شو رايكم في دوام الشفتات بالنسبة للبنت ؟

حبيت أطرح عليكم هالموضوع وانشاء اله ينال الاعجاب والمشاركة .

الكل يعرف إنه من فترة قريبة ما كنا نحصل بنات يشتغلن بنظام الشفتات إلا فيما ندر ، لكن ألحين انتشر هالموضوع بسبب الحاية وعدم وجود وظائف ، وأصلا الوحدة يوم تقدم أوراقها لازم أول شي توافق على العمل بهالنظام ، طبعا في بعض الدوائر مب كلها.

بس المشكلة في شفت الليل اللي يبدى عادة من الساعة 10 بالليل وينتهي الساعة 6 الصبح ، أنا أشوف انه صعبة الحرمة تكون خاري بيتها في هالوقت ، طبعا هذا رايي الشخصي .

لكن في بعض الإدرات وجود الحرمة مهم في هالوقت مثل مراكز الشرطة والاسعاف والمطار والمستشفيات.فشو رايكم في هالموضوع إخواني خواتي .

وسللللللللللللللللللللللللللامتكم

مشكور مجنون عليا على هالموضوع

وانا برائي انه احنا بحاجه للبنات في مثل هذي الوظائف

وهذا طبعا بدون معصية ولي امرها

لانه في المستشفيات مثلا مين يعالج البنت الا بنت مثلها

لكن انا عن نفسي مااظن اني اقدر اشتغل بدوام الشفتات

مع تحياتيــ

مجنون العليا

انا مااشوف اي مشكله بالنظام هذاا

لأن انا من اللي يدامو دوام شفتات بمستوصف خاص

يعني اداوم من 8 الصباح الين 12 الظهر <<---- الفتره الصباحيه

ومن 4 العصر اللين 10 بليل <<---- الفتره المسائيه

والحمد لله مااشوف اي تعب بس المشكله وين بالأجازات اني مااحصل اجازه بأي وقت

بس الحمد لله الحين حصلت أجازه وارجع اداوم مع بداية الدواام

يعطيك الف عافيه على الموضوع المهم للنقااش..

مجنون عليا

مشكور علي الفكره الحلوه دي

فعلا لو مثلا مافيش ممرضه او طبيبه بمستشفي

لعلاج ومتابعه المرضي في كل الاوقات كانت تبقي مشكله

كبير جدا لكن لو في اي وظائف اخري لا تستحق وجود شيفت

يعني من الممكن أداء هذه الاعمال في فتره الصباح

فأري أن المرأه عليها البحث عن وظيفه أخري

لان تأخر المرأه اصلا خارج البيت في الليل أمر متعب

ومقلق لها ولاهلها اكتر .

في انتظار جديدك يايا

بصراحه انا اكره دوام الشفتات لكن بعظ الاحيان يعجني
انا طول عمري اشتغل شفتات اما الان انا بشركه اتصالات يعني دوامي اكثر شي من 6 المغرب الى 3 الفجر واحانا من 12 الليل الى 9 الصباح
لكن الشفتات معناها انك ماتطلع الاجازات مع العالم تنسى شي اسمه خميس وجمعه بصراحه هو يقصر العمر
وانا شخصيا احترم البنت الي تقدر تداوم شفتات.

صباح الخير ،،، بالنسبه للموضوع المطروح فأنا ارى ان الدوام ( شفتات ولا موشفتات ) تشتغل

البنت احسن لها مادام هي صاينه نفسها ولا تعير اهميه لأي معترض لأن اخر الشهر محد راح يتكرم

عليها ويعطيها الراتب ،،، وهذا يقودنا لرافد اخر من روافد اعتراض الناس على عمل البنات

فالمشكله تكمن في متطلبات الحياه الضروريه ولاينبغي ان ننظر لهذه المواضيع بسطحيه او رجعيه

لاتخدم البنت وشكرا اخي الكريم على هذا الطرح

مشكورين اخواني على هذى الاراء بس هل من الممكن من اي شخص ان يتقبل ان بنتة او زوجتة تغيب او تنام خارج البيت . طبعن هناك اباء وامهات وازواج لا يرضون وهناك من يرضا وكل ذلك من اجل لقمة العيش وسلمتو

سؤالي هو
هل من الممكن من اي شخص ان يتقبل ان بنتة او زوجتة او اختي تغيب او تنام خارج البيت . طبعن هناك اباء وامهات وازواج لا يرضون وهناك من يرضا