×?°انـا ×?°شخــص×?° كـــذاب×?°

[align=center]السلام عليكم ورحمة الله وبركاته

الى كل من دخل صفحتي المتواضعه

اطرح بين ايــديكم قصيدتي التي تنتظر بكل شوق رأيكم

الذي يهمني مهما كان نوعه

يــالــلي معــانــاتــك معايــه شديده

وش جابرك تحرق بقى الشمع لا ذاب

وان كان طعنــاتي بقلـبـك سـديـده

اطعن خفوقي دامه خاين ولــّعاب

ليه العجب ما دمت وحده عـنيـده

وان كنت ماتدري أنا شخص كذاب

والـله ما ني في طباعــي الوحيــده

وكل شخص منا في عشرته شئ ينعاب

لا أنت يالـلي سامحتني بنيـه أكيده

ومن كثر لومك خليتني بحالي ارتاب

وتراني مآبــي مـن ســماحك مزيده

وأنا احـمد الله إن لـي رب تــواب

ولا تــقول انـك مــاشيــاً دوم سِــيّـده

وان الخــطا مــاتــقربه تكون نصّـاب

حــسبي عــلــيك الله قــولا أعـيــده

دامــك تــعذب خافــقي بفن وإعجاب

مـن قـسـوتــك صار قـلـبــك حـديـده

كل ما اقتربت ألـقاك مكشر بأنـياب

مشكلتي انــك بوسط قــلبي ووريـده

ولـوهــو بـيـدي لأطـلعك واقفــل البـــاب

وأدوس كـل مـن داس قـلـبي بمكيــده

وأعـلن علـيـك الحـرب وأدفــنــك بتراب

والـلـه لأصبـر لــجــل يـــوم أريـــده

تـفـقـد حــبـيـبـك وان بــالـهـم منصاب

وشــلون بـعــد مــا مـات حبــي أشــيده

وشلون نرجع وقلوبنا مثل الأغراب

وأنا ادري انك ما بترضيك القصيده

استغفر الله لاجيب لك سحر وحجاب

يـــا مـا عـلــى شــوفـك شــوقي أقـيده

لـكن فـي إحـساســك يـامـا الـرجا خـاب

أهــمـلـت قـلبٍ كـنـت لــه يــوم عـيـده

وأجـبـرتـنـي أنسى عـهـد كـل الأحبـاب

جــاي تـحـاسـبـنـي و هــمــي تــزيــده

ونــسيــت أن هوى الـنـفس دوم غــّلاب

ومــن دق في عــمــره أبــواب عديده

لــزوم بـابـه يـنـفـتــح لو الـشعـر شاب

يـــالله لا تــجـعــل حــيــاتــي ركــيــده

مابـين رجوة ضحكتـك و كلمـة عتاب

إن كــان لــي عـنـدك حيــاة ســعيــده

الله يـصبرني عــلى هــــم و عـــذاب

وان كـان هـمـك مـع وجودي يــزيـده

الله يعوض خـاطـرك بـمـريوشة أهداب

وســــلامتــــكم