سخسخ مخمخ

سخسخ مخمخ مني وبطرخ معرفتش ايه انا اعمله

<مخمخ شاب مصري زي الفل>

مخمخ شاب صَغير وحليوة بس الدنيا معانده معاه

يجيبها يمين يجيبها شمال حالفه لتديله على قفاه

سنة واتنين مستني الفرحه واهو قرب يستنى وفاة

ماهو الي زيه قربو يموتو وياحسرة يابني ياولداه

<اتمنى يكون بنت على انه يكون عاطل>

مخمخ ماشي على مزاج اهله مصروفه ونومته واكله على غيره

حاله مأشفر مفيش وظيفه كفايه بئا حنعيب في الواد كتر خيره

صلى وصام ذاكر واجتهد وكمان نجح وأسرار غيره مبيجبش سيره

يادي مخمخ والي جراله من قلة حيلته قال.. ياريتني طلعت سميره




<سر البطروخ>

ملهوش قضيه ومفيش وصية .. لاء سايب رزقه كده على الله

وشاف صبيه انما الي هي.. قال ده ده الي كنت أنا بستناه

يومين وعدو حلوين وفله ..والبليه اهي لعبت معاه

واديه اتفرقع من الحب طرقع وجه يغني اه واه يا ليلاه


انت ملكش في الفرحه كان ليه يامخمخ
اديك من كتر حزنك بئيت واد مبطرخ

أكيد تسعين بالميه من الي بالمنتدى مش حيفهمو حاجة اصلها عامية مصرية اوي والي كان مفكرها شيء كويس ميزعلش مني لو معجبتوش او مفهمهاش بس اهي الكلام على قد حالي عشان محدش يألس بس