tђέ şσuℓ~ ●•
11-28-2005, 05:49 AM
يــوم ولــدت (83)
ولدتني اميمتي وانا صغير ( يعني وش رايك تولدك وانت عمرك خمسين سنه )
انا يوم تجيبني اميمتي ساحبيني بسلسله كان علي شورت مكتوب عليه قراشيع العيال (يعني احب القسم هذا منذو نعومة اظافري )نزلت من بطن اميمتي وانا ما طلع لي الا شعرتين في راسي وهذا دليل يومي صغير اقول حبتين يعني حتى يوم كنت ما اعرف احتسي كان جسمي يفعل الشي الي ما اقدر عليه فالله الله بالمحافظه علي فانا سلعه لم تمشي بالسوق .. ماعلينا...طلعت من المستشفى وانامربط ومسوين بالربطه ورده واميمتي تحملني الى البيت واول ما دخلت الا اخواني محظرين علي يمطخوني بووس وانا اقول وعععع حتى يومي انتظرت ثمان شهور في بطن اميمتي اقابل الاشكال هذي ( قلت ثمان على شان اعلمكم اني ولد داشر اطلع بسرعه ) .. واقول افااا اخواني ما شافوا خير وخاصه الرجال يومهم يمطخوني بوس اغلبهم عزابيه وماسكين جوازاتهم وحاطين الحره فيني
جلست بالسرير وكل النسوان محظرين في بيتنا وكل وحده تمر بسدح بوسه وتمشي صارت اخدودي حمر من كثر البوس ولا بعض النسوان عليهم شعر وعلى حسب خبرتي (وهي الشعرات التي لم ترى المشط والبلسم من عدة شهور وايام متتاليه وقد تهبط هاذي الكشه بمجرد وصول الماء اليها ..وبعظهم مهما جاها من مياهه لا حياة لمن تنادي)وتوها صاحيه من النوم وتبوس لو اني اعرف احتسي كان قلت ورا ما تستعملي معجون سولسوداين ولا مهمتكم تحشرون العالم من الريحه اللهم لا اعتراض ذهبت كل حرمه بيتها واميمتي قرقرت ترتاح وتنسدح جنبي (قلت بداخل نفسي يومك معزمه تنسدحي ليه ما جبتي بو نفرين ازين) كبرت وكبرت وكبرت والبركه في حليب بوني لان الحليب الي من اميمتي اشفطوه اخواني ههههههههههه ورمتني على وحده من خوياتها ورضعتني مع ولدها حتى صارت بيني وبين ولدها مشكله وهي اني اطمر عليه واقول ممكن تزحف لي اشوي قال لا قلت ليه شايف حليب امك شرهه ..(( يعني لمن يجي امير في الشرقيه تكتب معروض ويقولون اسمك واتاخذ دراهم )) على شان كذا طحت في البوني كثير
يـوم صـار عمـري 7 سنـوات
صار بهذا العمر احتكاكي في البنات يزيد لان هذا العمر بداية ادراكك بأن البنات حلوات وعلى شان كذا لمن يصير عرس ادخل في عباية أميمتي على شان لاحـد يشوفني ولمن ادخل اشوف المزايين وكل البنات يتجمعن وانا انحاش منهم حتى قالت وحده يشبه القورلا ..(( القورلا هو قرد كبير في حجمه لانه ياكل موز كثير )) وتحطمت ورجعت البيت وانا حامل معي القهر والالم ..(( يومك حامل بأي شهر )) قلت مافي الا احتك مع خواتي بنات خالتي وبنات عماتي وصرت من الي يحفظون امي كم اهواها واردد معهم جاز لي الوضع وانا بينهم وصرت صقيقهم من يبون شي من البقاله الا انا بالخدمه يعني مصلحه ولكن مع ذالك كنت انسان فرح صرنا نلعب العروس والعروسه ودوري كان اني اتزوجهن كلهن مافي رجال غيري بالعبه ومرت الايام وصرت
اتشبه بسندريلا وسالي ..(( شبه انحرفت على طريق البسبسه )) وكل مساحيق للبنات صرت احطها بخشتي حتى صارت خشتي اشبه برزان (المذيعه الطخمه الي دايم تبوس )يومي طلعت للبنات صارن يتمهزلن فيني انحشت منهم واطلع عند الباب واشوف بزارين الحاره يلعبون فوت بول وقلت في قرارت نفسي يومي اشبه نفسي بسندريلا ليه ما اشبه بالكبتن ماجد او ارفع اكمومي واصير بسام واصير فنان واتغلى على البنات ولا اعطيهم وجه جلست على محطة سبيس تون انتظر متى يجي الكبتن ماجد واشوفه واطبق كل حركه فيه حتى مره ربطت نفسي بالمروحه لان ماجد جلس 10 دقايق بالهوا قمة النصب ومع ذالك نصدق ( وجه يتسدح من الضحك يوم تخيل شكله )
حتى هذاك اليوم مافكني الا الدفاع المدني وانا متعلق ماهوب راضي انزل .. بصراحه الكبتن ماجد اثر فيني وانا دلخ اصدق كل شي بس كانت قمة البرائه فيني حتى مافكني الدفاع المدني الا يوم جابو الحلقه الثانيه ونزل ماجد من الهـوا راح ايـام وجـات ايـام وكبـرت وتـرعـرت وتعلمة ركوب الخيل من يومي صغير وتعلمة السباحه وكل شي يعني كوكتيل رياضه انا وبلا فخـر ( وجه مستحي )
المهم مالكم بالطويلة بعد سنوات عديده كبرت.. وشتـد خشمي وبديت احس بأحساس الحنان بداخلي فيني مشاعر كابتها ابي اتكلم ودي في بنت تفهمني وافهمها وتخف فيني واخف فيها ابي بنت لمن اصحى من النوم اتصل عليها اسبها واقولها يالشينه احبك ..وبالليل اتصل عليها واقول تكفين سكري ما ابي احلم فيك يعني كانت العاطفه عندي كبيرة ( ياجعلك ما تحب ولا تطلع مشاعرك اذا كانها تسذا ) .. المهم جلست هذاك اليوم في الاستراحه مع رفاق السوء ( وجه يمد لسانه ) ..شوي الا تررن تررن .. بصوت خشن وجاف ارد انا نعم ..؟ صوت ناعم اطلق من صوت إليسا اسفه غلطانه...
جلست افكر في نفسي واقول ليه البنت قبل لا تسكر فضحت اسمها ؟؟ لهدرجه اسلوبي عجبها قلت..جرب اتصل عليها وشوف المهم ما كذبت خبر خرخش لي الشيطان شوي الا انا متصل عليها المهم اتصل الووو البنت بصوت ناعم هلا ..ارد وفيني ضحكة السخريه بسألك ترا انا عرفت اسمك ( يجول في خاطره انه لمن يعرف اسم البنت يقدر يهددها ) ..قالت خير متى اعرفك انا على شان تقول عرفت اسمي..قلت وش فيك عصبتي انتي قبل لا تسكر قلتي غلطانه..وانا عرفت اسمك انه غلطانه عاشت الاسامي غلطانه ( ضحكه خفيفه منها وبعدين صوت القطار )
قلت والله ما اخليها ناشب لها... اتصل الوو غلطاانه ممكن سؤال وش مصلحتك يوم تقولي اسمك لي مع اني انا ماهوب غني ولا فيني شيء يخليك تكوني طامعه فيني ... ضحكه اقوى من الضحكه الاوليه ومعها صوت القطار طوط طوط قلت البنت هذي راسها عنيد بس الوكاد انها العب مع الانسان الغلط...واتصل عليها واقول اسمعي غلطانه..ترى انا زعلان وبسكر انتي فهمي واتصلي علي راضيني اوكيك مع السلامه واقفل على طول ..واجلس انتظر ربع ساعه نص ساعه واتصل عليها واقول وراك ما تصلتي وتخرج منها قهقهه ( قهقهه : يعني الضحك من صميم القلب ) وتقول شكلك حبوب راح اقول وش اسمي قلت يعني ماهوب اسمك غلطانه قالت لا هذا اسمي المتنكر ..قلت طيب وش اسمك قالت العنوود جلست اضحك كركركركر قالت وش فيك قلت كل بنت تسألها في السعوديه وش اسمك تقولك ( العنود × الجازي × الخ )
صارت تقول يعني انتم الحين الي ما تقولون ان اساميكم نواف وتركي وفي الاخير نشوف اسمك رأفت ومصطفى ( حتى ذبتها بايخه بس ضحكة لها على شان شغل التشبيك ) ذكي وفطين.. قلت قسمن صادقه بس لا تصدقي نفسك واجد ثم اقول كلام يزعلك على البنات ( وجه يرفع حواجبه ويقول يلا يلا اهجدي لا اقول ) بدت تنافخ وتقول يلا قول اشوف وش تقدر تقول على النواعم البنات حنا اجمل مافي الكوون قلت اصبري والله انك ماخذه مقلب على نفسك ترا انتم يالبنات شيون ترا المكياج يلعب بخششكم لعب.. واذا ماهوب مصدقه كلامي ليه نسبة الطلاق مرتفعـه هذي الايام ؟؟ انا اقولك
المكياج سبب رئيسي لطلاق الأزواج بعد ليلة الدخلة لأنه قبل الزواج يشوفها احسن من رونالدو لكن بعد الزواج يكتشف انها مثل شعبان عبد الرحيم اسمعي بس انصحك انك ما تستعملي المكياج ترا يضر وراح يتسبب في طلاقك انا قلت لك والباقي عليك ما امداني اخلص كلامي الا وهي تقول الله يلعن من يتصل عليك مرتن ثانيه ولا بارك الله في الساعه الي كلمتك فيهـا... وهنـا بسبب بشاعة اسلوبي فقدت انسانه كانت تاخذ جزء من قلبـي ( وجه يرمي نفسه على السرير ويبتسي )
مـا يستفـاد
1- الماكياج مجموعة دهانات وبويات توضع على الوجه من أجل إخفاء الملامح الأصلية الشينة
2- لمن تكلم بنت حاول انك تبني علاقتكم على الرومنصيه ولا تبنيها على الدجه لانك راح تذب ذبه تخسرك البنت
3- الحب يسكن في القلب ويسرق النظر والتفكير ليجعل المحب أبله مايدري وين الله حاطه ( طرت علي قلت اكتبها )
4- اجمل وصف... توصف به المرأة ..رشيقة القوام .. باهرة الجمال .. كثيرة الحسن والدلال ( وجه يمد لسانه )
اتمنى تعجبكم ( ملطوش )
ولدتني اميمتي وانا صغير ( يعني وش رايك تولدك وانت عمرك خمسين سنه )
انا يوم تجيبني اميمتي ساحبيني بسلسله كان علي شورت مكتوب عليه قراشيع العيال (يعني احب القسم هذا منذو نعومة اظافري )نزلت من بطن اميمتي وانا ما طلع لي الا شعرتين في راسي وهذا دليل يومي صغير اقول حبتين يعني حتى يوم كنت ما اعرف احتسي كان جسمي يفعل الشي الي ما اقدر عليه فالله الله بالمحافظه علي فانا سلعه لم تمشي بالسوق .. ماعلينا...طلعت من المستشفى وانامربط ومسوين بالربطه ورده واميمتي تحملني الى البيت واول ما دخلت الا اخواني محظرين علي يمطخوني بووس وانا اقول وعععع حتى يومي انتظرت ثمان شهور في بطن اميمتي اقابل الاشكال هذي ( قلت ثمان على شان اعلمكم اني ولد داشر اطلع بسرعه ) .. واقول افااا اخواني ما شافوا خير وخاصه الرجال يومهم يمطخوني بوس اغلبهم عزابيه وماسكين جوازاتهم وحاطين الحره فيني
جلست بالسرير وكل النسوان محظرين في بيتنا وكل وحده تمر بسدح بوسه وتمشي صارت اخدودي حمر من كثر البوس ولا بعض النسوان عليهم شعر وعلى حسب خبرتي (وهي الشعرات التي لم ترى المشط والبلسم من عدة شهور وايام متتاليه وقد تهبط هاذي الكشه بمجرد وصول الماء اليها ..وبعظهم مهما جاها من مياهه لا حياة لمن تنادي)وتوها صاحيه من النوم وتبوس لو اني اعرف احتسي كان قلت ورا ما تستعملي معجون سولسوداين ولا مهمتكم تحشرون العالم من الريحه اللهم لا اعتراض ذهبت كل حرمه بيتها واميمتي قرقرت ترتاح وتنسدح جنبي (قلت بداخل نفسي يومك معزمه تنسدحي ليه ما جبتي بو نفرين ازين) كبرت وكبرت وكبرت والبركه في حليب بوني لان الحليب الي من اميمتي اشفطوه اخواني ههههههههههه ورمتني على وحده من خوياتها ورضعتني مع ولدها حتى صارت بيني وبين ولدها مشكله وهي اني اطمر عليه واقول ممكن تزحف لي اشوي قال لا قلت ليه شايف حليب امك شرهه ..(( يعني لمن يجي امير في الشرقيه تكتب معروض ويقولون اسمك واتاخذ دراهم )) على شان كذا طحت في البوني كثير
يـوم صـار عمـري 7 سنـوات
صار بهذا العمر احتكاكي في البنات يزيد لان هذا العمر بداية ادراكك بأن البنات حلوات وعلى شان كذا لمن يصير عرس ادخل في عباية أميمتي على شان لاحـد يشوفني ولمن ادخل اشوف المزايين وكل البنات يتجمعن وانا انحاش منهم حتى قالت وحده يشبه القورلا ..(( القورلا هو قرد كبير في حجمه لانه ياكل موز كثير )) وتحطمت ورجعت البيت وانا حامل معي القهر والالم ..(( يومك حامل بأي شهر )) قلت مافي الا احتك مع خواتي بنات خالتي وبنات عماتي وصرت من الي يحفظون امي كم اهواها واردد معهم جاز لي الوضع وانا بينهم وصرت صقيقهم من يبون شي من البقاله الا انا بالخدمه يعني مصلحه ولكن مع ذالك كنت انسان فرح صرنا نلعب العروس والعروسه ودوري كان اني اتزوجهن كلهن مافي رجال غيري بالعبه ومرت الايام وصرت
اتشبه بسندريلا وسالي ..(( شبه انحرفت على طريق البسبسه )) وكل مساحيق للبنات صرت احطها بخشتي حتى صارت خشتي اشبه برزان (المذيعه الطخمه الي دايم تبوس )يومي طلعت للبنات صارن يتمهزلن فيني انحشت منهم واطلع عند الباب واشوف بزارين الحاره يلعبون فوت بول وقلت في قرارت نفسي يومي اشبه نفسي بسندريلا ليه ما اشبه بالكبتن ماجد او ارفع اكمومي واصير بسام واصير فنان واتغلى على البنات ولا اعطيهم وجه جلست على محطة سبيس تون انتظر متى يجي الكبتن ماجد واشوفه واطبق كل حركه فيه حتى مره ربطت نفسي بالمروحه لان ماجد جلس 10 دقايق بالهوا قمة النصب ومع ذالك نصدق ( وجه يتسدح من الضحك يوم تخيل شكله )
حتى هذاك اليوم مافكني الا الدفاع المدني وانا متعلق ماهوب راضي انزل .. بصراحه الكبتن ماجد اثر فيني وانا دلخ اصدق كل شي بس كانت قمة البرائه فيني حتى مافكني الدفاع المدني الا يوم جابو الحلقه الثانيه ونزل ماجد من الهـوا راح ايـام وجـات ايـام وكبـرت وتـرعـرت وتعلمة ركوب الخيل من يومي صغير وتعلمة السباحه وكل شي يعني كوكتيل رياضه انا وبلا فخـر ( وجه مستحي )
المهم مالكم بالطويلة بعد سنوات عديده كبرت.. وشتـد خشمي وبديت احس بأحساس الحنان بداخلي فيني مشاعر كابتها ابي اتكلم ودي في بنت تفهمني وافهمها وتخف فيني واخف فيها ابي بنت لمن اصحى من النوم اتصل عليها اسبها واقولها يالشينه احبك ..وبالليل اتصل عليها واقول تكفين سكري ما ابي احلم فيك يعني كانت العاطفه عندي كبيرة ( ياجعلك ما تحب ولا تطلع مشاعرك اذا كانها تسذا ) .. المهم جلست هذاك اليوم في الاستراحه مع رفاق السوء ( وجه يمد لسانه ) ..شوي الا تررن تررن .. بصوت خشن وجاف ارد انا نعم ..؟ صوت ناعم اطلق من صوت إليسا اسفه غلطانه...
جلست افكر في نفسي واقول ليه البنت قبل لا تسكر فضحت اسمها ؟؟ لهدرجه اسلوبي عجبها قلت..جرب اتصل عليها وشوف المهم ما كذبت خبر خرخش لي الشيطان شوي الا انا متصل عليها المهم اتصل الووو البنت بصوت ناعم هلا ..ارد وفيني ضحكة السخريه بسألك ترا انا عرفت اسمك ( يجول في خاطره انه لمن يعرف اسم البنت يقدر يهددها ) ..قالت خير متى اعرفك انا على شان تقول عرفت اسمي..قلت وش فيك عصبتي انتي قبل لا تسكر قلتي غلطانه..وانا عرفت اسمك انه غلطانه عاشت الاسامي غلطانه ( ضحكه خفيفه منها وبعدين صوت القطار )
قلت والله ما اخليها ناشب لها... اتصل الوو غلطاانه ممكن سؤال وش مصلحتك يوم تقولي اسمك لي مع اني انا ماهوب غني ولا فيني شيء يخليك تكوني طامعه فيني ... ضحكه اقوى من الضحكه الاوليه ومعها صوت القطار طوط طوط قلت البنت هذي راسها عنيد بس الوكاد انها العب مع الانسان الغلط...واتصل عليها واقول اسمعي غلطانه..ترى انا زعلان وبسكر انتي فهمي واتصلي علي راضيني اوكيك مع السلامه واقفل على طول ..واجلس انتظر ربع ساعه نص ساعه واتصل عليها واقول وراك ما تصلتي وتخرج منها قهقهه ( قهقهه : يعني الضحك من صميم القلب ) وتقول شكلك حبوب راح اقول وش اسمي قلت يعني ماهوب اسمك غلطانه قالت لا هذا اسمي المتنكر ..قلت طيب وش اسمك قالت العنوود جلست اضحك كركركركر قالت وش فيك قلت كل بنت تسألها في السعوديه وش اسمك تقولك ( العنود × الجازي × الخ )
صارت تقول يعني انتم الحين الي ما تقولون ان اساميكم نواف وتركي وفي الاخير نشوف اسمك رأفت ومصطفى ( حتى ذبتها بايخه بس ضحكة لها على شان شغل التشبيك ) ذكي وفطين.. قلت قسمن صادقه بس لا تصدقي نفسك واجد ثم اقول كلام يزعلك على البنات ( وجه يرفع حواجبه ويقول يلا يلا اهجدي لا اقول ) بدت تنافخ وتقول يلا قول اشوف وش تقدر تقول على النواعم البنات حنا اجمل مافي الكوون قلت اصبري والله انك ماخذه مقلب على نفسك ترا انتم يالبنات شيون ترا المكياج يلعب بخششكم لعب.. واذا ماهوب مصدقه كلامي ليه نسبة الطلاق مرتفعـه هذي الايام ؟؟ انا اقولك
المكياج سبب رئيسي لطلاق الأزواج بعد ليلة الدخلة لأنه قبل الزواج يشوفها احسن من رونالدو لكن بعد الزواج يكتشف انها مثل شعبان عبد الرحيم اسمعي بس انصحك انك ما تستعملي المكياج ترا يضر وراح يتسبب في طلاقك انا قلت لك والباقي عليك ما امداني اخلص كلامي الا وهي تقول الله يلعن من يتصل عليك مرتن ثانيه ولا بارك الله في الساعه الي كلمتك فيهـا... وهنـا بسبب بشاعة اسلوبي فقدت انسانه كانت تاخذ جزء من قلبـي ( وجه يرمي نفسه على السرير ويبتسي )
مـا يستفـاد
1- الماكياج مجموعة دهانات وبويات توضع على الوجه من أجل إخفاء الملامح الأصلية الشينة
2- لمن تكلم بنت حاول انك تبني علاقتكم على الرومنصيه ولا تبنيها على الدجه لانك راح تذب ذبه تخسرك البنت
3- الحب يسكن في القلب ويسرق النظر والتفكير ليجعل المحب أبله مايدري وين الله حاطه ( طرت علي قلت اكتبها )
4- اجمل وصف... توصف به المرأة ..رشيقة القوام .. باهرة الجمال .. كثيرة الحسن والدلال ( وجه يمد لسانه )
اتمنى تعجبكم ( ملطوش )