عاءلة الحاج متولي
يالفاتج قطار الشوق لا تبجين اضحكي وخلي كل همومج تولي

يظل زاهر ربيع العمر للخمسين اذكري الله يا حلوة وعالنبي صلي

وصيري هلال عيد وانت تغنين وظلي نجمة وبالسما علي

وعالمقسوم اصبري وبالج تايسين لابد يدق بابج حجي متولي

ومثل نور الشريف ان شاء الله تلقين تاجر بالقماش وكصي وفصلي

ولشيخة صباح اياج و تروحين تكتبلج حجاب ومدري شتخلي

شفتيها امينة شلون عندها اخلاق ترحب باليجي ويروح وتهلي

تبنت سعيد وربته زغيرون تطبخ للاولاد وتشوي وتكلي

ومديحة شقد نظيفة ودوم تلبس شيك حبابة ونظيفة وحلوة وتسلي

وشفتي نعمة الله من تهز متون وللحجي تظل ترقص مثل نيلي

والفت باعت الحب بالطمع والمال وتاليها يطلقها الحج متولي