||==((قصيده في الحب))==||

السلام عليكم



هلابالجميع



قصيده من أختياري ولاادري منهو صاحب القصيده
لمشاهدة الروابط والصور يجب التسجيل.


بس بالفعل قصيده قمة الرووعه
لمشاهدة الروابط والصور يجب التسجيل.



-------------------------------------------------------------------------------




لمشاهدة الروابط والصور يجب التسجيل.



حــــــبٍ يشيّب صاحبـــه ما بَعَدْ شـــــاب***** وحبٍ يشيب وصاحبه في شبابــــه

وحـــبٍ يغيب وصاحبـــه ما بَعَدْ غـــاب ***** وحبٍ يـــدوم وصاحبه في غيابـــه

وحـــب يـــذوّب خافــــقٍ ما بعــــد ذاب ***** وحبٍ يـــداوي صاحبه من عذابــه

وحـــبٍ يتــوّب خافــقٍ ما بــَعــَدْ تــــاب ***** وحبٍ يزيـــدك رغبةٍ في الكتابــــه

وحـــبٍ حيــــاته كلّها لـــوم وِعْتـــــاب ***** وحبٍ حقيقــي ما يضرّك عتابـــــه

وحـــبٍ بلا معنــى وحـــبٍ بلا اسبـاب ***** يبدا غريـــب وينتهي في غرابـــــه

وحـــبٍ ضعيفٍ مثل حبـــرٍ على كْتاب ***** تمحيــه دمعه في ثوانـــي كآبــــــه

وحـــبٍ قويٍ مثـــل قصـرٍ لـــه ابواب ***** لو هبّ عـاتيْ الريح ما اهتز بابـه

وحـــبٍ بداية رحلتـــه نظرة اعجــاب ***** واخر مطافــــه مثل يـــومٍ بدا بـــه

وحـــبٍ يعيــش بداخل قْلوب الاحباب ***** وحبٍ يشيع وكل حَــــيٍ درى بـــــه

وحبٍ مقامه في ضلوع الصَدِر طاب *****وحبٍ يعـــدّي مثل مـــــرّ السحابـــه

وحـــبٍ على قبـره نعق بوم وغْراب ***** وحبٍ تغنّــــى به لحون الربــابـــــه

وحـــبٍ بمقــدارٍ وحـــبٍ بلا حْســاب ***** وحبٍ بمعــروفٍ وحـــبٍ نهـــابــــــه

وحبٍ يعيش أهله وسط داره اغراب ***** ويموت قهر ويندفن فـــــي ترابــــه

وحـــبٍ غدا ســـرّه سوالف للاجناب ***** وحبٍ يموت وصاحبه ما حكى بــــه

وحبٍ يشيب وصاحبـــه ما بَعَدْ شاب ***** وحبٍ يشيب صاحبه في شبابـــــــــه


لمشاهدة الروابط والصور يجب التسجيل.



تحياتي
لمشاهدة الروابط والصور يجب التسجيل.