اشعار مالك الحزين المميزة ارجو ان تنال عجابكم

انت عينك

انت عينك على شفتي وانه عيني اعلى الشفايف
وانه كل اعضامي ترجف انت خايف وانه خايف
شلون هسه منهو يحچي منهو يبدي بالسوالف
انت لو اني دخيلك موهمت وگليبي تالف
ادري بعيونك تحبني وگلبي لعيونك موالف
بس تعال اليحچي كلمة بلا خجل وبلا مخاوف
ما خجلت بيوم مرة وبالحچي شايف وعايف
ويا ما ياما لساني غازل وسكتت ياما مضايف
وهسه اريد احچيلي كلمة مرتبك جسمي يتراجف
وانت اشو هم مثلي ترجف وبالعر گ شو مثلي طايف
شصار بينه شمر علينة شكثر مرينا بمواقف
ما خجلنا وما رجفنا وما نبوگ العين طارف
چنها مو كلمة احــبك چن جبل بلساني واگف
وارد اگلك شنهي هيه كلمة لو جرمة ومخالف
شو احبك حيل احبك كافي عرگانين وندور مناشف