بسم الله الرحمن الرحيم









في الحقيقة أنا ما أعرف كيف أبدا ، لكن أبتوكل على الله و أبقول اللي في خاطري عسى أحد يقدر يساعدوني و أكون شاكر له ، قبل ما أتكلم أبي أنبه إلى (( أني ما كتبت هالكلام هنا إلا لحاجتي لمساعدتكم و لا لي أي غرض ثاني ، وإذا موضوعي بيكون فيه إساءة للمنتدى أو لأسلوب المنتدى أبيكم تحذفون موضوعي على طول حتى ما أزعجكم أعضاء و مشرفين ))


الحقيق أنا أحب وحده من ثمان شهور تقريبا ، و علاقتنا محترمه و ماشية يشوبها شوية خلافات لكن عادي لأن اطباعنا غير و إلى آخره ، ولا قد مر يومين من عرفتها ما سمعت فيه صوتها .

قبل أسبوعين و أكثر تقريبا في تاريخ 13/6/1426هـ و19/7/2005م( الثلاثاء ) صارت بيننا مشكله سطحيه بسيطه ، بغضّ النظر من كان له الحق يزعل هي ما دقت علي بنفس اليوم ، و بكره ( الأربعاء )دقيت عليها مرتين ما ترد علي، اليوم اللي بعده (الخميس ) ما دقت علي و أرسلت لي رساله ثانيهmms فيها أغنية راشد الماجد توصي شي انا مسافر و مادقيت عليها لأنها ما ردت على إتصالاتي و لا كنت متوقع أنها بتعطيني خبر سفرها على مسج بدون ما تكلمني أو تودعني ، اليوم اللي بعدهم (الجمعه ) دقيت عليها مره ما ترد ومره انتظار ولا رجعت دقّت علي و أرسلت لي أغنية على Mms (( لا تقول أنك تحب وينك ووين المحبه)) لمحمد عبده ، طبعا أنا ضاق صدري و زعلت على طريقتها معاي و هي من أول كانت تزعل علي لو نمت بدون ما أكلمها وألحين هي يمر عليها ثلاث أيام ما ترد علي بدون سبب مقنع ( حتى لو هي زعلانه) . و سافرت بنفس اليوم بدون ما تكلمني و لا حتى تودعني .

توقعتها بتعرف أنها غلطت يومنها طنشت اتصالاتي و يترجع تدق لكن ما دقّت أبد .

و مرت أيام ما دقيت عليها ولا دقت بعده بثلاث أيام ( الأثنين ) أرسلت مسجين مو حلو الكلام اللي فيهم كله يلومني وأني أخطيت عليها و أني ما أقدر العشره ، و ما طاوعها قلبها أقل شي تتصل علي ، أنا ما دقيت عليه ولا أرسلت لها لأني لو رديت راح أهاجمها و أبين لها من الغلطان و بنتناقر (هي عاد عنيده شوي) غير كذا مسافره مع اهلها ولا أتوقع الجو بيكون يناسب للنقاش و مرت أيام خمسه و أرسلت لي رساله بعد مو حلوه و لا رديت عليها لأنه ما فيه فايده من الرد لو أني أبناقشها .

و مرت الأيام لا إتصال ولا كلام و في نفس الوقت أنا و ربي كنت أشتاق لها كثير و أحاول أسلي نفسي عن طاريها ، و دايم أجي أدق و يردني شي يقول أنها لو حريصه كان رجعت دقت عليك ، حتى أني يوم من الأيام و صلت حدّي و كنت لازم أسمع صوتها ؛ رحت دقيت عليها من رقم غريب بدون ما أتكلم بس عشان أسمع صوتها ولا تكلمت عشان ما تعرفني .

و ما اكذب عليكم أني أحبها صدق ولا أفكر أني أتركها و أكلم أحد غيرها و طول هالوقت صحيح كنت معاند نفسي ادق عليها ، بس والله في بالي كل يوم ولحظة ودقيقه .
و حبيبتي لا زم تعرفون أنها ما عطتني أساساً رقم أي وحده من صديقاتها لأنها ما تبغى أي نوع من الأحتكاك بيني و بينهم مع أنهم يعوفون علاقتها فيني و حبنا ، بس هذي هي ما تبي .

المشكله الحقيقه في الآتي:
أنا رقم جوالي مميز و تدق علي أرقام كثيرة بالغلط منها بنات يستهبلون و كان فيه رقم غريب دق علي مرة آخر الليلل ولا رديت عليه ولا فكرت و بعدها بيوم الأحد 25/6/1426 و 31/7/2005 دق علي نفس الرقم رديت عليه و طلعت لي بنت وقالت (( مياو!)) و قفلت ، أنا ما رجعت دقيت .

و مرت الأيام و جينا ليوم السبت قبل يومين الموافق 1/7/1426 و 6/8/2005 في الصباح دقّ علي هذا الرقم نفسه في الصباح و رديت عليه
سلمت علي و قالت : عرفتني .
قلت: إيه أنتي مياو
ضحكت و قالت: ما شالله ذاكرتك قويه
قلت لها : آمري
قالت: أبد أبي أتعرف
قلت لها : معليش انا أحب وحده ولو اني ما أكلمها بس ما أقدر أتعرف عليك .
قالت : وش هالحب اللي تحبه لها و لا تكلمها .
قلت : سالفه طويلة صارت بيننا للحين ما انحلّت .
قالت: ما عندك سالفه كذاب لو انك تحب صدق كان ما خليتها و لا قطعتها حتى لو هي غلطانه .

(( هنا أنا غلطت و جلست آخذ و أعطي معها بالكلام و ٍولفت معها و جاوبت على أسئلتها بكل سذاجه ، معتبر أن الموضوع كله عن خويتي لأني تأثرت يومن قالت ما عندك سالفه و حسيت بنفسي ))

شرحت لها الموضوع كله و وصفت لها مشكلتنا ، و جلست أقول لها أنه أنا ما أخطيت وهي سوّت كذا و كذا و طبعها أصلا كذا و كذا ، و كانت تسئلني أسئلة جانبيه مثلاً:

كم عمرك : و أنا أجاوبها بأي إجابه لأن الشي هذا ما يخصها و كنت معتبر الموضوع بينتهي بهالمكالمه
وين ساكن : و علمتها اسم الحي
وش اسمك و وشو اسم حبيبتك : و علمتها

(( طبعا بكل سذاجه كنت أجاوب و أنا ناسي نفسي ، على بالي أنها بتتناقش معاي و يا انها بتثبت لي أني غلطان و أرجع أنا أكلم حبيبتي أو أن على حق ))

و كانت تقول:حرام الحب اللي بينكم ، اللي يحب ما يطالع عيوب حبيبه .
و أنا أرد عليها و أناقشها و اعلمها باللي بخاطري ( خصوصا أني وحيد و أهلي مسافرين و أنا عندي دوام و ما عندي من يونسني ) .
و قالت : لازم أنك تكلمها ، لازم أنك ترسل لها ، هي صح أرسلت رسايل مو حلوه بس معناتها أنها فاكرتك و لازم أنك تكلمها .
قلت لها : ما يبقى عزة نفس كذا ، هي تطنشني و أنا أرجع أكلمها
قالت : لو أنك تحب صدق ما تفكر في عزة النفس .

المهم كلامها أثّر فيني كثير ، و قلت لها: اليوم لازم أتصرف .
قالت : أرسل لها مسج .
قلت: لا شكلي أبتصل عليها مرة وحده .
قالت :لا جرب أرسل لها رساله .
قلت لها : وش أكتب ؟
قالت : أكتب اللي في خاطرك .
قلت لها : أخاف تصدمني برد فعلها لأنها لو شالت شي بنفسها ما ترحم بكلامها.
قالت :ما عليك أنت أرسل وبس ، وإذا تبي أنا أكتب لك رساله حلوه و أرسلها لك و أنت أرسلها لها .
.قلت لها: لا ، شكرا . شكلي أبدق .
قالت : بكيفك . بس أجل دق الحين
قلت : لا الحين الصبح يمكن نايمه ولا شي ، أبدق عليها بالليل .
قالت : O.k.
و قالت : لو رجعت لها بتكلمني ؟
قلت لها : لا طبعا .
قالت : ليه لهالدرجه مخلص ؟ هذاك قاعد تكلمني .
أنا ما رديت عليها ولا ناقشتها .

مدري شسألتني و أنا الغبي كنت اجاوبها ، و بعدين سألتني مرة ثانيه : إذا رجعت لها بتكلمني ولا لا ؟
رديت و قصدي ( والللللللللللله العظييييييييم ) أبي أسكتها قلت : يصير خير ، إن شالله .

ملاحظة : هي كان نقاشها معاي غريب و هي عمرها ما يتعدى 21 .و كان باين أن البنت من اللي يلعبون واجد ، لكن أنا ما خلاني أناقشها إلا طاري حبيبتي و كلامها علي أني أنا أكذب و لا أحب صدق ، ولا هي ما هي مهتمه في الموضوع أصلاً ، بس أنا اللي كان كلامي كله على موضوع حبيبتي .

المهم شوي و قلت لها : خلاص أنا أبروح للدوام .
قالت : طيب بس علمني وش بيصير عليك .
قلت: طيب .

داومت إلين الظهر ، أثناء الدوام أرسلت لي هالبنت رساله على جوالي تقول :
(( نصيحه دق عليها الحين حتى لو هي نايمه ، عشان تعرف إذا هي بترجع تدق عليك أو لا ، رد لي مسج وش رايك ))

أنا عاد قلت بنفسي جزاها الله خير على حرصها ،( مادريت وش بيصير بعدين) .

و أرسلت لها :
(( O.k. و مشكوره على كلامك ))

و رجعت من الدوام و نمت و صحيت ، و في الليل أرسلت لي رساله هالبنت :
(( هاه وش صار ؟ ))
رديت عليها :
(( لسه ما صار ، متردد شوي ، أبتصل بعد شوي ))
و ردّت أرسلت لي:
((يالله ، و الله حرام الحب اللي بينكم ))
و بعدها بشوي أرسلت :
(( إذا صار شي علمني))

المهم أنا كنت محضر مسج عندي في الجوال مع أغنية تناسب المقام عشان أرسلها لحبيبتي .

و فجأة !!!!!!!!!!

جاتني رساله من [ حبيبتي ] في نفس هالوقت ، وكانت رساله حلوه تقول في أولها :
(( أمانه إذا شفت الرساله أبتسم ...))

أنا ماصدقت خبر و على طول أرسلت لها رساله ،
ورجعت هي أرسلت لي .
رجعت أنا أرسلت لها .
و كمان رجعت هي أرسلت لي .

وكانت الرسايل كلها تتكلم على الشوق و تحكي الحال ، في رسايلي و رسايلها ، و بعدها بساعه أو ساعه و نص أتصلت علي حبيبتي .

و كلمتها و سولفت معها و تناقشنا على اللي صار و بينت لها أني ما كان ودي أسوي اللي سويته بس هي أجبرتني على كذا ، و رسايل أول شي كانت تجيب الهم ، عشان كذا ما رديت على هالرسايل ، و تكلمنا كثير عن هالكلام ، هي اقتنعت أو ما أقتنعت ، قالت لي:
أبقفل الحين شوي و أدق عليك .

أثناء ما كنت أكلمها كانت البنت اللي دقت علي في الصباح تدق علي بس إنتظار ، طبعا توقعت أنها تبي تعرف وش صار . و أول ما قفلت من حبيبتي دقيت على هذيك البنت و قلت لها :
خلاص مشى الحال ، بس لسا ما تفاهمنا .

و في هاللحظة دقت علي حبيبتي و لقت عندي إنتظار . أنا قفلت من البنت على طوووووول ، ودقيت على حبيبتي .

-ردت و قالت :
ما شالله ، ما تقدر تصبر .
-قلت لها :
هذا واحد كان يدق علي و رجعت دقيت عليه .
-قالت :
واحد ولا وحده ؟
-قلت ( و أنا مسوي نفسي واثق ) :
لازم يعني أدق عليه و تسألينه ؟
-قالت :
قول والله أنها مو بنت .
-قلت :
لهالدرجه شاكّه فيني؟ ( و أنا ما أبي أحلف )
-قالت :
قل والله .
-أنا بصراحه حلفت أنها مو بنت و كنت أحلف على اللي بقلبي بنيه ثانيه لكن الكلام غير ، و ما أدري هالشي يجوز و لا لأ .
-و جلست هي تقول :
تحلف بربك أنها مو بنت ؟
-أقول لها :
إيه .
-و ترجع تسألني :
تحلف أنها مو بنت ؟ ( مثل اللي عارفه الموضوع كله )
-و أنا أرد :
إيه ، و إذا تبين أعطيك رقم صاحبي و دقي عليه .

اللي ما توقعته أنها طلبت رقم صاحبي و قالت : عطنياه
قلت لها:
مو لازم أتفشل .
قالت :
أصلا أنت كذاب و هذي بنت أنت تكلمها ( لحظتها كنت متأكد أنهم يعرفون بعض)
و عمرك ما حبيتني ..... الخ .

أنا ما كنت متوقع اللي بيصير هذا و لا كنت أقدر أعلمها من نفسي عن هالبنت . على العموم هي استفادت من ارتباكي ، و شدّت علي بالكلام .

-اللي سويته أنا بعد كلامها أني قلت لها :
شوفي لا تقولين هالكلام و أنا صراحه صح ما صدقتك معاك ، و راح اعلمك الحق ، بس إلا انك تقولين أني أكذب عليك ولا احبك .

-و قلت لها :
خذي هالرقم و دقي عليه .
-و عطيتها رقم البنت و قلت :
تكفين هذا رقم اللي كنت أكلمه دقي عليه و أعرفي الموضوع كللللللللله وبتعرفين صدقي .
و دقت على هالبنت من جوالها الثاني ، وأنا معها على الجوال

ردت البنت .
-سألتها :
أنتي تعرفين فلان ( عني أنا) ؟
-قالت البنت :
ايه .
-قالت حبيبتي:
وش بينك وبينه ؟
-قالت :
أنا دقيت عليه اليوم و هو عطاني وجه .
-قالت حبيبتي :
طيب وش تعرفين عني ؟
-قالت البنت :
قصت البنت القصه كلها عليها ، وقالت الحكي كللللللللللللللللللللله كل سؤال ، وكل إجابه ، بطريقة أني أنا كنت أكلمها عشان أتعرف ، و قالت أني تكلمت عليها بكلام سئ ( و البنت تقصد أني قايل عن حبيبتي أنها عنيده ) و أني أضحك وأسولف عادي و أني قلت لها حتى لو رجعت لحبيبتي أبكلمها .

المهم البنت تكلمت على أني خاااااااااين و هذا اللي وصل لحبيبتي و لا أدري كيف هالبنت طاوعها قلبها تسوي كذا ، و قالت هالبنت بعد نصيحه شيلي نفسك من هالولد ، و ما أدري وش بعد .

البنت قالت كل شي ممكن يخرب علاقنا ، و تركت تفاصيل كثيرة ممكن تخلي حبيبتي تفهم الموضوع
مثل :
أنها يوم قالت لي : أبي أتعرف ، رديت أنا و قلت : أني أحب وحده ، و هذا يبين قصدي من مكالمتها و أنه مو عشان أتعرف عليها أو أسوي معها علاقه ، و أن ما خلاني أكلمها إلا طاري حبيبتي .

سكرت منها حبيبتي ، وانهت المكالمه ، و علمتني شقالت هذيك البنت عني ، انا وقّف شعر راسي يومن سمعت الكلام ، وقعدت أقول لها أنها تكذب و انها قالت كلام و خلت كلام و أنها خلت الموضوع أني أبي أتعرف عليها ، و قعدت أترجاها تفهمني أو تصدقني ، لكن تقول لا تحلف لأنك حلفت كذب ، و أقول لها والللللللله لو أني الموضوع فيه إدانه لي ما عطيتك رقم البنت و كان عاندتك للنهايه ، لكن الكلام ما كان يفيد في هالمرحله لأنها خلااااااااص حطّت عليّ X .
(( وما أدري هالبنت ليش تبلتني ، حسبي الله عليها، أقل شئ تقول الحق كله و تشرح نيّتي في كلامي معها ))

و قلت والللللللله أني أحبك و مو قصدي أخونك ، أنا غلطت وكلمتها و غلطت و سولفت معها ، قول أنها خيانه ، بس كله مرتبط برجعتي لك ، وما كنت أتكلم إلا عنك ، و جلست أحاول أشرح لها قصدي الحقيق في الأشياء اللي قالتها البنت ، لكن ما فيه فايده .

و قالت لي لا تبرر خيانتك .

المهم خويتي ما تركتني ، و كلمتها اليوم وأمس ، لكن تكلمني و كأني واحد غير الأول ،باختصار تكلم واحد يخونها .

والبنت الثانية بعدما صار اللي صار ما أعتقد في فايده منهاها ما تقدر تصلح شي ،ولا أبي أسوي لها ، ربي بيجازيها
---------------------------
--------------------------------------------------
--------------------------------------------------

انتهى الكلام ، لكن معاناتي أبتدت ، الحين أبيكم تعلموني :

أنا خاين ولا لأ؟

وش أسوي ؟أنا أبيها ؟

وش أتصرف حتى تقتنع ؟

كيف أصلح الحال ؟

هل أشرح أسبابي و أروح عنها ؟

و لا أقعد معها بصفة الخائن إلين يوم يتغير شي ؟


أرجووووووووووووووكم لازم تجاوبون علي ، ولازم تساعدوني .
لوموني ، تكلموا علي ، سبّوني ، قولوا خاين ، قولوا أي شئ ، بس قولوا الصدق ، أبيكم تعرفون بعد أني أحبها صدق ولا قد كلمت بنت من يوم تعرفت عليها إلا هالبنت اللي سوت مصيبه .
لكن ما أقدر أتحمّل أعيش معها و هي تعاملني كخاين .
تكفون علموني وش أسوي ؟
كيف أقنعها ؟
و لا أقنع نفسي أني خاين و أنسحب ؟
أو أقوي نفسي و أقول أني ما خنت بس غلطت والغلط ممكن أسامح عليه ؟


أنا ما عدت على التفكير ، و أبي من يساعدني ، ترا أخوكم أنسدّت الدنيا بوجهه ، يا خوف ما أنتحر بكرة .
و انا ما جيتكم ذليل أشكي إلا لأني محتاج من يساعدني ، و لا أدري من أسأل .

أنا عندي أفارقها حبيبتي بأي طريقه كانت ، ولا أني أفارقها و هي تذكرني بخيانه ؟

و هي من أمس ترسل مسجات عن الخيانه و أنا قلبي مشتعل ناااااااااااار ما أدري وش أرد عليها،
حتى كلمة آسف أحسّ أنها ما تساعدني و لا فيه كلام يساعدني أكتبه لها ، ولا حتى أشعار أعرفها تبين لها أني ما نويت الخيانه يومن كلمت البنت لكن شأسوووووووووووي ؟
------------------------------------
-------------------------------------

هذا كل اللي أقدرأقوله و وأنا والله ما كذبت عليكم بكلمه ، و لا أحد يفهم غلط من كلامي ، تحملوني ، وتحملوا الكلام الكثيييييييييييييير والقلق اللي سببته لكم ، أنا أدري موضوعي غثيث لكن صدقوني ن لو ماني مضطر ما كتبته هنا و فشّلت نفسي قدامكم . و اللي يقدر يساعدني بالكلام لا يبخل عليّ ، وترا

و آخر شي كلمه للمشرفين و الأعضاء : أنا آسف ، لكن تحملوني .

(( ملاحظة أنا كتبت هالموضوع في منتدى ثاني قبل ما أشوف هالمنتدى و كتبته هنا مرة ثاني لعلي أحصل من يساعدني و يجاوب أسئلتي))

أحبها

اهلا ومرحبا بك اخوي في منتديات الحب

والله يااخي مدري شااقولك <<<< احتارت وانعفست ومدري شلون اوصفلك لكن وربي على قولة المثل (( يضرب الحب شو بيذل )) ..

قريت موضوعك كامل وراح اجاوبك لكن انت ساير قلبك والاحسن كمان تحكم عقلك ..

أنا خاين ولا لأ؟

ايوة ..

وش أسوي ؟أنا أبيها ؟

خلاص انسى انك تبيها عشانك خنت ثقتها فيك ..

وش أتصرف حتى تقتنع ؟

ماراح تقتنع <<< مدري يمكن تلين عكسها

كيف أصلح الحال ؟

اذا حابب يعني توضح الصورة فهمها بااي طريقة .. ممكن رسالة بالايميل او ع البريد او بيد شخص موثوق منه ..

هل أشرح أسبابي و أروح عنها ؟

اذا سمحت لك تكلمها اشرح لها واكيد تروح بعدها لان ثق ان لو الواحد فقد ثقته بشخص ودخلت بينهم الخيانة ماراح تكون علاقتهم قوية

و لا أقعد معها بصفة الخائن إلين يوم يتغير شي ؟

راح تتعبون ..

أرجووووووووووووووكم لازم تجاوبون علي ، ولازم تساعدوني .

والله احاول ..

يمكن لظرف مر علي وبجاوبك على اساسه ويمكن من الي اكتسبته ..

لوموني ، تكلموا علي ، سبّوني ، قولوا خاين ، قولوا أي شئ ، بس قولوا الصدق ، أبيكم تعرفون بعد أني أحبها صدق ولا قد كلمت بنت من يوم تعرفت عليها إلا هالبنت اللي سوت مصيبه .
لكن ما أقدر أتحمّل أعيش معها و هي تعاملني كخاين .

يجوز تحبها لكنك بلحظة طيش (( عفوا )) نسيت حالك وقعدت تتكلم بشغلاتكم الخاصة لوحدة غريبة ماتعرفها الا عن طريق الجوال ومن اول مرة حكيت كل شي (( وين الرجولة )) ؟؟

تكفون علموني وش أسوي ؟

حاول للمرة الاخيرة ..

كيف أقنعها ؟

ماراح تقتنع عشانك كذبت وحلفت بالله كذب

ولا أقنع نفسي أني خاين و أنسحب ؟

حل معقول

أو أقوي نفسي و أقول أني ما خنت بس غلطت والغلط ممكن أسامح عليه ؟

ماراح تنسى اهيا انها فقدت ثقتها فيك ..

ماراح تؤمنلك ..

ماراح تصدقك ..

أنا ما عدت على التفكير ، و أبي من يساعدني ، ترا أخوكم أنسدّت الدنيا بوجهه ، يا خوف ما أنتحر بكرة .
و انا ما جيتكم ذليل أشكي إلا لأني محتاج من يساعدني ، و لا أدري من أسأل .

اكبر غلط انك تفكر بالانتحار ..

استعوذ من ابليس واتوكل على ربك واترك الامور عليه لو ماوصلت لحل معها ..

أنا عندي أفارقها حبيبتي بأي طريقه كانت ، ولا أني أفارقها و هي تذكرني بخيانه ؟

شي وصار .. مايفيد الندم ..

و هي من أمس ترسل مسجات عن الخيانه و أنا قلبي مشتعل ناااااااااااار ما أدري وش أرد عليها،
حتى كلمة آسف أحسّ أنها ما تساعدني و لا فيه كلام يساعدني أكتبه لها ، ولا حتى أشعار أعرفها تبين لها أني ما نويت الخيانه يومن كلمت البنت لكن شأسوووووووووووي ؟

ارمي حمولك على ربك ..

هذا كل اللي أقدرأقوله و وأنا والله ما كذبت عليكم بكلمه ، و لا أحد يفهم غلط من كلامي ، تحملوني ، وتحملوا الكلام الكثيييييييييييييير والقلق اللي سببته لكم ، أنا أدري موضوعي غثيث لكن صدقوني ن لو ماني مضطر ما كتبته هنا و فشّلت نفسي قدامكم . و اللي يقدر يساعدني بالكلام لا يبخل عليّ ، وترا

لا يااخي لاغثيث ولاشي .. عادي كلنا نطيح بمواقف ومشاكل ونحتاج نتكلم ونفضفض عن حالنا ويمكن نبي نصيحة او زجهة نظر او او او .. الله يعين

و آخر شي كلمه للمشرفين و الأعضاء : أنا آسف ، لكن تحملوني .

ع العين والراس ..

الله يعينك ويصبرك ..

أشكرك على ردّك و صراحتك ، و حقيقه انا مقدّر جهدك صراحه ، و مستحي منك .

بس أبسألك سؤال :
لو قلت لك أن حبيبتي هي اللي أرسلت هالبنت ، وش بيتغير بالموضوع ؟
و لا هيّا هيّا ؟

لأني ماني متخيل الموضوع كذا صدفه ، و أنا نفسي ما أتوقع لكن لي صديق علمته بسالفتي و أزعجني من كثر ما يحاول يقنعني أنها هي مرسله البنت عليّ .


عموما أنا شاكر لك و مقدر تعبك معاي .

أحبها

يسعد صباحك اخوي ..

مافي داعي للشكر ..

كلنا هني اخوة وحياك بااي وقت ..

ولاتستحي .. عادي كلنا نمر بهالموقف ونحتاج معين ..

بس أبسألك سؤال :
لو قلت لك أن حبيبتي هي اللي أرسلت هالبنت ، وش بيتغير بالموضوع ؟

لو اهيا الي ارسلت البنت فهذا معناته انها تبي تجربك وتشوف مدى ثقتها فيك و بصدقك او علاقتك فيها ويمكن تبي تعرف وش وجهة نظرك منها (( بكل سلبياتها وايجابياتها )) ..

الي يتغير بالموضوع انك ممكن تقلها (( عيب )) انها تشكك فيك وتحاول تخلي شخص ثالث يدخل مابينكم حتى لو كانت نيتها طيبة بس هالحركة ماهي بحلوة وكمان انقلبت ضدكم عشان البنت الي تدخلت ماكانت عون بالعكس صارتلك فرعون وبدل ماتساعدك مع حبيبتك استغلت ضعفك والحالة الي كنت فيها ودبست كل شي ضدك (( يعني طلعت انت الغلطاااااااااااااااااان )) ..

و لا هيّا هيّا ؟

حبيبتك اذا ظلت متمسكة برايها وماتبي تتراجع حتى لو اهيا الي ارسلت البنت فهذا معناته انها ماتبي تكمل معك وتحاول تنهي هالعلاقة بصورة ماتجرحك وتكون انت سبب هالفرقا ..

لكن لو حاولت معها و بينت لها الحقيقة وخليتها تعرف انها غلطت بهالحركة فيجوز تلين معك و تعتذر وتعرف غلطها ويمكن تبينلك الاسباب الي خلتها تسوي جذي ..

هذا الي قدرت اتوصله والله اعلم ..

و الله مدري شقول لك ،، أحسّ من حيرتي و ضيقة صدري أني أبخرب الموضوع زياده معها لو تناقشت معها ،،
أحسّ مالي وجه لو أبكلمها ،،

يعني شقولها؟
- سامحيني عشاني خنتك ....
ولا
- سامحيني عشان غلطت وكلمتها بوقتها يومنها تكلمت عنّك و حرّصتني أكلمك و لاّ أنا مانويتها خيانه ؟

(( ملاحظة : طبعا هي ما قالت أنها مرسلة البنت و لا أنا قلت لها هالشي ، و أنا ما أعتقد لأنه مو من طبعها ، و لكن صاحبي يأكد عليّ انها هي مرسلتها و ما تبي تقول لي والله أعلم ))


أبسألك :

-صح هم يقولون : ((العاشق يخطي مرة)) ولاّ لأ ؟

- هل لي حقّ أطلب منها أنها تسامحني [إذا هي تحبّني بصدق ] ولاّ مو من حقّي ؟

- أو تنسى اللي سويته معها [ كمان إذا هي تحبني بصدق ] أو لأ ؟

- عند الناس اللي يحبون لو خان أحد فيهم الثاني ممكن يكمّلون مع بعض و ينسون إذا الثاني سامح ، ولاّ هاذي ما قد صارت ؟ يعني شي نادر و لاّ موجود ؟

- طيب أناقشاها في المواضوع هذا بشكل عام ألحين ؟ ولا أخليه بعد فتره ؟ مدري و شو أحسن ؟
أخاف أخليه بعدين يبرد الموضوع عندها . و أخاف أتكلم ألحين تحاول تتجنّب الكلام ( حتى تبين لي كبر غلطي).

- سؤال أخير و يهمني كثيييييييييييير :
كيف أحسسها أني مهتم ألحين ؟ كيف أبين لها أني ندمان ؟ و كيف أخليها تتفهم أني فعلا ما نويت الخيانه لكن زلّ لساني وحكيت ؟ وشو بظنك عندي من وسائل أقدر أسويها ألحين حتى أصلح حالي ؟
معلومه:(( هي للحين ما رجعت من السفر، بس تقدر تكلمني جوال))


أنا مدري شقولك ؛ يكفي أنه ما أحد ردّ علي إلا أنتي ، و هذا شي يعني لي كثيييييير . و تعبك معاي بالكلام و الشور ، كني أخو صغير قاعده تنصحيني ، و أسئلتي اللي ما تخلص ...

واللللللله ما قصرتي ، وإن شالله ما تشوفين لا همّ ولا حزن ....

حيا الله الاخ // أحبها

شلونك اخوي ؟؟

طمنا عنك ..

و الله مدري شقول لك ،، أحسّ من حيرتي و ضيقة صدري أني أبخرب الموضوع زياده معها لو تناقشت معها ،،
أحسّ مالي وجه لو أبكلمها ،،

هدي حالك .. ومثل ماقتلك ارمي حمولك على رب اسمه الكريم .. وحاول تاخذ كل شي بالسياسة وبهدوء و بنقاش وان شاء الله ينحل امرك اذا به صالح ..

يعني شقولها؟
- سامحيني عشاني خنتك ....
ولا
- سامحيني عشان غلطت وكلمتها بوقتها يومنها تكلمت عنّك و حرّصتني أكلمك و لاّ أنا مانويتها خيانه ؟

اذا شفت من ناحيتها لين واذن تسمع و قلب هاوي ماراح تفرق وش تقول (( فيك تقول الي بخاطرك عشان تكسبها من جديد )) طبعا هالشي يتغير على حسب الى اي مدى توصلت معها في حل هالموضوع ..

(( ملاحظة : طبعا هي ما قالت أنها مرسلة البنت و لا أنا قلت لها هالشي ، و أنا ما أعتقد لأنه مو من طبعها ، و لكن صاحبي يأكد عليّ انها هي مرسلتها و ما تبي تقول لي والله أعلم ))

شي جائز انها تكون من طرفها عشان تجربك مثل ماقلت سابق لكن الله اعلم كمان يمكن تكون بريئة من هالشي لكن انت حاول تعرف عشان يكون لك ورقة تقدر تلعب فيها <<<< دخلت في سياسة خارجية خخخخ لا امزح بس عشان لاتحط كل اللوم عليك وتقول عنك خاين وانت بذيج الساعة تقدر تقول لها انتي حركتج ماكانت حلوة وانا كنت عارف انها من طرفج وعشان كذا تكلمت بذي الطريقة عشان اشوفها شتوصلك من كلام (( يعني بااسلوبك طبعا وعشان تكسب شي لصالحك ))

-صح هم يقولون : ((العاشق يخطي مرة)) ولاّ لأ ؟

مب العاشق بس .. شوف يااخي حنا بشر وبطبعنا خطائين يعني لاتعاتب حالك وهالشي صار بلحظة ضعف منك ..

- هل لي حقّ أطلب منها أنها تسامحني [إذا هي تحبّني بصدق ] ولاّ مو من حقّي ؟

اكيد من حقك ..

كلنا نخطي وهذا مو معناته انو من خطا واحد ننهي علاقتنا بالعكس المقابل لازم يعطي فرصة ويجربك بالاحسن وان شاء الله تكون قدها هالمرة .. لكن هالشي يتبع كل بنت وتفكيرها ونوعية الخلاف ..

- أو تنسى اللي سويته معها [ كمان إذا هي تحبني بصدق ] أو لأ ؟

هذا يرجع لمدى قوة علاقتكم ..

- عند الناس اللي يحبون لو خان أحد فيهم الثاني ممكن يكمّلون مع بعض و ينسون إذا الثاني سامح ، ولاّ هاذي ما قد صارت ؟ يعني شي نادر و لاّ موجود ؟

لا موجود ..

وانا اعرف ناس مقربين لي حصل معهم هالشي و حاولوا من جديد وكسبوا بعض والحين هم في قمة سعادتهم (( الله يهنيهم )) لكن مو معه الكل .. يعني هالشي تابع اذا الشخص المقابل سموح و قلبه طيب ولا يقسى ويتصلب ..

- طيب أناقشاها في المواضوع هذا بشكل عام ألحين ؟ ولا أخليه بعد فتره ؟ مدري و شو أحسن ؟
أخاف أخليه بعدين يبرد الموضوع عندها . و أخاف أتكلم ألحين تحاول تتجنّب الكلام ( حتى تبين لي كبر غلطي).

انت كيف شايف ؟؟

اذا عندك القابلية ومستعد اتوكل ع الله واذا حاسس ماراح تجيب نتيجة اتركها فترة لحد ماتعيد حسابها و بلكي ربي يحنن قلبها (( اسال قلبك بكل الاحوال )) ..

- سؤال أخير و يهمني كثيييييييييييير :
كيف أحسسها أني مهتم ألحين ؟

تحسسها انك مهتم من خلال صدقك و رجولتك وشهامتك (( يعني حسسها انك سند وانسان تقدر تعتمد عليه بكل شي وان هالموقف حصل من خوفك انك تخسرها وتوقعت ان هالبنت حتكون فاعل خير بس للاسف طلعت سوسة (19) <<< متغاضة منها وحسسها انك لسه حبيبها الامين عليها وعلى كرامتها ومالخ .. انت اعرف (38) ))

كيف أبين لها أني ندمان ؟

بكلمة اسف .. لانها تعني وايد و كون قدها وانت تقولها يعني مب لمجرد انك تبيها ترجع وانما اخذ هالشي درس لك تستفيد منه في مستقبلك ..

و كيف أخليها تتفهم أني فعلا ما نويت الخيانه لكن زلّ لساني وحكيت ؟

كلمه بصدق وعفوية .. اثبت لها حسن نيتك والباقي اتركه على ربك اذا صدقت خيرا على خير اذا ماصدقت فالله يعينك ..

وشو بظنك عندي من وسائل أقدر أسويها ألحين حتى أصلح حالي ؟

لاتضعف مرة ثانية لاي سبب من الاسباب و تكشف شي خاص بينك وبين حبيبتك ..

حسس حالك بقيمتك كرجل و لاتحس بالهزيمة لمجرد انها تحاول تبتعد عنك ..

اثبت لها لو تقدر تشوفها انك مثل ماعهدتك الانسان الشهم الي حبها وخاف عليها ويتمناها لكن هالشي صار بدون وعي وادراك منه لنهايته الي كانت ضدك ..

واتوكل على (( الله )) بااول واخر كل خطوة ..

معلومه:(( هي للحين ما رجعت من السفر، بس تقدر تكلمني جوال))

عال .. انت فيك يااما تتصل عليها او تنطرها لين ترجع ..

حسب رغبتك يااخي ..

أنا مدري شقولك ؛ يكفي أنه ما أحد ردّ علي إلا أنتي ، و هذا شي يعني لي كثيييييير . و تعبك معاي بالكلام و الشور ، كني أخو صغير قاعده تنصحيني ، و أسئلتي اللي ما تخلص ...

واللللللله ما قصرتي ، وإن شالله ما تشوفين لا همّ ولا حزن ....

وانا اتشرف وياريت تقدر توصل لنتيجة تفرحنا بالاخر وعسى الله يهدي سركم يارب .. ع الاقل يااخي اذا <<< هيا فشلت خلي غيري يفلح ويعيش مرتاح ومبسوط .. وانا برسم الخدمة بااي وقت .. واعذر البقية لانهم ماردوا عليك بس يجوز يتحفظون ان هالشي خصوصي ومحد يقدر او حلو انه يتدخل بس انا مااقدر (42) لازم استكشف واذا اقدر ليه ابخل لكن ارجع واقول حكم عقلك وبعدين قلبك والله ومحمد وعلي وياك ..

أول شي أحيي فيك أريحيتك ، و سعة صدرك ، و قليله في حقك لو أقول شكراً ، لكن أعذري اللي خانته أقداره على قولتهم .
و إذا تسألين عن أحوالي فأنا عايش ، لكن بدونها أحس أني مو عايش ( لا تسألين شلون !)


** تعليقات على كلامك :

- كلامك جدا يساعدني على التفكير ، ساعات أقول هذي بديهيات لازم أصير مفتكرها ، لكن أنا ويني وين التفكير و و أنا بهالحاله ...

- عارفه ليش قلت لك أكلمها ألحين ولا بعدين ...الخ ، لأن حبيبتي من الناس اللي ما يطيقون النقاش ابدا إذا كان على شي فات ، و في نفس الوقت انفعاليه جدا إذا كانت متوتره أو الموضوع يثيرها ، و مثل هالموضوع حساس ، و فعلا يحتاج أني أدرس وقت الكلام .

** ألحين حالي معها اكلمها أسولف معها ، وهي تكلمني عااااااااااادي ببرود معقول ، بس ما فيه أي طاري غير السوالف ، و أنا ما قويت أفتح معاها موضوع في هالوقت ، لكني أحاول أرسل لها مسجات فيها أني أخطيت و أني اطلب العذر ( و هيك شغلات ) ..

**جاوبيني :
- أنا أقول في نفسي ، أنها لو حسبتها خيانه كان تركتني ، صح ؟
أجل ليش هيا تكلمني للحين ؟
يعني هي تبي تشوف أصلح غلطتي ولا لأ ؟
و لا أيش يعني ؟
تصدقين احس اني ولا شي ، إذا فكرت هالتفكير ، كونها ما تخلّت عني على طول ...
(( بس صاحبي يقول أنها ما طاوعها قلبها تنهي العلاقه لأنها عارفه [من اللي مرسلتها طبعا ] أني ما خنتها بمعنى الخيانه لكني غلطت غلطه كبييييييره ؛ حسب كلامه ))
ودّي أعرف رايك ، من فضلك ...


شي واحد أتمناه أنا الحين :
(((((( أني أفهّمها أنو أنا والللللللله ما خنتها و لا بغيت أخونها ، و ودّي أفهّمها اني غلطت و أعرف كبر ذنبي ، صح أنا كلمت ذيك البنت بس ما خنت و أنه صدق كان دورها بينتهي إذا رديت لحبيبتي ،، هذا لو أنها ما درت بذيك الليله أني كلمت ذيك البنت ،،،،،،،،،،،، لكن شللللللللللللللللللون ؟ ))))))))


ما قول إلا الله يسهل علي ،،،

تصبحين على خير ، و دمتي بخير ؛ لأهلك و ناسك و حبايبك

أحبها

صباحك عطر بذكر الله

.
.

اعتذر والله لاني سهيت عنك كم يوم لكني انشغلت بالاقسام الباقية ..

ويارب اقدر اساعدك بالاجوبة ..

وبعدين لاترجع تتشكرني لاني ماسويت شي ..

.
.

- أنا أقول في نفسي ، أنها لو حسبتها خيانه كان تركتني ، صح ؟

يمكن يومكن لا ..

اوضحلك ليه يمكن لا .. يمكن اهيا تغليك وايد واتعودت عليك فلما خسرتك كحبيب بدل ماتخسرك للابد ممكن تكسبك كصديق او اخ (( تصرفها يقول كذا )) ..

أجل ليش هيا تكلمني للحين ؟

الله اعلم والله .. مااقدر احكم ع البنت من غير مااعرف ظروفها وطريقة تفكيرها .. يمكن ماتقدر تفقدك للابد ..

يعني هي تبي تشوف أصلح غلطتي ولا لأ ؟

يمكن ..

و لا أيش يعني ؟

<<<< تقولك اسالتك صعبين وشكلها ماتقدر تجاوب عليهم ..

يااخي انا لو اعرف كيف تفكيرها كنت كلمتك نيابة عنها لاني اخاف اجاوبك الحين من حالي وهذي حتكون طريقة تفكيري انا (( يعني البنت تنظلم (53) ))

تصدقين احس اني ولا شي ، إذا فكرت هالتفكير ، كونها ما تخلّت عني على طول ...

لاتقول كذا ..

وين ايمانك بنفسك ؟؟

خليك متماسك ولاتهزك هالمشكلة لانك لسه بااول طريقك يعني حتشوف اكثر مستقبلا لكن ان شاء الله كل الي تشوفه خير وسعادة يارب ..

وشغلة انها ماتخلت عنك اكيد اهيا بس الي عارفة الجواب ..

(( بس صاحبي يقول أنها ما طاوعها قلبها تنهي العلاقه لأنها عارفه [من اللي مرسلتها طبعا ] أني ما خنتها بمعنى الخيانه لكني غلطت غلطه كبييييييره ؛ حسب كلامه ))
ودّي أعرف رايك ، من فضلك ...

جائز والله ..

تفكير معقول ..

ويجوز اهيا نفسها مب عارفة تعترف عشان لاتفشل حالها او تصغر في عينك وتحاول تمشي الامور بمزاجها وببرود بس عشان تحسسك بغلطتك او العكس ..

شي واحد أتمناه أنا الحين :
(((((( أني أفهّمها أنو أنا والللللللله ما خنتها و لا بغيت أخونها ، و ودّي أفهّمها اني غلطت و أعرف كبر ذنبي ، صح أنا كلمت ذيك البنت بس ما خنت و أنه صدق كان دورها بينتهي إذا رديت لحبيبتي ،، هذا لو أنها ما درت بذيك الليله أني كلمت ذيك البنت ،،،،،،،،،،،، لكن شللللللللللللللللللون ؟ ))))))))

بالاول لازم تعرف الصدق من الجذب ..

والخاين من المظلوم ..

مايمكن تكون انت ضحيتهم (118) فاانت ابتدي من الصفر وطول بالك عليها لحد ماتعرف قرارها وشو تفكر به وليه صار كل هذا وياهل ترى لها يد فيه ؟؟

فيه وايد خطوات لكن ابتدي بوحده وحده ..

ما قول إلا الله يسهل علي ،،،

امين يارب ..

ويسهل على كل امة محمد ..

.
.

الله وياك

السلام عليكم ورحمة الله وبركاته

أخي أحبها الله يكون بعونك

بس إسمحلي في التعليق على موضوعك بسكل جدي وصريح

أنا خاين ولا لأ؟
إنت خاين لنفسك ولكرامتها

وش أسوي ؟أنا أبيها ؟
مايبي لها حكي إسحب نفسك من هالشبكة المتآمرة عليك وخل عندي دم ولو شوي تواجه به نفسك

وش أتصرف حتى تقتنع ؟
إجمع قبيلتك ورح لم قبيلتها وخلهم يعتذرون منهم ولاتنسى تخليهم يرمون عقلهم

كيف أصلح الحال ؟
عشان تصلح الحال وتذكر من ترك شيئا لله عوضه الله خيراً منه وادع ربك ينسيك إياها لأنها ماتستاهلك والله بيطمن قلبك وبيعوضك وحدة تنسيك الدنيا ومافيها

هل أشرح أسبابي و أروح عنها ؟
شف نصيحتي لك تدخل على الرسايل وتمسح جميع الرسايل التي تدل عليها وإدخل على الأسماء وإمسح جميع الأرقام المتعلقة بها

و لا أقعد معها بصفة الخائن إلين يوم يتغير شي ؟
شف أخوي أنا عارف إنك تحبها وتموت فيها
بس ياخاي إفهم هي ماتحبك ولاتبيك
وتحاول تلقى عذر عشان تبتعد عنك
وعلى فكره خبرتي تقولك إن اللي دقت عليك وعطيتها مشكلتك هي مرسلتها لك عشان تلقى عذر عليك
يعني {شبكة تآمرت عشان تبتعد عنها وتذلك أكثر وأكثر}

أرجو المعذره أخي بس صدقني أنا مقهور من اللي صاير لك

وتحياتي وإحترامي للجميع
{شــــــاكأن}

والله أنت ما عندك لعب ، شغلك حامي ...

لا و دخلت فيها قبائل بعد ، الله يستر ما تجي قوات الطوارئ بعد ...

أنا شاكر لك تعليقك القوي في معناه ، و لكن ما أقدر أكون كذا ، و الناس يختلفون ، و أنا أخطيت ما أنكر لكن ما خنت ولا نويت خيانه .

وأن
كنت أنا خنت و سليت مع البنت السوية بالسوالف فقلبي ما خان و لا كنت بكلمها لو رجع لها ، هذي نيتي و حقيقتي .............. لكن كيف بتصدقني الحين بعد ما السوسة قالت لها كل شئ شين ممكن يخرب علاقتننا
وأن
.و غير كذا يمكن هي مرسلتها و بيني و بيني أنا أفضل أصير غبي ما أدري ولا أعرف أنها مرسلتها ..

عموما شكرا مرة أخرى ، و دمت بخير