اجمل ابيات من الشعر الزهيري

يامن نسيت اللذي ابعمرة الك خاطرة
بالجذب مامر على بالك ابد خاطرة
وانة بدموع الهجر كاتب الك خاطرة
صدكني هذا الكلب غيرك ابد ماهوة
ضل عالي علو النجم حبك ابد ماهوة
بالله اريد اسألك عن السبب ماهوة
الشايل حنينة الك ليش اكسرت خاطرة

خايف من اهل الحسد لا يوم يعيونك
وانت نهر للحلا ماجفت اعيونك
رقة وجمال ونبل ما لاح لعيونك
اي وحق ربك ابد ماشفت انة ابعينك
منسوخ نسخت حسن بيهة الله يعينك
بس لمن تنظر علي انظر بنص عينك
لأن ما ظال عندي كلب يتحمل اعيونك

اتمنى ان تنال اعجابكم