][ عِنْدَ/مَاْ تـُ(عْ)ـشَقُ الْـ(حَ)ـيَاْةْ ][ قـصـة بحبر قلمي المتواضع سكبتها لكم ..

لمشاهدة الروابط والصور يجب التسجيل.

][ عِنْدَ/مَاْتـُ(عْ)ـشَقُ الْـ(حَ)ـيَاْةْ ][

~~~~~~~~~~~~~~~~~~~~~
المقدمة
~~~~~~~~~~~~~~~~~~~~~

بسم رب العرش الكريم

أيها الأحبة .. إليكم قصة نسجتها من وحي خيالي .. تحكي عن نماذج من الحياة .. نعيشها في الواقع .. قد تكون مؤلمة و قد تكون مفرحة .. في النهاية هوعالم نعيشهنعشق فيه الحياة ..

~~~~~~~~~~~~~~~~~~~~~
إهداء
~~~~~~~~~~~~~~~~~~~~~

أهديها إلى كل إنسان يعشق الحياة بمكنوناتها حلوها و مرها ..

~~~~~~~~~~~~~~~~~~~~~
نبدأ القصة بحول الله
~~~~~~~~~~~~~~~~~~~~~

ميس : البنت البكرتدرس بالكلية السنة الأولى قسم اللغة العربية ( عمرها 19 سنة ) .

همسة : اكبر من ميس بسنة بنت عمتها خلصت ثانوية بس ما قبلوها بالجامعة والحين
اهي تدرس بالمعهد دبلوم سكرتارية ( عمرها 20 سنة ) .

في ّ: أخت ميس اللي أصغر منها صف أول ثانوي تدرس بمدرسة خاصة متفوقة
بدراستها ( عمرها 16 سنة ) .

~~~~~~~~~~~~~~~~~~~~~
الجزءالأول
~~~~~~~~~~~~~~~~~~~~~

في بيت بو رائد العائلة الكريمة مجتمعة يوم الخميس ليلة الجمعة
( بو رائد يكون العم الكبيرلميس وفيّ وخال همسة طبعا ً )

نــــبـــــدأقــــــــصـــــتـــــــنـــــــا .... كان يا ما كان في حديث الزمان << الباقي انتوا كملوه خخخخخخخخ

ميس تكلم في ّ اختها ..

ميس : شسالفة همسوه للحين ماجات ؟؟؟
في ّ : اي والله شسالفتها هذي شوفي دقي عليها .
ميس : طيب الحين ادق عليها .
في ّ : اوك
ميس : اصلا ً هذي عوايدهم دائما ً آخر ناس .
في ّ : اي مو شي جديد عليهم .

ميس تدق على همسة ..

ميس : الوووووو شفيها هذي الدبة ماترد
في ّ : صج دبة متأخرين وبعد ماترد قويةعين
ميس : صج تفقع المرارة
في ّ : ماكأن اسمع صوت احد ينادي من بعيد
ميس : يتهيألك من الفوضى الكل يسولف تفكرين احد ينادي
في ّ : تعالي شفيه جوالك يقول طوووط طووط
ميس بكل تفهي وبرووود : اووووووه نسيت همسوه على الخط
ميس وفي ّ : ههههههههههههههههه
ميس : يلا يلا بدق عليها الحين عسى عاد ترد ماتفشلني
فيّ بشماتة : بصراحة تستاهلين الفشيلة انتي ووجهك
ميس بفرح : ردت ردت الوووو
همسة على الخط : هلا وين رحتي قبل شوي
ميس تضيع السالفة : هااااا لاكنت معاك . المهم وينكم ؟؟
همسة : هذا احنا طالعين من البيت
ميس : عجلي بسررعة ترى المكان موحلو بدونك
همسة بغرور : ههههههه اي اكيييد أنا اللي احلي الجلسة
ميس : هههههههه صج ماتنعطين وجه . يلا سلام خسرتيني << ينقال بتوفرلليوم الأسود
همسة : سلام

جات مرام جلست مع ميس وفي ّ ( مرام هذي الله يسلمكم ويسمنكم تكون بنت عمة ميس وفيّ ام عبد الله وبنت خالة همسة طبعا ً واهي كبرفيّ بس مو نفس المدرسة اهي حكومية وفيّ خاصة )

مرام : شخباركم بنات؟؟
ميس وفيّ مع بعض : الحمد لله بخير
فيّ: انتي شخبارك مع المدرسة ؟
مرام : الحمد لله تمام

مرام جرت فيّ وبدوا يسولفون عن المدرسة ومواقفها الا بدخلت همسة ..
عاد همسة الحين مسوية فيها كبيرة تسلم عالجماعة وبعد ماخلصت سلام وعلوم وجغرافيا ... الخ
جات جلست عند ميس وفيّ .

ميس : الحمد لله على السلامةمابغيتوا توصلون
فيّ تترك مرام فجأة وتدخل معاهم عرض << عوايدها
فيّ : بتجون من قندهار على غفلة (( قندهار<< يضرب بها المثل للمكان البعيد ، و للمعلومية هي مدينة في جمهورية باكستان ))
همسة: طي .... قاطعوها ميس وفيّ
ميس وفيّ يبون يرفعون ضغط همسة : اي البنت تتغلى علينا
همسة بنرفزة : اووووووووه انتوا ماتعطون الواحد فرصة يتكلم
فيّ بذرابة ينقال بتهدأ الوضع : يؤ شفيييك بسم الله عليك في احد رافع ضغطك واحناماندري

ميس وفيّ يطالعون في بعض بحركات تنرفز همسة بيشوفون مين اللي رافع ضغطها

ميس : مراااااام مرااااااام مطافي بسررعة جيبي ماي لهموس
همسة : الحين همووس هااااااااا
مرام متخصرة : شايفتني خدامة عندكم
فيّ: تكفين يالمدللة مانبي منك شي خلك محلك بس ربي هالكرشة
همسة وميس : هههههههههههههه

تقوم عنهم مرام بقهر ... هدأ الوضع عند الثلاثي المرح ويبدؤون يسولفون عن أحوالهم

ميس : ها همووس شخبار المعهد وياك ؟
همسة : اي زين الحمد لله وناسة وضحك .
ميس : وشخبار جواهر ؟ ( جواهر تكون صديقة همسةبالمعهد )
همسة : الحمد لله تمااام . وانتي شخبارك مع الكلية ؟
ميس : امممم ماشي حالها

فيّ جالسة زعلانة انهم جالسين يسولفون وماكأنها وياهم ولا حتى سألوا عن دراستها

فيّ بزعل ودلع : وأنا ماتسألون عني وعن دراستي شلون مالون ولا كأني معاكم .
همسة وميس مع بعض : عاد انتي دافورة مايحتاج نسأل عنك .
فيّ بغرور: قولوا ماشاء الله صلوا على النبي ذكروا الله << الظاهر البنت تخطب خطبة الجمعة
واحنا ماندري .
ميس وهمسة : ماشاء الله ماشاء الله للحين تاكلينا ماقلنا شي احنا .
فيّ : اي اخاف بعد تعطوني عين .
همسة : لاتخافين احنا مو عيونا حارة مثلك .. وتغمز لميس توصل لها انها تبي تنرفز فيّ
فيّ بعصبية وصوت عالي : أنــــا عيـــــــوني حـــــــارة ، اذا رحت البيت بخلي امي تبخرني وتقرا عليّ << مطلعة عيونها عالآخر خخخخ
الكل : هههههههههههههههه

عندالحريم

ام عبد العزيز : عسى ربي وفق ناصر بشغل ؟
ام ناصر تتحسر : لا والله للحين، على الله دعواتكم له
ام عبد العزيز: الله يوفقه يارب و يعطيه على قد نيته
ام ناصر : آمين الله يسمع منك
ام عمار : مع انه ناصر و رائد مع بعض متخرجين من الجامعة
ام ناصر شوي متنرفزة : شتقولين بعد اذا الأجانب هم المتحكمين وكأن البلد بلدهم
ام عمار : يالله الحمدلله على كل حال ، الا وين ام عبد الله ما شوفها ؟
ام عبد العزيز : في المطبخ مع ام رائد تجهز العشا

انتهى الجزء الأول
رايكم وتعليقاتكم

~~~~~~~~~~~~~~~~~~~~~
من أحداث الجزء التالي
~~~~~~~~~~~~~~~~~~~~~

بو رائد : وين بو عبد الله غريبة تأخر للحين ؟!
بو عبد العزيز : اي العادة قبل الكل يجي
ناصر : يمكن عنده ظرف الغايب حجته معاه

^&^

فيّ بكسل : يلا سرينا بنات << مفكرة نفسها قبطان
همسة وميس : ســـريـــنــا .

^&^

ميس بصوت واطي : فيّووووه عقلي مو حاسة بأحد غيرنا موجود
فيّ : لا ماافي احد غيرنا ... وتتلفت يمين ويسار عشان تأكد لميس كلامها الا ............

^&^

~~~~~~~~~~~~~~~~~~~~~
مـلـحوظـة
~~~~~~~~~~~~~~~~

أتمنى لمن أراد نقلها أن يذكرها باسمي ( أنا هي )
و لا أحلل لمن ينسبها لنفسه ..، و لكم جزيل الشكر

~~~~~~~~~~~~~~~~~~~~~

قراءة ممتعة لكم..
لا عدمت تواصلكم..
أُسعد لوجودكم..
لا تبخلون بردودكم..
بإنتظار بكل صدق آرائكم..
يُشجعني تحفيزكم..

عين الله تحرسكم و ترعاكم

كانت هنا / سِحر العذارى ( أنا هي )
لمشاهدة الروابط والصور يجب التسجيل.

عبر هذه الصفحه لقيت ابداع في السرد
والطرح اسلوب امتزج بالتشويق والسلاسه

واضفتى عليه بعض اللمسات الرائعه
حيث تخلله وصف للمواقف وادخال
جو الضحك والمزح اللذي
تحدث في جلسات البنات

لمشاهدة الروابط والصور يجب التسجيل.

على القصه وننتظر بقيت الاحداث
بس في ملاحظه بسيطه يالغلا

سواليف الحريم ضيعت لانه ماعرف
من ام فلان ومن ام علان
هههههههههههههههههه

والا عباره عن سواليف عابره لااكثر
دام نبض قلبك وقلمك

لك خالص ودي واحترامى
دموووعه

لمشاهدة الروابط والصور يجب التسجيل.
 
لمشاهدة الروابط والصور يجب التسجيل.
 
لمشاهدة الروابط والصور يجب التسجيل.

المشاركة الأصلية كتبت بواسطة دمــ حزن ــعة
لمشاهدة الروابط والصور يجب التسجيل.

عبر هذه الصفحه لقيت ابداع في السرد

والطرح اسلوب امتزج بالتشويق والسلاسه

واضفتى عليه بعض اللمسات الرائعه
حيث تخلله وصف للمواقف وادخال
جو الضحك والمزح اللذي
تحدث في جلسات البنات

لمشاهدة الروابط والصور يجب التسجيل.

على القصه وننتظر بقيت الاحداث
بس في ملاحظه بسيطه يالغلا

سواليف الحريم ضيعت لانه ماعرف
من ام فلان ومن ام علان
هههههههههههههههههه

والا عباره عن سواليف عابره لااكثر
دام نبض قلبك وقلمك

لك خالص ودي واحترامى

دموووعه

دمعة حزن

لكلماتك عبق جميل
يدخل و يبهج القلب

أما بالنسبة للتعريف بباقي الشخصيات
فإني أستبيحكم عذرا لأني قد سهوت لذلك
و سيتم وضع تعريف لهم ان شاء الله ...

دمعة حزن

أشكر متابعتك للقصة

سُعدت بكِ كثيراً

لا عدمت تواجدك

يحرسك الرحمن

كانت هنا / سِحر العذارى ( أنا هي )
لمشاهدة الروابط والصور يجب التسجيل.

سحر العذارى

قصه رائعه

ولكن لي تعليق بسيط هناك كلام مرتبط في بعضه واخر ليس مفهوم بنسبه لي

تقبلي مروري كل الود بقـــ انسان ــايا

المشاركة الأصلية كتبت بواسطة بقـ انسان ــايا
لمشاهدة الروابط والصور يجب التسجيل.

سحر العذارى

قصه رائعه

ولكن لي تعليق بسيط هناك كلام مرتبط في بعضه واخر ليس مفهوم بنسبه لي

تقبلي مروري كل الود بقـــ انسان ــايا

بقايا إنسان

شكراُ الروعة تكمن بكم

بالنسبة إلى الكلام المترابط
فإني قد قمت بتصحيحه ، ولكن
أرى أنّ المشكلة من المنتدى نفسه
لأني قمت بتنقيحها لأكثر من مرة ..

بقايا إنسان

أشكر متابعتك للقصة

سُعدت بك كثيراً

لا عدمت تواجدك

يحرسك الرحمن

كانت هنا / سحر العذارى ( أنا هي )
لمشاهدة الروابط والصور يجب التسجيل.

سحر

سلمت يداك

واعتقد ان لديك موهبة تحتاج شويت صقل وتدريب

وانا مع رائ دموعهــ

تحياتي

المشاركة الأصلية كتبت بواسطة ماجد العزيزي
لمشاهدة الروابط والصور يجب التسجيل.

سحر

سلمت يداك

واعتقد ان لديك موهبة تحتاج شويت صقل وتدريب

وانا مع رائ دموعهــ

تحياتي

ماجد العزيزي

الله يسلم قلبك من كل شر

ان شاء الله سيتم ذلك بتنميتها إلى الأفضل

ماجد العزيزي

أشكر متابعتك للقصة

سُعدت بك كثيراً

لا عدمت تواجدك

يحرسك الرحمن

كانت هنا / سِحر العذارى ( أنا هي )
لمشاهدة الروابط والصور يجب التسجيل.

~~~~~~~~~~~~~~~~~~~~~
الجزءالسابع
~~~~~~~~~~~~~~~~~~~~~

بو فيصل : شرايك إنتي اجل بخلي البنت واقفة ،، أكيد بفتح لها

تدخل جودالغرفة...............

جود : يما شنهو الغدا أناجاااااااااااااااااااايعة
أم فيصل : خلاص فضحتنيا ، ما أصدق ذا صوت بنت
بوفيصل : تبين تاكلين وانتي للحين ما غيرتي مريولك
جود : انا بروح الحين بس حبيت اطمن على بطني << مفجوعة هع
أم فيصل : تراني ما جهزت للغدا ولا شي<< تلمح له يشتري غدا
بو فيصل : كأني عرفت المقصود من الكلام
جود : شوفوا تشترون غدا تطلبونه من الجيران تسرقونه اهم شي آآآآآآآآآآآآآآآكل
أم فيصل : هههههههههههههههه
بو فيصل : أمرنا لله بنشتري غدا

وتطلع جود من الغرفة ،اما بو فيصل غير ملابسه عشان يطلع يشتري الغدا ، و أم فيصل قامت دخلت الحمام ( أعزكم الله )

في المستشفى :-

دخلوا قسم الطوارئ وهم مستعجلين وميس تحس نفسها ما تقدر تمشي فجلسوها على الكرسي المتحرك وراحوا عند الاستعلامات ....

في بيت أبو عبد العزيز :-

دخلت البيت و استغربت من بوابة الشارع مفتوحة شوي وتعجبت أكثر لما شافت البيت هدووووء وما فيه أي صوت أو حركة إلا بنزلةرهف من فوق وهي توها جالسة من النوم

أم عبد العزيز : هلا بحبيبتي رهف
رهف وهي مو قادرة تفتح عيونها من النوم : ماما ماما
أم عبد العزيز : جبت لك معاي بسكويت اوريو
رهف بفرح : شكرا ماما..
أم عبد العزيز : يالله حبابة روحي غسليوتعالي المطبخ عشان اسوي لك شي خفيف تاكلينه

بعد ما راحت رهف ، أم عبدالعزيز قامت تنادي الخدامة عشان تفهم منها السالفة بس ما جاء على فكرها انها تكلم صفاء جوال وتشوف وينها فيه..

أم عبد العزيز : كاتري كاتري
كاتري: نعم مدام
أم عبد العزيز: وين صفاء ؟
كاتري : في طلع مع سعود وميس
أم عبدالعزيز بفزع وعيونها بتطلع من مكانها : سعووووووود ، ميييس
كاتري : إي مدام ميس مافي روه كلية
أم عبد العزيز باستغراب: ليش ميس ما راحت الكلية ؟!

إلا تقاطعهم رهف تسأل أمها عن فطورها ،عطتها أم عبد العزيز بريدة داخلها جبن سائل كانت مسويتها لها عشان تاكلها بالمدرسة بس ماكان عندها وقت لأنها جلست تصحح الكتب... المهم
وطلبت منها تاخذ لها عصير من الثلاجة ... في نفس اللحظة يرررن تليفون البيت ، أشرت أم عبد العزيز للخدامة إنها تروح ،ترفع أم عبد العزيز وترد

أم عبد العزيز بفزع: الو صفاء
...................: الو
أم عبد العزيز : الو ،نعم
.................. : السلام عليكم
أم عبد العزيز: وعليكم السلام
................... : أختي هذا بيت أم مشعل
أم عبد العزيز : لا ،أختي غلطانة
................. : اووه أسفة
أم عبد العزيز: لا عادي حصل خير
................ : مع السلامة
أم عبد العزيز : الله يسلمك أختي

سكرت أم عبد العزيز التليفون وهي محتاااارة في أمرها ما تدري ايش تسوي ، في صفاء وميس اللي في المستشفى و ما تدري عنهم شي ، وقررت إنها تتصل على ميس بالمستشفى وتشوف الوضع عندهم...
اتصلت أم عبد العزيز بس الخدمة غير متوفرةمؤقتا، ونفس الشيء لما اتصلت على صفاء وسعود يمكن عشان يكون خلل داخل المستشفى

في المستشفى :

كشف دكتور العظام على رجل ميس وجبسها

ميس بصوت تعبان: دكتور لو سمحت عطني إجازة مرضية
الدكتور يخفف دمه: مفيش داعي دنتي بووم زي الحصان وسيبي عنك دلع البنات

طالعته ميس بنظرة تقول في داخلها بجد فاضي ينقال يخفف دمه على غفلة

كتب الدكتور لميس الإجازة المرضية مع الدواء وطلعوا ، راح سعود ياخذ الأدوية من الصيديلية وصفاء وميس جلسوا على الكراسي يرتاحون شوي...

في بيت أم فيصل:

جاب أبوفيصل الغداء وحطه بالمطبخ ونادى أم فيصل عشان تحطه بصحن

أبو فيصل: أم فيصل أم فيصل وينك فيه شفيك ما تردين ؟!

استغرب أبو فيصل إنها ما ردت عليه وناداها مرة ثانية يمكن ما سمعت

أبو فيصل: أم فيصل تعالي المطبخ أنا جبتالغداء

هالمرة شك بوفيصل وقال لازم يروح بنفسه يشوف شصاير، إلا بنزلة جوود مسرررعة

جود بنبرة خوف: بابا بابا تعاال بسرررعة فوووق أمي تبغيك ضروووووري
أبو فيصل مفزوع: شفيك شفيك شصاير عندكم ؟!
جود: ما أقدر أقولك لازم أنت تجي بنفسك وتشوف
أبو فيصل: طيب الحين بصعد

صعد أبو فيصل مع جود وحاسس انه قلبه بيوقف و بيطلع من مكانه

في بيت أبو عبد العزيز:

جات فيّ من المدرسة وصعدت فوق على طول من غير ما تتفقد أحد عشان تغير ملابسها و تصلي ،بعد ما صلت نزلت تحت وشافت أمها جالسة بغرفة التلفزيون مع رهف وحمد تو واصل من المدرسة.....

فيّ: يما شغدانا اليوم ، شطبخت خالتي لنا ؟؟
أم عبد العزيز: ما طبخنا غدا اليوم
فيّ باستغراب: ليييييييييييييييش؟
أم عبد العزيز: لأنه خالتك راحت المستشفى مع خالك سعود عشان أختك ميس
فيّ وعيونها بتطلع من مكانها: ميييييييييييييييس ليش شفيها ؟!
أم عبد العزيز: والله ما أدري علمي علمك
فيّ: طيب كان اتصلتي فيهم عرفتي السالفة
أم عبد العزيز: اتصلت والخدمة غير متوفرة مؤقتاً

في ذا الوقت رن جرس الباب وقامت فيّ بسرعة تفتحه حتى من غير ما يردون على التليفون ويشوفون من جاي وقامت أم عبد العزيز و رهف، فتحت الباب وتفاجأ الكل باللي شافوه .........

انتهى الجزء السابع
آرائكم وتوقعاتكم و تعليقاتكم

~~~~~~~~~~~~~~~~~~~~~
من أحداث الجزءالتالي
~~~~~~~~~~~~~~~~~~~~~

لا حوووول ولا قوة الا بالله ايش هذا اليوم النحس

^&^

توها بتجرب إلا و يسمعون صوت بالحمام ،كأنه شيء طاح ......

^&^

تعب عليهم وودوه المستشفى نيموه كم يوم عندهم و توهم مرخصينه

^&^

س/ ماذا استشفيتم من خلال قراءتكم لهذا الجزء ..؟

أتمنى من كل شخص قرأ القصة بتمعن الإجابة على هذا السؤال

شاكرة لكم حُسن تواضعكم هنا ...
لمشاهدة الروابط والصور يجب التسجيل.

قراءة ممتعة لكم..
لا عدمت تواصلكم..
أُسعد لوجودكم..
لا تبخلون بردودكم..
بإنتظار بكل صدق آرائكم..
يُشجعني تحفيزكم..

عين الله تحرسكم و ترعاكم

كانت هنا / سِحر العذارى ( أنا هي )