(مش كفايا)
طياراتكم مش كفاية
والمدافع مش كفاية
والقنابل والحصار
والحرايق والدمار
والدموع فى عيون صغار
والجناين تبقى نار

مش كفاية

لو عايزِنى مرة أخضع .. غيرونى
شوفوا يمكن لو ده ينفع .. بدلونى

ولما ما تلاقوليش طريقة
واجهوا لو مرة الحقيقة
واقروا من قرآنى آية
تفهموا أصل الحكاية
إنى بضحك عل القنابل
موتة جاية وقلبى قابل
تعرفوا
إن القنابل والمدافع والشظايا
والسلاح اللى معاكو و مش معايا
مش كفاية

موتونى ألف مرة
غصب عنكم بلادى حرة

وللنهاية كلمة بكتبها بدمايا
للى يستشهد ورايا
إن ثمن الجنة ديا
لو حياتك .. مش كفاية

لمشاهدة الروابط والصور يجب التسجيل. (لمشاهدة الروابط والصور يجب التسجيل.)

رولا
ربي ينتقم من الظالم و الظالمين
و يصلح لكم حال البلاد
و اكيد اكيد حرة
لا اعرف ماذا اقووول
بس اللي قلبي لكم
ربي معكم
و يحميكم
و ينتقم من اصحاب الفساد
اخوكي في الله

ان شاء الله بكره بيروح الظلام وتشرق الشمس من جديد
والله يكون بعون اهنا يارب
ربي يعطيكي العافيه اختي رولا

الله يفرج همكم يا رب