولا اشي هذه طاحونة العقل مسوسة وهي بتطلع صوت اهلين ستي كيف الحال مبسوطة اه طيب .. قالتلي : مالاك قاعد بتخربط بالحكي ومش على بعضك ؟ ظليت ساكت ..

المهم قعدت استنى فيها بالسيارة وما اجت .. صوريت انادي عليها ستي ستي .. وما بترد علي .. بالاخر نزلت من السيارة ورحتلها وقولتلها شو مطولة ستي (واشملكم ريحة عطر راششتو على حالها) .. قولتلها " يا عيني وراشة عطر كمان وينك يا سيدي تتشمشم" وعاد سيدي قاعد على القهوة بشم دخان السيارات الي رايحات جايات..

قوليت لستي شدي الهمة خلينا نمشي .. ورجعت على السيارة ..

المهم .. طلعنا .. وسألتها ستي ماليك مرتبة حالك شو السيرة ؟ قالتلي هسا هالختياريات قاعدات وبدنا نجتمع ..

المهم نزلتها عند الخياطة وحطت السروال ورجعت علسيارة وقالتلي انا بدي اقعدلي شوي عند الخياطة لانه هالختاير متجمعات وخليني اقضي شوية وقت ..

ظليت استنى فيها بلسيارة .. استنى واستنى .. الا في مراة في دار جنب محل الخياطة بتصرخ حرامييي حرامممي الحقوني (اه على فكرة ليش يلحقوها لازم يلحقو الحرامي هههه) .. وتصرخ حرامي باعلى صوتها وانا فوتيت بضغط صوريت اطلع شمال ويمين بدي اشوف وين الحرامي ولمحته وهو هارب زي الصاروخ .. ستي سمعت الصوت وطلعت من عند الخياطة واجت عندي علسيارة وقالتلي يلا بكفي خلينا نرجع علدار وقالتلي الحرامية بخلوش اشي وانا اقولها اه والله الحرامية فش دم عندهم (وقال عامل فيها مثقف وبتفصح عليها وبقول هل حسب رايك هناك علاقة بين الحرامية والوضع المادي قالتلي منتي قليل بتعرف تحكي) ..

فتحت الراديو قبل ما امشي ولا هو دعايات ..

وشوي الا بوليس بقولي انزل اركب معنا بسرعة انزل .. قولتلهم شو في وستي تقول عزا مالهم عليك .. المهم الظاهر فكروني شريك الحرامي لاني الي ساعتين قبال الدار بستنى بستي ..

المهم .. نزلوني غصب عني من السيارة وركبوني معهم .. وراحو من الباب الثاني نزلو ستي وهومي ينزلو فيها قالولها " حلو وحاطة عطر كمان" .. ستي بتقولهم استرو علينا .. اخذونا على مركز الشرطة .. وكل ما اقلهم اشي يقولولي (انطم) .. بدي افهمهم انه هذه الي معي ستي ..

المهم حكوو مع ستي وقالولها اعطينا رقم حدا نتصل نقوله انكم في مركز الشرطة .. اعطتهم رقم ابوي .. اتصلو فيه وقالوله (امك متهمة بسطو) وسايرني الشك بانه احتمال كبير الخبر عاجل في بانيت قاعد بضوي وبطفي ..

وستي تقول يا خسارة ضاع مستقبلنا .. قولتلها مستقبلك ؟ هو انتي الك مستقبل .. انا مستقبلي ضاع يا ستي ضااااااااع .. وستي تقول اه خلص مستقبلك ضاع يا خسارة .. ومن الزهق صوريت اطلع على قرون ستي وقوليت اكيد رايحين يمعطولها اياهن ..

وانا استنى في التحقيق شخصيتي بدات تتحطم .. وقوليت بدي اعترف واسلم نفسي هههه وعاد انا مش عامل اشي (وقاعد بقول يحرق يومه السروال الي سببلي كل هالمشكلة)..

المهم اجا ابوي وقال .. مين المجرم الي جاب امي على مركز البوليس , وصار ابوي يطلع علي ويقول طبعا انتي يا سبب المصايب السبب , احكي شو عامل شووووو عامل .. قولتله مش عامل اشي في بالموضوع سوء تفاهم ..

رد ابوي قال كمان مرة مين المجرم الي جاب امي على مركز البوليس بدي اعرف مين , قام وقف واحد طويل ودفش وقال "انااا" قام ابوي وطي صوته وقاله , اذا انتي مش مشكلة مسامحك..

قام ابوي قال ابني مظلوم ومؤدب ما بعمل اشي من هالنوع , قوميت وقفت وصوريت اسحج وقوليت لابوي يحيى العدل .. مفكر حالي بالمحكمة (متاثر من الافلام المصرية) ..

قوليت للبوليس شايف اني مظلوم , ورد قالي "انطم" ..

المهم قال ابوي انا مسامحك انتي وستك .. وانا قوليت على ايش مسامحني مني مش عامل اشي وستي مظلومة وما ساوت اشي ..

وهوب الي فايتي المراة الي كانت تصرخ عشان تتعرف علي اذا انا الي سرقتلها دارها , فاتت وصارت تطلع علي وانا اطلع عليها قلبي صار يدق بسرعة وهي مستغربة وستي تقولها "منك لله منك لله – يم كمل الفيلم العربي) ..

سالها البوليس هذا الي سرق دارك ؟ قالت لا مش هذا .. وستي رقعت زغروطة منشزة .. صوريت اطلع على جنب بالي كتبو الكتاب ..

اجا البوليس واتاسف لي وقالي احنا متاسفين مش قصدنا .. وابوي هجم علي وهو مش متاثر والدمعة بدهاش تنزل من عينه وقالي حمد لله على سلامتك ههههه ..

وعلى العموم نصيحة .. كل واحد منكم اذا طلبت منه ستو يوديها ترقع سروالها يفكر بالموضوع مرتين ..

واذا قرر في النهاية انه يوخذها .. فينزل معها عند الخياطة ويلزق بسروالها ..

ربـــي يعطيـــكــ العــــافـــيه

تقبــــلي مروري

ريـــــانــــ

يسلموووووووووووووووووووووووووووووووووووووووووووووو و
هبه
و الله موصوع جميل جدا و الله يسلم قلبك و يعطيك العافيه
تقبلي مروري مودي العاشق

طويله كتير الله يطول بعمرا للجده رغد

اخي ريان مشكور يا الغالي على المرور..


مودي العاشق.......ان شاء الله اكون ضحكتك عنجد
..مشكور عالمرور العذب



اختي الغاليه رغد....هههههههههه....شكلي رح اصمملك موضوع قصير عشان ما اغلبك معي..هههههههههههه شكوره يا حبوبه عالمرور

ههههههههههههه
مشكوره
هـبــــــــه
على التواجد الرائع
والمواضيع القيمه تحياتى لكى
اخوكى فى الله
الشـــــــــارد

ااخي الشارد..

مشكور يا الغالي على مرورك العذب

وربي لا يحرمنا هالضحكه..

ربي يعطيك الف عاااافيه


سلمت وسلمت يدك