صباح الخير لاحساسـك = صباح أجمل من التصوير
على خدك على أنفاسـك = على شعرك يتيه يطيـر
صباح أحلى مـن الدنيـا= وفرحتها إذا أنت تسيـر
حبيبـي حالتـك حالـي = وأحس أنا بهـا تقصيـر
أنـا حبـك مبهذلـنـي = مكسر مركبـي تكسيـر
أنام أحلم على حروفـك = حبيبي همسهـا تخديـر
يوديـنـي لمتـاهـاتـك = وياخذنـي بـلا تحذيـر
أشوفك في مدى شوفـي = ونا وحدي وعند الغيـر
سطا حبك علـى كلـي = وبعثرني وراح بخيـر
بكى بعضي على بعضي = وبعضي فاقـد التخييـر
كثر ما أوصف معاناتـي = ما راح أوفي لها تقريـر
بتبقـى صفحتـي بيضـا = وأشخبط خارج التسطير
حبيبي لا تجـي الفرقـا = على لسانـك ولا تفكيـر
ظروفي مثلها ظروفـك = فجلسـة حبنـا بتصيـر
نقاضيـهـا نحاكمـهـا = وننهيهـا ولـو تعزيـر
بنرميهـا ورا الماضـي = أبي نسلم مـن التغريـر
وأظل أحيا على قربـك = بلا حاجـز ولا تسويـر
وكل ما مرنـي طيفـك = بناديلـه صبـاح الخيـر