اريد احجي بصراحة

السلام عليكم ورحمة الله وبركاته

حبيت اهديكم اخر عمل الي
عسى ان ينال اعجابكم



اريد احجي بـصـراحـه ويـاك يفلان مــو قلـبـي تـعـــب ارجـوك رده
وعــيـونـي مـفاركـات الـلـذه والنوم موراســي نــســى حـــت المخده
اريــدك عنــي تبــعد روح فــد نوب موصبري خلص وهم وصل حده
شــنــهــو الشـفتـه منـك كلي بالحال كـــل يــومــن يـمـر ارجـع امـده
غــيـــر الــحــزن والــهــم والــنوح والـحـــــال الـتـعـس راح وتـعـده
اريــد ابـعـد بـعـد مـو مـره مـــرات لــئـن طـال الـوكت وبعدت المده
شسولــف شحجي شمــاكلت ندمان مـو باب الـفرح من صـوبي سده
تــذكرقلــبي الجـــان بــطــعـم هـيل وبلسـانـك ضكـت طعمه وشهده
تحـــاجيني وتكـــلي شـــنهو الصار وانـي الـكـاعـد وايـده علـى خـده
اريد اعرف شسولف وشنهو اختار لــئـن كـلشـي حجيته صار ضده
تــخليت ونفـضـت ايـدك فـرد نـوب وعـفـت كـلـيـبـي لـوحـده بـشـده
بعــد مااصـــدك بــحجــيك يكـــذاب وكــل حـجـي الـيجـي مـنك افنده
لئـــن حيـــل اتعبت منــك ولك حيل وقـلـبـي الـجـان الك هاك وانشده
اريــدك تفهـــم وتعـــذرني يـــافلان مـوكـلـمـن يـحـب تــكـدر تـقـلـده
وقلــــبي اللــي انــجرح منـك يبذات يـاهـو الـيـوكـف وجـرحـه يشده
اريــد مواصلــك لــكـن ولــك حيف عـكـب الـصـار والــمـاي الـتبده
انــا ماريـــد مــن عــندك خيانـــات اريد اليوكف لـقـلـبــي ويـسـنـده
ولــك يــاحــيف ضـاع التعب وياك واذا قــلـبـي الـك حـن راح ابنده
ماضــن بــعــد لـك يرجع فرد نوب وكـل ذاك الـبـنـيـتـه بـيـوم اهـده
شسولف وانـــي ادري بالذي صار وقـلـبـي الـي احـترك محد يبرده
اريــد اختــم حبيبي والـك بس هاي هـم تـلـكـه قـلـب يـحـبـك بـكـــده



بقلم الرجل الحر