المساعد الشخصي الرقمي

مشاهدة النسخة كاملة : عرس دحيم وحصيصه قصه تموت من الضحك

{}{}المميز{}{}
06-14-2005, 06:01 AM
ابقول لكم وش صار في ليلة عرس دحيم

المواصفات

الاسم / دحيم الدلخ

العمر / منولد في سنة الطفره

الشكل / قزم ودب واقرع و وجهه كله خدود ومافيه عيون

باختصار يحوم الكبد

الولد دحيم داشر 24 سااعه مشاكل وتفحيط وخرابيط و هجوله

المهم ابوه قرر انه يزوجه يمكن يعقل الولد !!!!

ويقوم يخطب له ابوه بنت عمه حصه !!!

عاد حصه خبله مثله

المهم يوم جاء العرس ولا دحيم طالع مع اخوياه للثمامه يطعسون

وابوه يدق عليه

الاب: الووو دحيم وينك؟

دحيم : هلا والله طالع مع الشباب لثمامه

!!! الاب: جعل تطلع روحك بلا تعال اليوم عرسك


دحيم : طيب العرس في اليل يمديني ارجع المغرب

الاب: اقول امش جعلي امشي العصى على ظهرك

دحيم : طيب خلاص جاي

ويقفل التلفون

المهم ويجي دحيم ويلبسونه الخبل ناوي يروح بقميص نوم وطاقيه

المهم ويمسكونه اخوانه ويلبسونه ويودونه للقصر

>>>>>>> دحيم الا الحين ما يدري وش السالفه يبي يخلص بسرعه عشان يلحق على العيال في الاستراحه يلعب بلوت

ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي ( والله منسم مررره)

ويلقطه اخوه ويجلسه على الكرسي

ويجونه الناس يسلمون

المعازيم : مبرووك منك المال ومنها العيال

دحيم : هلا ايه طيب يكون خير والله ما عندي ولا ريال

( قايل لكم مهوب وجه زواج)

المهم ويدخلونه على الحريم

يوم دخل

(وهو الي يفتح كشرته ( ابتسامه عريضه
ويناظر في ذا البنيات

المهم يوم طقو الطقاقات الا وهو يطمر ويرقص سامري

ويسحبه ابوه ويقول اركد لا تفشلنا!!!!

المهم ويجلسه على الكرسي

وتجي وحده ترقص عنده وهو الي يضحك عليها ويقول اوووووه ما تعرفين ترقصين يا الدبه


وانواع الاستهبال المشكله الي ترقص امه مسيكينه تبي تفرح به ما درت انه ما يستاهل

المهم ويقومون البنيات يرقصون عنده وهو يناظر يقول صح يا الرقص مهوب رقص العيال في الاستراحه امحق رقصصص ؟

الا وابوه يصفقه على جبهته

دحيم : طيب خلاص انطم

المهم يوم خلصوا وهو ياخذ العروس ويركبون السياره

المهم ما درا الا تقوم حصيصه وتقول ما بغينا نطلع اقول ما عندك شريط كسراات ( شعبي) بشير شنان يعني؟

ملينا من ذا الطقاقات ازعجوني

الا وهو ينبسط على حرمته خبله مثله

المهم وتقول له

حصيصه : دحيم ابسالك سؤال؟

!!! دحيم: اسالي

حصيصه : انت الحين تعرف تفحط ؟؟؟

(دحيم : اكيد انا احسن واحد يفحط ( مسوي فنان عندها وهو ما عنده ما عند جدتي

حصيصه : والله ورني ابي اشوفك تفحط

(دحيم ( توهق

(دحيم : خليها بعدين موب اليوم ( يبي يصرف

حصيصه : افا شكلك ما تعرف هههههههههههاي

دحيم : اوريك من الي ما يعرف

وهو الي يلف هذيك الفه وطراااااخ في الماصوره على طول

والحين حصيصه ودحيم في الشميسي الدور الاول غرفه 123

قسم الكسور

الزياره من 9 الى 12 ظهرا و 5 الى 9 مساء


ان شاء الله تهنيتوا بالعرس ؟
{}{}المميز{}{}
06-15-2005, 06:11 PM
افاااااااااااااااااااااااااااااااااااااا وين الردوود يااهوووه


(x10x)
جــjrooh ــروح
06-15-2005, 08:29 PM
أخووووووووي الممـــــــــــــيز

فعلا قصه تموت من الضحك

ههههههههههاااااااااااااااااااااااااي

إنبسطت عليها يعطيك ألف عافيه والله يوسع صدرك مثل ماوسعت صدورنا

أختك
جروووووووح
العالمي
06-15-2005, 09:36 PM
حلوووووووووووووه وانت احلا يامميز لك خالص تحياتي


بانتضارجديدك
{}{}المميز{}{}
06-16-2005, 01:15 AM
:RiRi-h19:

الله يعافي الجميع

اخوكم {}{} المميز {}{}
أمل القصيم
06-16-2005, 01:32 AM
يوه طويله ابي امخمخ عليها بعدين ارد

بس مشكوووور اخوي المميز

لي باك

سلا11111م
{}{}المميز{}{}
06-16-2005, 02:22 AM
(126)

ههههههههههههههههههههههههه

من كثر اكلك للكليجاء ماتمخمخين بسرعه لله يعينك اجل

علي العموم مشكوره علي الرد ويعطيك العافيه
ibr1811
06-16-2005, 03:32 PM
اخي المميز

قصة رائعة ومضحكه

تسلم يا غالي ههههههههههههههههههههههههههههههههه
{}{}المميز{}{}
06-17-2005, 06:44 PM
حياك الله يا اخوي ابراهيم

شكرا علي مرورك لموضوعي


وثانيا شكرا لردودك


يعطيك الف الف عااافيه
شوماخر
06-17-2005, 10:25 PM
لووووووووووووووول منسدح جنب الفاره من الضحك بس الله يسعدهم فعيشتهم الي مدري كيف بتكون
على العموم مشكووووووووووووووور على الموضوع والله حلو وانت احلى اكيد ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه
{}{}المميز{}{}
06-18-2005, 10:24 PM
:RiRi-h8:


:RiRi-h12:


هههههههههههههههههههههههههههههه


مشكور علي مرورك علي موضوعي

ويعطيك العافيه علي ردك ؟
هبه
06-19-2005, 07:19 PM
السلام عليكم ورحمة الله وبركاته
اخوي مميز انت اسم على مسمى....
وهالعرس المنقول بقلمك كان احلى عرس بشاهدو بحياتي....
الله يهنيهم يا رب ويبعد عنا عرسان متل هيك..
ههههههههه
يعطيك الف عافيه.
{}{}المميز{}{}
06-24-2005, 07:33 AM
:RiRi-h1:

:RiRi-h8: :RiRi-h12:


اختي الغاليه هبه تسلمين علي ماقلتيه وهذا اذا دل يدل علي ذوقك ياقلبي


ويعطيك العافيه علي مورك لموضوعي

تقبلي تحيات اخوك

{}{} الــمــمــيــز {}{}
سحر العذارى
06-24-2005, 10:49 PM
ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه ههههههههههههههههههههههههههههههههه

الله يرجك وربي مت من الضحك حتى راسي صدع
يعطيك العافية أخوي المميز لاتحرمينا وجودك


مع محبتي
النـــــــــــار
عندل
06-25-2005, 12:48 AM
شكراً لك اخي الكريم كيف الحال إن شاء الله دوم بخير ؟ ألف مبروك .. الحمدلله والصلاة والسلام على رسول الله وعلى آله وصحبه أجمعين ههههههههههههههههههههههههههههههههه بسم الله الرحمن الرحيم وعليكم السلام ورحمة الله وبركاته السلام عليكم ورحمة الله وبركاته

أنا ولد عم دحيم
ههههههههههههههههههههههههههههههههه ههههههههههههههههههههههههههههههههه
{}{}المميز{}{}
07-06-2005, 09:20 PM
:riri-t8:

alnar & عندل


يعطيكم الف الف الف عافيه علي مروركم وكذالك علي تعليقكم واشكركم جزيل الشكر والتقدير

تقبلوا تحياتي
moad
07-09-2005, 08:33 PM
مشكور اخوي ويعطيك الف عافيه

كل الود معاذ
هاجس الشمال
07-14-2005, 11:56 PM
هههههههههههههههههههه
ههههههههههههه
هههههههه

تسلم اخوى المميز على الاستراحه الحلوه مع دحيم


تحياتي لك