منتديات الحب - حلمك أيه ؟

بسم الله ... والحمد لله ....

والصلاة والسلام على رسول الله ... أما بعد ..

فى يوم من أحد الأيام كنت سهران شوية ومكنش جايلى نوم فلقيت الراديو جنبى فقلت أشغله أسمع ايه الأخبار ....

بدور فى المحطات .. لقيت برنامج شغال على احدى الاذاعات ...

البرنامج كان موضوعه " أيه حلمك ؟ "

عجبنى الموضوع وحبيت أسمع ... البرنامج كان بيستقبل تليفونات ورسايل

بالإضافة الى لقاءات مسجلة مع بعض الشباب والفتيات ...

قلت اقعد واسمع شبابنا بيحلموا بإيه "وأنا واحد منهم"

فكانت كل الاجابات عبارة عن .....

شاب ... نفسى أتخرج وأجوز واحدة حلوة ...

وأشتغل شغلانة محترمة ويكون عندى عربية
(12)

شاب أخر ... نفسى يبقى عندى شركة كمبيوتر ..
(94)
شاب ثالث .... نفسى أشوف مصر فى كأس العالم أقبل ما أموت " فى المشمش .. "
(122)
فتاة .... نفسى أتخرج وأتعين معيدة فى الجامعة وأكمل دراسة وأبقى دكتورة ...
(126)
فتاة أخرى .. نفسى أجوز الانسان إلى أنا بحبه
"وهو سمعنى دلوقتى فيشد حيله "
(67)
شاب متهور .. عن طريق رسالة موبيل ....

نفسى أكون رئيس دولة ..... "

طبعاً المذيع قرى الرسالة وشه أكيد جاب ألوان "

أنا ما شفتوش عشان كان فى الراديو"

بس لحق نفسه وقال

اه نفسك يعنى تمسك منصب سياسى كبير أو تكون رئيس شركة ولم الدور

و كتير غيرهم كانت أحلامهم زى الأحلام اللى فاتت أو قريبه منها ...

يا دوب واحد اسمه مش عارف الحاج ايه ..

بعت وقال نفسى يبقى ربنا راضى عنى ...

وأخت طيبة قالت نفسى أحفظ القرآن ...

أيه رأيكم .... هى دى أحلامنا وطموحتنا .... "اللهم ارحمنا برحمتك" ...

مفيش حد من شبابنا نفسه أن الاسلام يرجع يحكم العالم تانى ..

أو أن يحفظه الله من عذاب القبر ...

أو يشرب من يد النبى صلى الله عليه وسلم على الحوض يوم القيامة ...

مفيش حد بيحلم بالجنة

أنا مش بقول أن أحلامهم دى غلط .... لأ صح ....

بس الأشياء دى وسيلة مش غاية فى حد ذاتها ....

يعنى يكون حلم الشاب أنه يتخرج ويشتغل شغلانة كويسة

ترضى ربنا وتخدم الاسلام ... مش يشتغل شغلانة كويسة وخلاص ....

ويجوز واحدة طيبة تساعده على طاعة ربنا وتصبر

لو كانت ظروفه فى فتره من الفترات مش تمام

وتربى أولاده تربية اسلامية صحيحة عشان ان شاء الله يكونوا من جيل التمكين ... إلخ

يا ترى انت بقى حلمك ايه ؟

انا مش عايزك تقولى ... أنا عايزك تقول لنفسك وتقولى لنفسك ... أنا حلمى ايه ؟
وايه هو أول شئ فى حياتى ؟

وعلى فكرة إحنا ربنا خلقنا عشان نعبده وبس ايوه وبس
"وما خلقت الجن والإنس إلا ليعبدون ما أريد منهم من رزق وما أريد أن يطعمون
إن الله هو الرزاق ذو القوة المتين "
سورة الذاريات 56-58

والسلام عليكم ورحمة الله وبركاته

منقول للفائده

كل الغلا

هكونا متاتا