جرروح والسياحه الخارجيه

عندما تشرق الانهار , وتزهر الكواكب , ويتساقط القمر , وتمطر الاشجار , وتهبّ الشمس .... لنا موعد مع اشراقة امسٍ جديد , نتذكر فيه مستقبلنا الماضي , وماضينا الـ إل بي سي !


مرّه كنت بالمبطخ واهلي مسافرين يعني اللي اطبخ وانفخ ... كنت جالس اقشر بصل وماعندي سفره اضطريت احط جريده عشان ما اوصخ الارض !!
وانا مندمج مع ريحة البصل والعيون تهل الدموع والخشم برضه يصب وصرت اصبصب مع كل محل من تأثير الريحه طاحت عيني على دعايه بالجريده مكتوب فيها (( الهند سياحه بلا حدود ))

احترت معقول الهند تكون أول دوله تتشرف بوطأة قدمي عليها ؟ << ياشين الثقه(42)

قلت بيني وبين نفسي الهند دوله عريقه وحضاره قديمه وتعتبر قاره بحكم انها تجمع جميع اللغات والديانات وانا من النوع اللي احب استكشف واغامر ...

رحت وقصيت تذاكر للهند واشتريت آخر ماتوصلت اليه التكنلوجيا من كريمات الشعر مع اني شعري مايتحرك لو اطلع راسي من طياره (( فلافل ))
فرقت راسي فرقتين وصار يلمع واشتريت ملابس هنديه عشان مايدرون اني سعودي ويستغلوني لانهم على بالهم اي سعودي كاش ومايدرون ان مخباتي فيها سبعه ريال ونص (( كانت معي عشره واشتريت بريالين مشط وريال بيبسي ونص اشتريت فيها علوك )) (42)

وانا اقص تذاكر لقيت صديقي المفضل سلومي البطه قلت تخاويني الهند ؟؟ قال قدّام وش ورانا << ياشين الفراغ
المهم انا درج وصديقي كمدينه يعني كلنا دلووخ متجمعه والله يعين الدوله الي بتضفنا ...... القطه كانت من 1000 ريال <<=--------حدّك الرياض(42)

حنا نسمع انها دوله رخيصه قلنا بتكفينا الفلوس وعلى هالمبدأ سافرنا للهند ويوم طبينا مطار نيو دلهي حنيت لشوارع البطحاء وقلت هذا فرع البطحاء بالهند واشوف العالم تسولف وانا وخويي مبققين عيوننا وماندري وش السالفه .... يعني لا لغه ولا فلوس .... ركبنا تكسي والحمد لله الهندي سواق التكسي اشتغل بالرياض سنتين وسوا فينا خير ودانا لفندق وقال انثبرو هنا لين تجي موعد رجعتكم وراح وتركنا .. طلعنا وريحنا شوي منع عناء السفر ...... قلت لخويي وش رايك نتجول في هالشوارع ونشوف الدنيا وبدينا نتمشى وصرنا كذا لمدة اسبوع نمشي وندربي روسنا وماندري وين الله حاطنا ...... مره كنا بالفندق نسولف انا وخويي وسألته كم بقا من القطه ياخوي نبي نرجع ملينا ..... خويي قال القطه باقي فيها خمسين ريال بس يعني مانقدر نقص تذاكر عوده

تهاوشنا انا وياه وقمنا نلعن بعض ونلعن اليوم اللي فكرنا فيه نسافر برا لاننا توهقنا بديره مانعرف فيها احد , جلسنا ساعتين ساكتين ونفكر بالمستقبل المؤلم اللي يواجهنا ويوم شفنا الجلسه مابها فايده قلنا ننزل نتمشى لعل وعسى نشوف واحد عربي يسلفنا ولا يشوف لنا حل

-=-=-=-=--==-=-=-=-=-=-(( حكمه ))-=-=-=-=-=-=-=-=-=--=-=-=-
لا للمخدرات 000 خيرٌ من عشره على الشجره
مع تحيات الهيئه الوطنيه لحماية الحياة الفطريه
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

قمنا نمشي بالسوق وبعت انا ساعتي وتعشينا بقيمتها وبقا معنا الخمسين ريال ماغير نقلبها ونبوسها تقول واحد من عيالنا ......... وحنا نمشي لقينا شباب وبنات واقفين بوسط الشارع يرقصون ويضحكون وواضح انهم فالينها قلت وش رايك نروح ندخل بينهم نبسط روحنا شوي قال ياخوي صعبه مايعرفوننا قلت ياحبيبي خش بعيونهم تعال بس

دخلنا بينهم الا كل واحد فيهم معه قارورة (( وسكي )) وجالسين يطيّشون الشراب ويرشون على بعض وعينك ماتشوف الا الضحك قلت لخووي وش رايك نشتري خمر ونجلس نطّيش على بعض مثلهم يمكن نستانس قال الفلوس ماتكفي !! قلت ياخوي اشتر اي شي اهم نسوي قدامهم اننا فاهمين ....... راخ خويي واشترا بيبسي الله يفشله وجا عندي وعطاني قاروره وقمنا نطيّش على بعض ويرشني وارشه بالبيبسي لين تغرقنا وقعدنا نرقص مع الهنود .(42)

انتهت الحفله وتفرقو الناس وانا وخويي من تأثير البيبسي لزقنا بالارض وصرنا مانقدر نتحرك وصرنا تقول مجسمات !!

الشي الوحيد اللي اقدر اسويه اني افتح عيوني ....... يوم صار من بكرا الصبح لقيت العالم تطوف علي انا وخويي واللي يتبرك فيني واللي يمسح فيني واللي يحط على راسي فلوس ... صارت عندنا زحمة مرور اضطرت حكومة الهند انها تنظم الحركه وصار فيه رسوم دخول وحطو علينا سور كبير وصارت الناس تتهافت علينا انا وخويي يجون من سبع الصبح لين اذان المغرب ويطوفون ويصيحون وحالتهم حاله (( صدق انهم هنود )) صار موقعنا كله فلوس منثره وانا وخويي واقفين مانقدر نسوي شي غير اننا نطالع وماندري وش نسوي لين مالله فرجها وامطرت ذاك اليوم وقدرنا نتحرك وضفينا فلوسنا وجمعنا حق تذاكر العوده للرياض


مايستفاد من القصه :
1/ لاعمرك تسافر مع واحد اسمه الجارح .
2/ ايقنت ان البيبسي احسن مشروب بالعالم .
3/ اذا قريت هالموضوع لاتصدق شي وحاول تاخذني على قد عقلي .

جررررررررررروحي.


تحياتي(55)