ღ♥ღ لولا الحيا ღ♥ღ

لمشاهدة الروابط والصور يجب التسجيل.


صحيح قصيدتي ذي قديمه بس أحب اسمع رايكم فيها

لولا الحيا كان اتصل بالمحبين = وأقول كل ما بنفسي طرالي
أحبكم .. وحشتوني وبالملايين = وعيد سعيد وما أطيع عذالي
لولا الحيا ما أرسلت بس مسجين = واحد هلا يا حبي أول وتالي
والثاني فيه الروح مع جملتين = عيدك سعيد و ليكون سالي
ياجوري والله القلب ماهو مع الشين = القلب يملكه سيد الرجالي
لالاتلومي قلب شارد مع الزين = يرسل له المسج ولو كان خالي
حبي لهم أكبر من هروج ناسين = حبي لهم يسمى على كل جالي
اسمى من اللي ياخذ الحب بالغين = أو يترك المحبوب في سوء حالي
أنا أحب اللي له الناس دانين = بحلو الطباع له صيت عالي
يمشي ولا همه من الناس عذلين = يستقبل ضيوفه بصفر الدلالي
مايتبع النمام ولا ينبش دفين = يارد حياض الموت مثل الرجالي
ساكن بوسط القلب ونون هالعين = أرخصت عمري له ولو كان غالي

لمشاهدة الروابط والصور يجب التسجيل.