مح ـــبوبتي القــــرويــــــــــــه

السلام عليكم ورحمة الله وبركاته

قصيده غاليه علي وددت تشاركوني قراءتها وكم يهمني تعليقاتكم عليها

والدعوه لها بالرحمه...محبوبتي القرويه ..جدتي الله يرحمها



لمشاهدة الروابط والصور يجب التسجيل.


لمشاهدة الروابط والصور يجب التسجيل.


رحتي وانا ما كان ودي تروحين
يا جـدتي تـكفين لا تتـركيني



تتفداك كل اللي بقى لي من سنين
بعدك احـس ان الـحياه مـا تبيني





يا جدتي تكفين تكفين تكفين
عودي علي مره ابي تحضنيني




ودي ابوس الراس والكف والعين

واذا بكيـت تكفين لا تسـكتيني




اشتقت لك يا ريح مسك ورياحين
لك حب ينزف من خفايا ضميري




مرت ثلاث سنين وانا اقول للحين
للحين ابكي ...ياجدتي سامحيني




الدمع يوجع وشوقي لك حد سكين
وبالحلم شفتك وكان ودك تجيني




مافهمت والله وش كان ودك تقولين
وصحيت فجاءه ودمعتي بوسط عيني






شفتك بأبهى صوره الحسن والزين
شفتك ضــحكتي وانتي تناظرينــي






عـساك في جنة الخـلد تبـقين
مهما رحلتي تبقى ذكراك فيني




بعدك احس الناس صاروا غريبين
الكل يجرح وعن البكى مانعيني




ضاع الشمل اللي لك سنين تبنين
وتبــدلوا كــل الـاوآدم بعـينـي






وماعاد جرحي مثل االأأول يبين
وادري لو انك هنا بتـفهمـيني






ياجدتي ترى البشر طبعهم شين
وبكل غلطه اشوفهم محاسبيني






كنتي تقولي على الملا لا تلومين
وربي انا بكثر العتب مبـتليني






كنتي تقولي عاملي الناس بالين
ليش ان طبعي صعب وتعرفيني






وأقول سمي يا جدتي لا توصين
رغم الكلام اللي يروح ويجيني






كنتِ حنونة وعن حبنا ماتـملين
وكنتي الامل اللي يضوي سنيني






كنتِ بضيم الناس دايم تحسين
و كنتِ الغلا اللي يتوج جبيني






يا دمعتي ردي ترى موقتك الحين
ويا قصيدتي ما ظنتي تنفعيني






يالله ياخالق الناس من طين
ارحم عجوز حبها محتويني




وسلامتكم


لمشاهدة الروابط والصور يجب التسجيل.