السلام عليكم,,,

بدون ديباجه<<=====ما قد شفتها بالا بالمورد

مشاوير كل يوم في الرياض قد تتسم ببعض المرح اذا عرف الواحد وين هو رايح

له<<==حلوه ذي قصدي المكان اللي فيه وناسته لكن يكدر عليه شي بسيط قولا

عظيم حقيقة اللي هو الطريق سواء كان مسافته أو نظامية اللي يسوقون فيه او

من زين الطريق اصلا و الحين الظاهر نزل مرسوم وزاري<<==خلنا بعيد لازم كل

حارة فيها مسجد و حفرية k17 !! كثر التراب هالحفريات عندنا الظاهر انهم ما بعد

لقوا الكنز ما قهرتني الا الحفرية اللي بنهاية طريق الامير عبد الله و انت رايح

غرب صارت من معالم الرياض قعدت حول سنتين اذا مب اكثر ....

طبعا اذا بغيت تشءر لك على واحد يبي لك تشيك الزيت و الكفرات<<==حشى سفر

عاد الشوارع تعطيك اللي مدحدر و اللي مرتفع و اللي مسوي حركة ابو جنيب

و الدليل اذا وقفت عند كثير من الاشارات فض القير<<====توهقوا البنات

تدحدر السياره و اذا شفت غير كذا راجعنا يوم السبت!! غير هيك فيه اشارات مدري

وش تبي الظاهر ما حطوها الا عشان التوصيف يقولون بعد الاشاره رح يمين

ابان هذه الظروف<<=====بيدخلها غصب اذا جا واحد من برى الرياض يتوهق

تلقاه يشوف المكان اللي يبيه قدام عيونه و قريب منه لكن ما يدري وش يسوي

يشوف الكبري لكن يروح تحته ما تعودوا(وش جابكم اصلا يا المقاريد) و ما يقهرني

الا شوارع بعض الحواري المحفره ما يحتاجون مطبات لانك تهدي غصب عنك

فيه شاره من هالاشكال يسمونه شارع الدسكومن اول ما تدخله و السياره على

وحدة و نص بس باقي الاغاني انت شغلها عشان تخش جو ديسكويي و الانوار

بالسياره(ما ملت عينك الشمس يا الكمخه) لا و تلقى بعد الشارع محطة ترصيص

و تربيط و انت تشوف المحل بعد هاللي صار لك و تقول اي و الله تكفى يعرفون

يستغلون الفرص هالتسلاااااااب مثل حقين السطحات بعد<<===توهقن الجنس الناعم

مره ثانيه اذا شفتهم تلقاهم واقفين عند دوار جديد محد يدري عنه و لا رصيف

منعفط!!يحترون احد يجيب العيد و تلقاهم بوجيهم يعني اذا شفتهم هد و خلك ذيبان

زيادة على كل هذا زحمات الرياض<<===يبي لها برنامج في الجزيره مب موضوع

احيانا تلقى الطرق السريعه قالبين الكتوف فيها (اللي بعد الخط الاصفر) قالبينها

العالم سيد يمشون عليه بالهبل و السرعه 30 /40<<===امحق خط سريع بعذر

بعض الناس معهم دبابات الله يلوم اللي يلومهم ما ارحم الا اللي اشوف لوحاتهم

ابو ظبي و لا دبي و لا قطر ....... اللي جايين من برى تلقاهم ورى بعض و يلحقون

لموزين موقفينه و يدلهم عن مكان ما...كنهم يلعبون حبشه بس بدون حاله<<<==

من علمك التشبيه؟؟ اصلا ما فيه امل توصف لواحد بسهوله لواحد ما يعرف الرياض

وش عاد جاي من برى ...............

و فيه 2 اذا شفتهم بالشارع ابعد عنهم انحششششش و من جد اقولك

1-خط البلدة 2-الليموزين هالاثنين عندهم قدرة هائلة و مهارات في تغيير سرعة

السيارة من 120 الى صفر في اقل من ثانيه و ما يعترفون باختراع المرايات

و ذلك اذا شافوا لهم واحد واقف على جنب .......في الختام ودي اقول ننتظر عام 2030

بشغف يصيرون العالم يروحون بطيارات صغيره بدال السيارات و الزحمة طبعا

ما تخلى من تهور الشباب هالحركات تشطيف كرة الفيصليه و الانسياب من فتحة

المملكة طبعا لازم تصير سافط المرايات عشان ما تحك <<====من قال اني فيه

مرايات اصلا و بعدين ياشين الحماس...................و سلامتكم:)