غاسل ٍ كفـي مـن مصافحـة بعـض اليديـن ..

غاسل ٍ كفي مـن مصافحـة بعـض اليديـن .. وقافـل ٍ بوجيـه أهلهـا صناديـق البـريـد

وشايف ٍ شي ٍ لي أعـوام مالـي فيـه عيـن .. وقاطـع ٍ خيـط الهقـاوي بسكيـن الوكيـد

وخالص ٍ من طيـب ظـن ٍ موهقنـي سنيـن .. وظاهر لي عقب عرف العـرب عقـل ٍ جديـد

وطايح ٍ من عيني ارجال عنـدي كـان ويـن .. وحاقـر ٍ منهـو يقيـس الأوادم بالرصـيـد

ومحتمي ٍ من غدر الأصحاب في حصن ٍ حصين .. ولابس ٍ لرماح الأقـراب ثـوب ٍ مـن حديـد

وماضي ٍ مني علـى اللـي تمشينـي يميـن .. ما تجي منهو قريـب ٍ والـى احتجتـه بعيـد

المواقـف تشخـل النـاس والطيّـب يبـيـن .. كل عام يطيـح تسعـه ويصفـا لـي وحيـد

اشهد أن خيـر المـدارس تجـارب الأوليـن .. واشهد ان راي التجارب هو الـراي السديـد

واشهد انـي للبـلاوي علـى الدنيـا مديـن .. كل مـا راجعـت نفسـي طلعـت المستفيـد

وانت ياللي عقبك الزين بيـن البيـض شيـن .. مستحيل يطوفك الشعر وانـت أصـل القصيـد

القصيـده فـي عيونـي بدونـك مـا تزيـن .. لازم ان اجيـب طاريـك يـا ملـح النشـيـد

انت ياللي مـن بطيـن الفـؤاد الـى الاذيـن .. والله ان حبك مع الوقـت مـا ينقـص يزيـد

في غيابك لـك محبـه ولـك شـوق وونيـن .. وفي حضورك شف عيوني كلامـي مـا يفيـد

اقهـر الضيقـة بذكـراك مـن حيـن لحيـن .. وانثر دموعي على الوصل مـن عيـد ٍ لعيـد

لك غلا ً سبحـان ربـي ملـى الدنيـا حنيـن .. ولك وفا ً سبحان ربـي مكـن فالكـون غيـد

شف مكانك في مكـان ٍ عـن العالـم دفيـن .. في مكان ٍ مـن ورى مثـل عيـدان الجريـد

مكرم ٍ حبـك ولـه فالحشـا سمـن وسميـن .. يقدع من الحـال واصـب لـه بـن الوريـد

افتضحت مـن الهواجيـس بـك فالمسلميـن .. كل من سولف علي قلت له وش قلت؟ ..عيـد

الهوى سجن العشاشيـق وأنـا لـك سجيـن .. وودي ان سجني مؤبد ولـي حـارس وقيـد

عزتي لي مـن فراقـك عسـى ربـي يعيـن .. ادري انه فـي طريقـي ولـو وصلـك مديـد

صابر ٍ غصبن ورى الخشم لو جرحـي مكيـن .. ودي افعـل لكـن الله يفـعـل مــا يـريـد

لمشاهدة الروابط والصور يجب التسجيل.

مما اعجبني

الشاعر/ محمد بن فطيس