منتديات الحب - عرض مشاركة واحدة - { ღ تعلــــــــــــمت من التلفــــــــــــــــآز ღ ؛

12-07-2010, 04:56 PM

الســــلاآم عليكم ,,,

اولا : احب اشكرك ع الموضوع الحلو قطوووره ويعطيك مليون عافيه من ناحية الطرح والتنسيق روعه

ثانيا : بالنسبه للتلفاز بتكلم معك عني انا بالذات وش استفدت وش انضريت منه

" الفايده "

كان فيه فايده وكثيره بالنسبه لي ولخواتي بعد خصوصا من الافلام والمسلسلات الاجنبيه اللغه الانجليزيه صارت قويه عندنا

حتى قبل ماندرسها بالمدرسه وهالشي سهل علينا دراسة هالماده بعدين وبالجامعه انا استفدت اكثر حسيت مخي متفتح ومشيت فيها ولله الحمد بكل بساطه

من ناحية الثقافه برضو استفدت من الي شفته وتعلمته صارت عندي الجراه اناقش اي احد بي موضوع وعندي خلفيه عن امور كثيره

" الاضرار والسلبيات "

للاسف للاسف الشدييييييييييييييد له اضرار وضرر كبير بعد وهالشي مايبي له نقاش فيه اشياء وافكار تأثر على براءة الطفل وتحرمه يعيش طفولته ببراءه تامه

طبعا لايروح بالكم ان الضرر بيكون من ناحية المشاهد الاباحيه لاااااااااا

لكن فيه افكار تأثر بالتربيه من ناحيه ثانيه افكار يتلقاها الطفل تشغل باله وتكون لها اثر كبير عليه اثناء نشأته

" الحل الافضل من ناحية وجهة نظري الشخصيه "

ان الانسان بالاصح الوالدين يصادقون طفلهم يعني يتلقى المعلومات ويناقشها ويفهمها منهم افضل من انه يناقش احد غريب يمكن يوصل له المعلومه خطأ

ويحسسون الطفل بالامان عشان يقدر يتكلم معاهم بدون خوف وبكل صراحه ووضوح

لان مافيه احد يخاف على الطفل كثر امه وابوه وماراح يضرونه

يمكن يرى البعض اني ابالغ بس انا تكلمت من ناحية تجربتي الشخصيه الي اتمنى ان غيري يستفيد منها وياخذ الشي الصح ويترك الغلط .. ولله الحمد ضرر التلفاز كان علي اخف لاني كنت اتكلم مع ابوي وامي بحريه مطلقه

اخيرا ,,

تمنياتي القلبيه لاطفالنا بحياة طبيعيه لايعتريها اي مشوشات او افكار تشغلهم وبالاخير لا كبرو يكتشفون انه شي تافه لكن نظرا لصغر سنهم اعتبروها شي كبير وبالتالي اضاعوا سنين طفولتهم بدون مايستمتعون فيها بشكل كامل

على فكره ,,

ترى حتى بعض المناظر الي تطرح بالاخبار تؤثر على تفكير الطفل وترهقه

وبوقتنا الحاضر حتى الافلام الكرتونيه صارت بحد ذاتها مصيبه تطرح كل شي يخطر ببالكم

واشياء ممكن تؤثر على الناحيه الدينيه للاطفال مستقبلا

لان الشخص على ماينشأ عليه

عذرا ع الاطاله

كل الغــــلاا

جوجو