حلى المارس والجلاكسي وتوكس

السلام عليكم ورحمه الله وبركاته

اليوم جايبه لكم طرق حلى ان شاء الله تعجبكم

يالله بسم الله نبدا


المقادير (حلى المارس)

الطبقة الاولى: كيك جاهز اتقطعينه واتحطينه في صينيه بايركس ..
الطبقه الثانية: وفالخلاط(مال العجان): علبة قشطة + 4 حبات جبن كيري(او اي جبن مثل كيري بس اهم شي مو مالح) + 3 ملاعق ك. حليب بودره + 3 ملاعق ك. سكر + ظرف دريم ويب... تخلطينه واتحطينه على الكيك واتخلينه فالثلاجه على الاقل ساعتين ...
الطبقة الثالثة: واخر شي اتجيبين جدرين جدر تحطين فيه ماي واتخلينه على النار والجدر الثاني اتخلينه فاضي واتحطينه فالجدر اللي فيه الماي علشان اتذوبين فيه ربع اصبع زبده + 4 مارس + علبة قشطة ...

المقادير(حلى الجلاكسي)
الطبقه الاولى: نفس الطبقه الاولى مالت المارس... وتقدرين اتشربين الكيك اشوي حليب سائل ... لو حابه ..
الطبقه الثانيه: فالخلاط(مال العجان): كيس كريم كراميل + كيس دريم ويب + علبة قشطه + حليب سائل (اتسوين كاس حليب واتصبينه شوي شوي علشان ماتخترب الكريمه واتصير ماي ومو شرط ايخلص الكاس يمكن اتحطين ربع او نص الكاس بس)..
الطبقة الثالثه: نفس مال المارس بس من دون الزبده ... اتسوين حمام مائي واتذوبينه...

المقادير (حلى التويكس)
الطبقه الاولى: بسكويت مربعات مو مالح او دايجستف اتغمسينه فالحليب واتصفينه في صينيه بايركس...
الطبقه الثانيه: فالخلاط(مال العصير): اتكسرين 4 اصابع توكيس + نص علبة قشطه + صبع زبدة مذوبته على النار...تخلطينهم فالخلاط واتحطينه على الطبقه الاولى واتخلينه فالثلاجه...(والطبقتين تقدرين اتكررينهم اتسوين لج 4 طبقات يعني بعد ماتصبين خلطة التويكس اتحطين بسكويت مغمس واتردين اتسوين خلطه التويكس مره ثانيه)

وبالصحه والعافيه