BooB11
09-10-2003, 07:24 AM
**انـــا طـــفــران (( يمتنع دخول المطخطخين ))**
يالله حيّ الطفارى ...
بصراحة المفروض انا اول واحد يقول الله يحييك ... يعني اللي يسمعي هالحين يقول امحش خشتي بعشرين ريال (( والله الطفران من جد )) ...
المهم ما علينا .. كل واحد وضميره ... اهم شي اني ما اسرق (( قصدك ما تقدر .. ارفل )) ...
طول عمري أحلم بأشياء كثيرة ... وكنت مثلي مثل الملاحيط مكانك سر !! يمكن هالاشياء كانت بنظر العامة اشياء مالها قيمة .. وتافهة !! بس كانت تعني لي الكثير !!
مثل دايم اتمنى ادور بسيارة وراكب قدام ... وأشغل شريط إليسا او هيفاء وهبي بدال الرادو .. واحط القروش بمخباتي اللي على جنب بدال ما اترزز بالريالات بمخبات الصدر ... ودايم ودي البس ثوب كبك عشان النشقة يطلع لها صوت يسمعه اللي بآخر الشارع !! المهم ان احلامي كانت اشبه بالتفاهات اللي تكون روتين المطخطخين !!
وكنت ادور بالشارع على رجولي !! واتمشى وانا اصفّر وأغني بلحالي ... تشوف النعال وحده زبيريه متقطعه والثانيه زنوبه زارفها من هندي المسجد ... وتشوف طاقيتي من الوصخ والبقع اللي عليها تحسبها مشخّله .. وثوبي تسنك كابّن عليه زيت ... واطلع اوراق من مخباتي كاتبن عليها ..
ادفعوا لأمر / .............. مبلغ وقدرة تسع وتسعين ريال !!
وكنت ارميّها بالشارع على بالي كاش وفسقان .. وبعدين ارجع وآخذها مرّه ثانيه عشان العب بها عشان أضيع الوقت !! حتى مرّه واحد شافني العب هاللعبه رحمني وعطاني خمستريل مرّه وحده !!عاد انا لا خرّبتها جمّعت ريالات .. ولا تكمّل خمسة .. تلقاها اربعه ... من زود فرحتي بها رحت ودفنتها عشان ما تضيع ...
والمقرود طول عمرة مقرود... ثاني يوم زفلتوا الشارع !! حقدت عليهم وحلفت اني لا أنقّر شارعهم الين تطلع دراهمي .. يا أنا ياهم !!
وتشابهت علي الاماكن ... كلة زفلت نفس الشكل .. ولا ادري وين بالضبط دفنتها(( يالبّى ذا الخمسه )) .. وابدى أدف ابيض عشان أختصر الوقت ... واتفلّت على الشارع .. لو صملت طلعّت لهم بترول !!
ثلاث اسابيع وانا احفر وادفن تشوف شوارع الرياض صارت تسنها زوليه في شقّة عزوبي يعسّل !!
المهم سريت على شوارع الرياض كلها مالقيت ذا الخمسه (( موب منك والله ... من اللي في راسك ))
الوكاد وانا في احدى حواري الرياض ادور على الخمسة.... متحمّس واضرب بهالفاس الارض شوي
الا وأسمع رّنة بصدى .. تسنك ضاربن راس شقاوي بملعقة .. طننننننننننن !!!
وابدى احوفر حول مكان الضربة الين بيّن لي صندوق صغير يشبة اللي بغرفة جدّي الله يرحمة !!
وافتح الصندوق .. والقى أشياء ما ادري وشّي بالضبط ... أوراق مرصوصّه كلها نفس الشكل .. والوانها غريبه ... عليها صوره واحد أصلع ومكتوب عليها بالانقليزي كلام وارقام كثيره ماميّزتها !!
الوكاد انه جازت لي صفّتها وشكلها جنب بعض تحس كأنها دولاب واحد غني !! ... صكّيت الصندوق وحطيتة على جنب وكملت تنقيب ادور على ذا الخمسة ... !!
فكّت من راسي وتعبت من الحفر... واخذ الصندوق واروح لعزبتي .. قلت ابرجع اكمل بعدين !! وحطيت الصندوق فوق كرتون فاضي عليه صوره تلفزيون راسم في وسط ذا التلفزيون شعار التلفزيون السعودي ... وانام !! ..
قمت من النوم .. وأنا ارقص من الجوع .. قسم بالله لو تقابلني ان تسولف مع بطني !! تحس بزارين يتهاوشون جوّى !! وادوّر في غرفتي شيّ ما بعته !! مالقيت شي!!
واناظر في الصندوق اللي ماادري وش سالفتة !! ويجوز لي نقشاتة ... تحس انه رهيب !!
وافضّي الورق اللي في وسطة !! وانقز لحراج بن قاسم وابيعة بثلاثة ريال ... وانقز لأقرب مطعم بخاري وأشتري نفر رز ساده ... وعلى عزبتي .. وأكلت الرز الين بديت أتاغـر من زود الشبعة ...
وانضجع على جنب ... واتحمد ربي على هالصندوق اللي لقيتة .. فكّ ازمة !!
واناظر ذا الورق المتناثر في وسط الغرفة !! واطلّع قلم صغير حاطة تحت المرقد !! واجمع ذا الورق .. واكمل لعبة الشيكات حقّتي ... واسوي نفسي كاش !!
وتحمست مع اللعبة ... وأخذ ذا الورق واحطة في مخباتي .. ويمتلي مخباتي !! ويجوز لي شكلي
واطلع الشارع !! صرت كل من اشوفة بوجهي طلعت له من مخباتي ورقة وعطيته ... على بالي غني !!
واشوفة يناظر فيني طايرتن بوهته .. بعدين يروح يركض ويناقز من الفرح !
انا تحمست مع المشهد .. وبديت أمثل اني غني ... ويمر مصري ... والعن أمة بمخمس !! ويلتفت علي قالبن وجهة تسنك ساحبن الستارة من تحت !! واطلع له ورقه من مخباتي .. وهو اللي يفكك كشرتة ويحب راسي وينحاش !!
انا بصراحه حنّيت عليه ... لاني بصراحة لفيّته بطراق ابن كلب !! مع الحماس حسّيت اني غني صدقي !!
والحق وراه ركض .. وانادية ... واعطية كل الاوراق اللي بمخباتي عن خاطره ... وهو اللي يبدى يشاهق من زود الفرحة معد عرف يحتسي .. وانا اللي تشققت من الفرحه .. اول مرّه اقابل أحد يلعب معي أغنياء !!
المهم اني سريت ... وهو راح بطريقة !!
ورجعت لعزبتي عشان آخذ الفاس وارجع اكمل الحفار على هالخمسة ... لاني حالفن اني ما ارتاح الين أشوفها ترزز بمخباتي !! ولااشري بها ولا شي ابكشخ بها !!
وهذا انا هالحين أحفر وادفن ... وأوصيكم .. لو احد يلقى الفلوس لحد ياخذها ... تكفون فرحوني بها ...
ولا تزرفونها .. ترى مالكم حقّ بها... ومال الحرام ما يدوم ... والسبه تلف تلف تلف وترجع لصاحبها !!
تحياتي(55)
جررررروحي
يالله حيّ الطفارى ...
بصراحة المفروض انا اول واحد يقول الله يحييك ... يعني اللي يسمعي هالحين يقول امحش خشتي بعشرين ريال (( والله الطفران من جد )) ...
المهم ما علينا .. كل واحد وضميره ... اهم شي اني ما اسرق (( قصدك ما تقدر .. ارفل )) ...
طول عمري أحلم بأشياء كثيرة ... وكنت مثلي مثل الملاحيط مكانك سر !! يمكن هالاشياء كانت بنظر العامة اشياء مالها قيمة .. وتافهة !! بس كانت تعني لي الكثير !!
مثل دايم اتمنى ادور بسيارة وراكب قدام ... وأشغل شريط إليسا او هيفاء وهبي بدال الرادو .. واحط القروش بمخباتي اللي على جنب بدال ما اترزز بالريالات بمخبات الصدر ... ودايم ودي البس ثوب كبك عشان النشقة يطلع لها صوت يسمعه اللي بآخر الشارع !! المهم ان احلامي كانت اشبه بالتفاهات اللي تكون روتين المطخطخين !!
وكنت ادور بالشارع على رجولي !! واتمشى وانا اصفّر وأغني بلحالي ... تشوف النعال وحده زبيريه متقطعه والثانيه زنوبه زارفها من هندي المسجد ... وتشوف طاقيتي من الوصخ والبقع اللي عليها تحسبها مشخّله .. وثوبي تسنك كابّن عليه زيت ... واطلع اوراق من مخباتي كاتبن عليها ..
ادفعوا لأمر / .............. مبلغ وقدرة تسع وتسعين ريال !!
وكنت ارميّها بالشارع على بالي كاش وفسقان .. وبعدين ارجع وآخذها مرّه ثانيه عشان العب بها عشان أضيع الوقت !! حتى مرّه واحد شافني العب هاللعبه رحمني وعطاني خمستريل مرّه وحده !!عاد انا لا خرّبتها جمّعت ريالات .. ولا تكمّل خمسة .. تلقاها اربعه ... من زود فرحتي بها رحت ودفنتها عشان ما تضيع ...
والمقرود طول عمرة مقرود... ثاني يوم زفلتوا الشارع !! حقدت عليهم وحلفت اني لا أنقّر شارعهم الين تطلع دراهمي .. يا أنا ياهم !!
وتشابهت علي الاماكن ... كلة زفلت نفس الشكل .. ولا ادري وين بالضبط دفنتها(( يالبّى ذا الخمسه )) .. وابدى أدف ابيض عشان أختصر الوقت ... واتفلّت على الشارع .. لو صملت طلعّت لهم بترول !!
ثلاث اسابيع وانا احفر وادفن تشوف شوارع الرياض صارت تسنها زوليه في شقّة عزوبي يعسّل !!
المهم سريت على شوارع الرياض كلها مالقيت ذا الخمسه (( موب منك والله ... من اللي في راسك ))
الوكاد وانا في احدى حواري الرياض ادور على الخمسة.... متحمّس واضرب بهالفاس الارض شوي
الا وأسمع رّنة بصدى .. تسنك ضاربن راس شقاوي بملعقة .. طننننننننننن !!!
وابدى احوفر حول مكان الضربة الين بيّن لي صندوق صغير يشبة اللي بغرفة جدّي الله يرحمة !!
وافتح الصندوق .. والقى أشياء ما ادري وشّي بالضبط ... أوراق مرصوصّه كلها نفس الشكل .. والوانها غريبه ... عليها صوره واحد أصلع ومكتوب عليها بالانقليزي كلام وارقام كثيره ماميّزتها !!
الوكاد انه جازت لي صفّتها وشكلها جنب بعض تحس كأنها دولاب واحد غني !! ... صكّيت الصندوق وحطيتة على جنب وكملت تنقيب ادور على ذا الخمسة ... !!
فكّت من راسي وتعبت من الحفر... واخذ الصندوق واروح لعزبتي .. قلت ابرجع اكمل بعدين !! وحطيت الصندوق فوق كرتون فاضي عليه صوره تلفزيون راسم في وسط ذا التلفزيون شعار التلفزيون السعودي ... وانام !! ..
قمت من النوم .. وأنا ارقص من الجوع .. قسم بالله لو تقابلني ان تسولف مع بطني !! تحس بزارين يتهاوشون جوّى !! وادوّر في غرفتي شيّ ما بعته !! مالقيت شي!!
واناظر في الصندوق اللي ماادري وش سالفتة !! ويجوز لي نقشاتة ... تحس انه رهيب !!
وافضّي الورق اللي في وسطة !! وانقز لحراج بن قاسم وابيعة بثلاثة ريال ... وانقز لأقرب مطعم بخاري وأشتري نفر رز ساده ... وعلى عزبتي .. وأكلت الرز الين بديت أتاغـر من زود الشبعة ...
وانضجع على جنب ... واتحمد ربي على هالصندوق اللي لقيتة .. فكّ ازمة !!
واناظر ذا الورق المتناثر في وسط الغرفة !! واطلّع قلم صغير حاطة تحت المرقد !! واجمع ذا الورق .. واكمل لعبة الشيكات حقّتي ... واسوي نفسي كاش !!
وتحمست مع اللعبة ... وأخذ ذا الورق واحطة في مخباتي .. ويمتلي مخباتي !! ويجوز لي شكلي
واطلع الشارع !! صرت كل من اشوفة بوجهي طلعت له من مخباتي ورقة وعطيته ... على بالي غني !!
واشوفة يناظر فيني طايرتن بوهته .. بعدين يروح يركض ويناقز من الفرح !
انا تحمست مع المشهد .. وبديت أمثل اني غني ... ويمر مصري ... والعن أمة بمخمس !! ويلتفت علي قالبن وجهة تسنك ساحبن الستارة من تحت !! واطلع له ورقه من مخباتي .. وهو اللي يفكك كشرتة ويحب راسي وينحاش !!
انا بصراحه حنّيت عليه ... لاني بصراحة لفيّته بطراق ابن كلب !! مع الحماس حسّيت اني غني صدقي !!
والحق وراه ركض .. وانادية ... واعطية كل الاوراق اللي بمخباتي عن خاطره ... وهو اللي يبدى يشاهق من زود الفرحة معد عرف يحتسي .. وانا اللي تشققت من الفرحه .. اول مرّه اقابل أحد يلعب معي أغنياء !!
المهم اني سريت ... وهو راح بطريقة !!
ورجعت لعزبتي عشان آخذ الفاس وارجع اكمل الحفار على هالخمسة ... لاني حالفن اني ما ارتاح الين أشوفها ترزز بمخباتي !! ولااشري بها ولا شي ابكشخ بها !!
وهذا انا هالحين أحفر وادفن ... وأوصيكم .. لو احد يلقى الفلوس لحد ياخذها ... تكفون فرحوني بها ...
ولا تزرفونها .. ترى مالكم حقّ بها... ومال الحرام ما يدوم ... والسبه تلف تلف تلف وترجع لصاحبها !!
تحياتي(55)
جررررروحي