السلام عليكم ورحمة الله وبركاته

فيه اثنين شبااب راحوا على البحر يقعدون على الشاطئ ومعاهم عشاهم .
وهم قاعدين يتعشون جتهم عجوز كبيره في السن وقعدت تلقط الأكل المنثور
على الارض وتأكل. ولما شافوها قاموا لها وقالوا لها انتي جوعانه؟ قالت
أنه هني من الصبح وماأكلت شئ . جابني ولدي من الصبح وراح وخلاني وقالي
راح أجي آخذك بعد شوي.المهم جابوا لها عشاء وتعشت . وبعد ما تأخر
الوقت شالوا أغراضهم وحسوا الشباب إن الوقت متأخر والجو بدا يبرد
ومايصير يتركون العجوز على الشاطئ بروحها في الليل وجاء واحد من
الشباب وقال لها عندك رقم ولدك نتصل عليه نخليه يجي ياخذك . قالت
العجوز إيه عندي الرقم في ورقه . ولما طلعت الورقه . شنو تتوقعون مكتوب
فيها ؟؟؟؟؟ مكتوب( من يجد هذه المرأه يآخذها لدار العجزه ) انصعقوا
الشباب من المكتوب في الورقه وقعدوا ساعه يترجون العجوز تمشي معاهم .
ويحاولون فيها أنها تمشي أي مكان تبيه هي يودونه عليه . العجوز
رفضت أنها تروح معاهم لأن ولدها وعدها إنه يجي يآخذها وتبي تنتظره لما
يجي.وكانت تقول ولدي راح يجي يآخذني وأنا راح انتظره . ماتدري
المسكينه إن ولدها تنكر لها ورماها في الوقت الي هي فيه محتاجه له .
المهم راحوا الشباب
عنها وأتركوها على أمل إن ولدها راح يجي يآخذها حسب وعده لها. فيه
واحد من الشباب قعد يتقلب في الفراش وماقدر يرقد يفكر في مصير العجوز
المسكينه وقام من فراشه وغيره ملابسه وركب سيارته وراح للشاطئ . ولما
وصل . شاف الاسعاف والشرطه والناس مجتمعين ودخل بينهم شاف العجوز قد
فارقت الحياه ولما سألهم عن سبب وفاة العجوز قالو له أرتفع معاها الضغط
وماتت . ماتت من خوفها على ولدها يمكن يكون صار له شئ . ماتت وهي
تنتظر ولدها يجي يآخذها . ماتت وهي بعيده عن أهلها . الله يرحمها
برحمته ويدخلها من أوسع ابواب جنته .أدعوا معي آمييين.

اااااااااااااااااااااااااااااااااااااااااااااااااا اااااااااااااااااامين

ولا تقل لهما اف ولا تنهرهما))

الله كبير

هذا شي معروف مثل ماسوى معه امه


راح يسوون فيه اعياله نفس الحركه

قصه جدا حزينه ومبكيه.فهل يعقل وجود اناس بهذه القسوه!!!!!
الغرباء تعاطفوا مع العجوز اكثر من ابنها ...
"الله ما بنسى حدا كل واحد بيجي يومو"
مشكوره سكون الليل.

الله يهدي الجميع يا رب

مشكورررين على مشاركاتكم حبايب
و انتمنى انو مافي شخص يعامل امه مثل
ما عامل امه هذا الشخص