خلك بكلامك واضح وياي
وحكك تاخذه بس حكي اريده
الك شي يمي راجع تاخذه تريد
شضل عندي خذت كل التريده
تريد انساك حاضر بس شرط ها
دفتر ذكرياتي وياك اعيده
يمته انساك باجر باجر هوايه
راح انساك من تكضي القصيده
الضحكه بدفتري مالها اثار
بس الدمعه بي كلش جديده
الامس مني خذاك بلامعانات
حاقد كتلك وناصب مكيده
يكسر كلبي راد وشافك وياي
وكسر كلبي وصدك سوه اليريده
راجع من بعد مابعت السنين
احجيلي اوكف كبل لا تحجي بس ليش
مثل جيش الشماته بعقل اليهود
وحبنه سلام ليش ادخل الجيش
طرت بريش جنحك بعد ماصار
الك عشكي خرافي مو عشك طيش
الي حوبه واعثرك باجر تشوف
وباجر نار بختي التحرك الريش
ولا تسكت حجيلي حجيلي بالبيع
بعتني ومن بعتني من بعت بيش
غيري بكلبه ماحطك باليجار
وانه بكلبي بقصر خليتك تعيش
رحت وجروحي كلها صغار وكبار
نزفن وانه صيح الله وكبار
اذا كد بيت الك بالكلب وكبار
مكان اضفر بعد مالك بيه
نزف شريان امس وبحاجتك جان
وصل موته ووكف وياه وريده
تفيده انته الكلب متوقعك جان
وطلع غلطان انته لماتفيده
لا تحلم بعد ارجع سوه وياك
والك جفي بعد مامدها ايده
تشوف انته النجوم شكد بعيدات
رجعتي وياك هم صارت بعيده
اعتقد واضح كلامي جان وياك
ومايحتاج الك يمكن اعيده
من تكضي القصيده كتلك انساك
باقي المن كضت هسه القصيدة

بصراحه اهنيك على الاحاسيس
والمشاعر الجميله التى انسكبت هنا وابدعت

الضحكه بدفتري مالها اثار
بس الدمعه بي كلش جديده

لمشاهدة الروابط والصور يجب التسجيل.

سلمت يمناك على تالقك
ودائما بشوق لجديدك

لك خالص ودى واحترامى
دموووعه

لمشاهدة الروابط والصور يجب التسجيل.